fbpx

Մեծ սաղավարտ․ Ֆերդինանդ Կարապետյանը 7-րդն է

Ֆրանսիայի մայրաքաղաք Փարիզում փետրվարի 9-ից 10-ը կայացավ Մեծ սաղավարտի մրցաշարը, որում Հայաստանը ներկայացնում էին 73 կգ քաշային Ֆերդինանդ Կարապետյանը և 90 կգ քաշային Արսեն Խանջյանը։

Եվրոպայի գործող չեմպիոնը փայլուն է մեկնարկել՝ առաջին փուլում առավելության հասնելով ադրբեջանցի Մամադով Ռուֆատի նկատմամբ, սակայն 1/4 եզրափակիչում զիջել է Կոսովոյի ներկայացուցիչ Գջակա Ակիլին, իսկ սփոփիչ գոտեմարտում չի կարողացել հաղթել Վրաստանի պատվիրակի արգելքը։ Այսպիսով, Ֆերդինանդը զբաղեցրել է 7-րդ տեղը։

Իսկ Արսեն Խանջյանը առաջին իսկ գոտեմարտում հաշված վայրկյաններում պարտվել է Իտալիայի ներկայացուցիչ Մունգայ Նիկոլասին։

Նշենք, որ մեր հավաքականի առաջատարները փետրվարի 22-ին Դյուսելդորֆում կմասնակցեն Մեծ սաղավարտի հերթական ստուգատեսին։

Հետևե՛ք VNews.am-ին նաև Youtube-ում և Instagram-ում: