Մարզիչներն ու մարզիկները ամփոփեցին վարկանիշային մրցաշարը - VNews
Բաժիններ

Մարզիչներն ու մարզիկները ամփոփեցին վարկանիշային մրցաշարը

162394846 3551041098352696 114809530329769586 n - Մարզիչներն ու մարզիկները ամփոփեցին վարկանիշային մրցաշարը
Խաղի մանրամասները

տուր

01 Հունվար 1970 - 16:27

-

-

Ազատ ոճի Հայաստանի հավաքականի գլխավոր մարզիչ Հաբեթնակ Կուրղինյանն ու մարզիչ Էդգար Էնոքյանն այսօր կայացած ասուլիսի ընթացքում ամփոփեցին Բուդապեշտում կայացած եվրոպական գոտու վարկանիշային մրցաշարը, որտեղ ուղեգիր ու ոսկե մեդալ նվաճեցին Արսեն Հարությունյանը (57 կգ) ու Վազգեն Թևանյանը (65 կգ), մեր մյուս ներկայացուցիչներ Հրայր Ալիխանյանը (74 կգ) ու Հովհաննես Մխիթարյանը (86 կգ) հայրենիք վերադարձան ձեռնունայն:

Հաբեթնակ Կուրղինյան

«Արսենն ու Վազգենը շատ լավ ելույթներ ունեցան ՝ լուրջ հայտ ներկայացնելով Օլիմպիական խաղերի մեդալի համար: Մյուսները դեռ հնարավորություն կունենան ուղեգիր նվաճելու Սոֆիայում կայանալիք մրցաշարում:

Տղաներից սպասում էինք ուղեգրեր, բայց ասելով, որ նրանք մի քանի անգամ գերազանցել են սպասելիքներս, նկատի ունեի իրենց գոտեմարտերի արդյունքները, ունեցած վստահությունը նման մրցակիցների դեմ: Նրանց ելույթներին առանձին հրապարկմամբ անդրադարձել էր նաև միջազգային ֆեդերացիան՝ նշելով, որ ըմբշամարտում ի հայտ են եկել նոր աստղեր: Մեզ համար հաճելի էր, որ նրանց ելույթներին ամբողջ աշխարհն էր անդրադառնում:

Չգիտեմ՝ ինչու նախկինում հոգեբանների հետ չկային հանդիպումներ, բայց այս մրցաշարից առաջ մի քանի հանդիպում եղավ նախարարության նախաձեռնությամբ: Եթե մեզ հարցնեն, այս համագործակցությունը պետք է շարունակվի:

97 կգ քաշային կարգում հանդես եկող Գացալովը վնասվածք ունի ու չի կարող մասնակցել, սակայն 3 քաշային կարգում՝ 74 կգ, 86 կգ ու 125 կգ, հնարավորություն ունենք ուղեգրեր նվաճելու համաշխարհային վարկանիշային մրցաշարում: Լևան Բերիանիձեն ավելի պատրաստ է ու կմասնակցի Սոֆիայում կայանալիք մրցաշարին»:

Էդգար Ենոքյան

«Տղաների ելույթների ուրախացրին ամբողջ ազգին: Այնպիսի տպավորություն էր, որ ամբողջ դահլիճը խոսում էր Վագզենի ու Արսենի ունեցած հաջողության մասին՝ «որտեղի՞ց են եկել այս տղաները»: Կաշխատենք կրկնել հաջողությունը մյուս մրցաշարերում:

Կարծում եմ, որ Վազգենն ու Արսենը այս արդյունքին հասան քրտնաջան աշխատանքի ու մեծ ցանկության շնորհիվ»:

Արսեն Հարությունյան

«Շատ հետաքրքիր գոտեմարտեր անցկացրի, սպասում էի, որ կհաղթեինք, քանի որ մեծ աշխատանք էինք կատարել ու պատրաստ էինք հաղթելուն: Սա պարզապես քայլ էր դեպի Օլիմպիական խաղեր: Կփորձենք ամեն ինչ անել, որ Օլիմպիական խաղերին էլ շատ լավ մասնակցենք:

Վազգեն Թևանյան

«Եվրոպական մրցաշարին պատրաստվել էինք այն համոզմամբ, որ ուղեգիր ենք ձեռք բերելու: Եզրափակիչ գոտեմարտից մեկ օր առաջ ավելի լարված վիճակ էր, սակայն եզրափակիչի օրը ավելի հանգիստ էի: Մտածում էի, որ սովորական մրցակցի դեմ եմ մրցելու, ոչ թե ադրբեջանցու:

Օլիմպիական խաղերին դեռ ժամանակ կա: Պետք է այդ ընթացքում լավ պատրաստվենք, իհարկե, հույսեր ունեմ ու հավատում եմ, որ կարող եմ չեմպիոն դառնալ: Իսկ կարծիքը, որ ոսկու հավակնորդ եմ, ավելի է ոգևորում: Կփորձեմ արդարացնել այդ հույսերը:

Հանգստությունը գալիս է վստահությունից, իսկ վստահությունը՝ լավ աշխատանքից, երբ վստահ ես ուժերիդ, ավելի հանգիստ ես լինում»:

Ալիևը՝ Թևանյանից կրած պարտության մասին. «Հավատացեք՝ բոլորիցդ շատ եմ ցավում»

Միացի՛ր հայկական ամենասպորտային Instagram-ին:


Արսեն Հարությունյանը՝ ըմբշամարտի Աշխարհի Մ23 առաջնության հաղթող

Ըմբշամարտի Մ23 ԱԱ. Թևանյանը դուրս եկավ եզրափակիչ

Ըմբշամարտի Մ23 ԱԱ. Թևանյանը հաղթեց թուրք մրցակցին՝ դուրս գալով կիսաեզրափակիչ

Ըմբշամարտի Մ23 ԱԱ. Պայքարի մեջ են մտել ազատ ոճայինները

Արսեն Հարությունյանը՝ Աշխարհի առաջնության բրոնզե մեդալակիր

Ազատ ոճի ըմբշամարտի ԱԱ. Վազգեն Թևանյանը պարտվեց 1/4 եզրափակիչում

Օսլո 2021. Արսեն Հարությունյանը կիսաեզրափակիչում է

Երևանի քաղաքապետը «Էրեբունի-Երևան 2800»-ամյակի հուշամեդալով է պարգևատրել մարմնամարզիկ Արթուր Դավթյանին (լուսանկարներ)

Վարչապետը հյուրընկալել է հայ օլիմպիականներին (տեսանյութ)

«Առանց չելենջների». Ավետիք Վարդանյանը ամփոփեց իր առաջին Օլիմպիական խաղերը

Բաչկով. «Երկար տարիների ընթացքում կարողացա Հայաստանի համար բոլոր կարևոր մրցաշարերից մեդալ նվաճել»

ՏՈԿԻՈ 2020. Վերջին պահին ԱՄՆ հավաքականը շրջանցեց չինացիներին, մեդալային հաշվարկ

ՏՈԿԻՈ 2020-ի փակման արարողությունը՝ VNews-ի ֆոտոշարքում

ՏՈԿԻՈ 2020. Բրազիլիայի հավաքականը՝ Օլիմպիական չեմպիոն (տեսանյութ)

ՏՈԿԻՈ 2020. Հովհաննես Բաչկովը կլինի Խաղերի փակման արարողությանը Հայաստանի դրոշակակիրը

ՏՈԿԻՈ 2020. Բրազիլիա – Իսպանիա. Մեկնարկային կազմեր