«Մանչեսթեր Սիթին» չի կանգնում. հերթական միլիոնները՝ նոր աստղի համար

«Մանչեսթեր Սիթին» ամառային այս տրանսֆերային պատուհանի ընթացքում արդեն 2 տրանսֆեր է կատարել՝ գնելով Ֆերան Տորեսին «Վալենսիայից» ու Նատան Ակեին «Բորնմութից»:

Ինչպես տեղեկացնում է լրագրող Տանկրեդի Պալմյերին իր թվիթերյան էջում, «քաղաքաբնակները» չեն պատրաստվում եզրափակվել այդքանով: Ըստ լրագրողի՝ «Սիթին» արդեն 63 միլիոն եվրո է պատրաստել «Նապոլիի» պաշտպան Կալիդու Կուլիբալիին գնելու համար: Նշվում է, որ «Նապոլին» դեմ չէ սենեգալցուց բաժանվելուն, սակայն, հավանաբար, մի փոքր ավելի մեծ գումար կպահանջի անգլիական ակումբից:

Ավելի վաղ հաղորդվում էր, որ Կուլիբալիի ծառայություններով հետաքրքրված են նաև «Լիվերպուլը» և ՊՍԺ-ն:

Միացի՛ր հայկական ամենասպորտային Instagram-ին: