Մանջուկիչի պայմանագրից մանրամասներ են հայտնի դարձել

Ինչպես արդեն տեղեկացրել ենք, «Յուվենտուսի» նախկին հարձակվող Մարիո Մանջուկիչը, որն այժմ ազատ գործակալի կարգավիճակ ունի, շուտով կդառնա «Միլանի» ֆուտբոլիստ:

Ֆուտբոլային հեղինակավոր լրագրող Ֆաբրիցիո Ռոմանոն հաղորդում է, որ կողմերի պայմանագիրն արդեն համաձայնեցված է: Վաղը Միլանում տեղի կունենա բուժզննումը, որից հետո կկնքվի պայմանագիրը:

Calciomercato-ի տեղեկություններով՝ Մարիո Մանջուկիչը «Միլանի» հետ կկնքի վեց ամսվա պայմանագիր, որն ավտոմատ կերկարաձգվի, եթե թիմը նվաճի Չեմպիոնների լիգայի հաջորդ խաղարկության ուղեգիր:

Վեց ամսվա համար Մարիո Մանջուկիչը «Միլանում» կվաստակի 1,8 միլիոն եվրո: Հայտնի չէ, թե որքան ֆուտբոլիստը կվաստակի, եթե պայմանագրի ժամկետը երկարաձգվի ևս մեկ տարով:

Ընդգծվում է, որ Զլատան Իբրահիմովիչը շատ ուրախ է Մանջուկիչի ժամանումով:

Միացի՛ր հայկական ամենասպորտային Instagram-ին: