Mundo Deportivo. Դե Լիխտը հանձնվում է՝ սկսելուց առաջ
Կատալոնական Mundo Deportivo պարբերականն անդրադարձել է «Այաքսի» պաշտպան Մատեյս դե Լիխտի շուրջ ստեղծված տրանսֆերային իրավիճակին: 19-ամյա ֆուտբոլիստն այս պահին դեռ չի կողմնորոշվում ակումբի ընտրության հարցում:
«Դե Յոնգն ընտրեց «Բարսելոնան»: Նա կարող էր այլ ակումբ տեղափոխվել, բայց ամեն ինչ իր մեջ հստակ էր: Բուսկետսի, Ռակիտիչի, Վիդալի կամ Արտուրի հետ մրցակցությունը նրան չվախեցրեց: Նրան ոչ ոք չէր խոստացել, որ խաղալու է մեկնարկային կազմում: Չնայած իր երիտասարդ տարիքին՝ նա գտավ իր մեջ վստահություն «Բարսելոնայում» խաղալու ու տեղ վաստակելու:
Գրիզմանը ևս խաղադրույք է կատարում «Բարսայի» վրա: Նա գիտի, որ գալու է մի թիմ, որտեղ 2 հոգու տեղը մեկնարկային կազմում երաշխավորված է՝ Մեսիի և Սուարեսի: Թիմում են նաև ակումբի պատմության երկու ամենաթանկ տրանսֆերները՝ Ֆիլիպե Կոուտինյոն և Ուսման Դեմբելեն:
Իսկ դե Լիխտը հանձնվում է՝ սկսելուց առաջ: Նրա նախընտրած ճանապարհը, կարծես, ՊՍԺ-ն է: Այնտեղ ավելի շատ գումար են առաջարկում, երաշխավորված տեղ՝ մեկնարկային կազմում, և, իհարկե, շատ ավելի հեշտ է առաջնությունում հաղթելը: Հարմարավետության գոտի: Մի՞թե նա չունի բավարար տաղանդ ու քաղց՝ «Բարսայում» ամեն ինչի հասնելու: Տեսնենք՝ երբ կզղջա», – գրում է հեղինակավոր պարբերականը:
Հետևե՛ք VNews.am-ին նաև Youtube-ում և Instagram-ում:
-
Ընթերցեք նաև
-
Վիդեո
Ֆոտո
- Բոլորը
- Vivaro News TV
- Գոլացոներ
- Զվարճալի
- Հավաքածու
- Տեսագրություններ
- Տեսություններ