Մանեն նշել է այն ֆուտբոլիստին, առանց որի ինքն ու Սալահը շատ ավելի քիչ գոլեր կխփեին

«Լիվերպուլի» հարձակվող Սադիո Մանեն բարձր է գնահատել Անգլիայի գործող չեմպիոնի հաջողություններում թիմակից Ռոբերտո Ֆիրմինոյի ավանդը:

«Նա ավելի մեծ ճանաչման է արժանի, քան ես և Սալահը, դա՝ միանշանակ: Բայց այդ ամենը ֆուտբոլի մի մասն է․ մարդիկ միշտ նայում են խփված գոլերին: Անկեղծ ասած, ես և Մոն առանց Բոբիի այսքան գոլեր չէինք խփի:

Նա իրավիճակները մեզ համար դարձնում է ավելի հեշտ: Կարծում եմ՝ Բրազիլիան բախտավոր է ունենալ Ֆիրմինոյի պես ֆուտբոլիստի: Միշտ ասում եմ Բոբիին․ «Դու պետք է Սենեգալի քաղաքացիություն ստանաս»: Դա երազանքի իրականացում կդառնար:

Ես սիրում եմ նրան, Բոբին իմ սիրելի թիմակիցն է»,- սենեգալցի Մանեի խոսքերը մեջբերում է ESPN Brasil-ը:

Ֆիրմինոն Պրեմիեր լիգայի ընթացիկ առաջնությունում անցկացրած 25 խաղում դարձել է 6 գոլի և 5 արդյունավետ փոխանցման հեղինակ:

Կլոպ. «Ֆիրմինոն խփած գոլերով չէ, որ կարևոր է «Լիվերպուլի» համար»

Միացի՛ր հայկական ամենասպորտային Instagram-ին: