fbpx
Բաժիններ

Մամիկոն Ղարիբյանի և Մարիամ Մկրտչյանի արդյունքը լավագույնն է հայ շախմատիստներից

Բաթումում ընթացող շախմատի աշխարհի պատանեկան առաջնության մասնակիցներն անցկացրին 8-րդ տուրի հանդիպումները: Մինչև 12 տարեկան պատանիների մրցաշարում Մամիկոն Ղարիբյանը հաղթեց ադրբեջանցի Ֆարիդ Մուստաֆաևին: Մամիկոնը 5,5 միավորով բարձրացավ 18-րդ հորիզոնական: Մրցաշարի ավարտից 3 տուր առաջ Մամիկոն Ղարիբյանը 1,5 միավորով է հետ մնում երկու առաջատարներից:

Տարիքային այս խմբում հաղթանակներ տոնեցին նաև Գոռ Գրիգորյանը (4,5 միավոր), Սարգիս Սարգսյանը, Սևակ Մանուկյանը (4 -ական միավոր): 4-ական միավոր վաստակած Գրիգոր Դավթյանը ոչ-ոքի խաղաց, իսկ Արշակ Մելքոնյանը պարտվեց:

8-րդ տուրն անհաջող էր մինչև 12 տարեկան աղջիկների մրցաշարի մասնակից հայ շախմատիստուհիներից շատերի համար: Ցավոք պարտվեց Մարիամ Մկրտչյանը, որի մրցակցուհին հնդիկ Դեշմուխ Դիվյուն էր: Մարիամը 5,5 միավորով նահանջեց 11-րդ հորիզոնական: Նա արդեն 1,5 միավորով է հետ մնում աղյուսակը գլխավորող ռուսաստանցի ՖԻԴԵ-ի վարպետ Բիբիսարա Ասաուբաևայից:

Պարտություններ կրեցին նաև Աստղիկ Հակոբյանը, Ասյա Եդիգարյանը, Հասմիկ Քոչինյանն ու Նադեժդա Խաչատրյանը: Միակ հաղթանակը տարավ Մարիետա Խաչատրյանը, ով Աստղիկ Հակոբյանի հետ ունի 4 միավոր:

Մինչև 10 տարեկան տղաների մրցաշարում Արսեն Դավթյանը հաղթելով չինացի Զոնգքսին Լիին, վաստակեց 5,5 միավոր: Նա 1,5 միավորով է հետ մնում առաջատարից: Տուրը հաղթական էր նաև Հայկ Գրիգորյանի, Գոռ Սարգսյանի և Էմին Օհանյանի համար: Այս եռյակից լավագույն արդյունքն ունի Հայկը, որի հաշվին 5 միավոր է գրանցված: Դավիթ Գասպարյանն ու Էրիկ Հակոբյանը պարտվեցին:

Մինչև 8 տարեկան տղաների մրցաշարում Նիկոլայ Հովյանը հաղթելով ուկրաինացի Կիրիլ Նեստերենկոյին, վաստակեց 5,5 միավոր և տեղափոխվեց 21-րդ հորիզոնական: Հովյանն առաջատարից 2 միավորով է հետ մնում: 4-ական միավոր վաստակած Ռուդոլֆ Փաշիկյանը պարտվեց, իսկ Մենուա Հակոբյանը ոչ-ոքի խաղաց:

Մինչև 10  տարեկան աղջիկների մրցաշարում մեր պատվիրակներից լավագույն արդյունքն ունեցող Սեդա Բադալյանը պարտվեց ու 4,5 միավորով նահանջեց 42-րդ հորիզոնական: Անհաջողության մատնվեցին նաև Անետա Ասկարյանն ու Թամար Գոգինյանը: Միակ հաղթանակը տոնեց Նարե Մեյրոյանը:

Ամենակրտսեր տարիքային խմբում Անգելինա Ղուկասյանը և Սյուզաննա Առաքելյանը հաղթանակներ տոնելով, վաստակեցին 3,5-ական միավոր: Իսկ 3 միավոր  ունեցող Էմմա Մխիթարյանը պարտվեց:

Հետևե՛ք VNews.am-ին նաև Youtube-ում և Instagram-ում:


    • Ընթերցեք նաև

Մ16 օլիմպիադա. Հայաստանի հավաքականը բավարարվեց 12-րդ տեղով

Մ16 օլիմպիադա. Հայաստանի հավաքականը մեդալների հավակնորդների թվում է

Մ16 օլիմպիադա. Հայաստանի հավաքականը մոտեցավ առաջատարների խմբին

Մ16 օլիմպիադա. Հայ պատանիները հաղթեցին թուրքերին

Մ16 օլիմպիադա. Հայ պատանիներն առայժմ 12-րդ տեղում են

Մ16 օլիմպիադա. Պատանի հայ շախմատիստները 14-րդ տեղում են

Աշխարհի պատանեկան առաջնություն. Շանթ Սարգսյանը հավակնում է աշխարհի չեմպիոնի տիտղոսին

Աշխարհի պատանեկան առաջնություն. Շանթ Սարգսյանը չեմպիոնական մրցավազքում կարևոր հաղթանակ տոնեց

Աշխարհի պատանեկան առաջնություն. Աստղիկ Հակոբյանն ու Շանթ Սարգսյանը հետապնդում են առաջատարներին

Աշխարհի պատանեկան առաջնություն. Աստղիկ Հակոբյանը կես միավոր է զիջում առաջատարներին

Աշխարհի պատանեկան առաջնություն. Սարգսյանը, Դավթյանն ու Հակոբյանը հետապնդում են առաջատարներին

Աշխարհի պատանեկան առաջնություն. Հայ շախմատիստներից երեքն առաջատարներին հետապնդողների շարքում են

Աշխարհի պատանեկան առաջնություն. Հայ շախմատիստներից լավագույնը Շանթ Սարգսյանի արդյունքն է

Աշխարհի պատանեկան առաջնություն. Հայ շախմատիստներից 4-ն առաջատարների խմբում են

Եվրոպայի առաջնություն. Հայաստանցի 2 շախմատիստներ հավակնում են չեմպիոնի տիտղոսին

Եվրոպայի առաջնություն. Հայաստանցի 3 շախմատիստներ առաջատարների թվում են​