Մեկնարկում է VBET Հայաստանի գավաթի «ամենահամեղ» հատվածը․ Ինչ է պետք իմանալ կիսաեզրափակիչ առաջին խաղերից առաջ - VNews
Բաժիններ

Մեկնարկում է VBET Հայաստանի գավաթի «ամենահամեղ» հատվածը․ Ինչ է պետք իմանալ կիսաեզրափակիչ առաջին խաղերից առաջ

50672339101 942f54d66b o 2 1 - Մեկնարկում է VBET Հայաստանի գավաթի «ամենահամեղ» հատվածը․ Ինչ է պետք իմանալ կիսաեզրափակիչ առաջին խաղերից առաջ

«ԱԼԱՇԿԵՐՏ» – «ՆՈԱ»

20 ապրիլի, ժ.15:00, Երևան, «Նաիրի» մարզադաշտ

4 խաղ, որոնցում հաղթել է «Ալաշկերտը», խփած և բաց թողած գոլերի հարաբերակցությունը՝ 12-2

Հետաքրքիր 5 փաստ՝ հանդիպմանն ընդառաջ

1․ Խաղացանկի քմահաճույքով «Ալաշկերտն» ու «Նոան» 3 խաղ անընդմեջ կմրցեն միմյանց հետ: Այս խաղից հետո ապրիլի 26-ին մրցակիցները մրցավեճի կբռնվեն առաջնության 21-րդ տուրի շրջանակում, իսկ 4 օր անց կկայանա գավաթի կիսաեզրափակիչ պատասխան հանդիպումը:

VBET Հայաստանի գավաթի խաղարկություններում մրցակիցների ճանապարհները 3-րդ անգամ են հատվում: Ընդ որում, առաջին անգամ «Ալաշկերտն» ու «Նոան» մրցավեճի կբռնվեն կիսաեզրափակիչում: Գավաթային առաջին դիմակայությունը կայացել է 2017/18թթ. խաղարկության քառորդ եզրափակիչում:

«Նոան», որ այն ժամանակ կրում էր «Արցախ» անվանումը, նոր էր կազմավորվել ու հանդես էր գալիս Առաջին խմբի առաջնությունում: «Ալաշկերտը» երկու հանդիպումներում էլ մեծ առավելության հասավ մրցակցի նկատմամբ (3-1, 6-0)՝ տոնելով գավաթի մրցաշարերում իր ամենախոշոր հաշվով հաղթանակը: Պատասխան խաղում Արթուր Եդիգարյանը հեթ-տրիկի հեղինակ էր դարձել: Հետաքրքիր է, որ «Արցախի» կազմում միակ գոլը խփել էր Գրիգոր Աղեկյանը, որը ներկայումս «Ալաշկերտում» է:

Գավաթի հաջորդ խաղարկությունում մրցակիցները կրկին հանդիպեցին քառորդ եզրափակիչում: «Ալաշկերտը» կրկին երկու խաղերում էլ հաղթեց «Արցախին» (2-1, 1-0), որը նորամուտն էր նշել Բարձրագույն խմբում:

123544565 1088730471583083 4680338033800314832 n - Մեկնարկում է VBET Հայաստանի գավաթի «ամենահամեղ» հատվածը․ Ինչ է պետք իմանալ կիսաեզրափակիչ առաջին խաղերից առաջ

2․ Գավաթի ընթացիկ խաղարկությունում «Ալաշկերտը» շատ վստահ է հանդես գալիս՝ հաղթելով անցկացրած 4 հանդիպումներում էլ: 1/8 եզրափակիչում ալաշկերտցիները պայքարից դուրս մղեցին «Շիրակին» (2-1, 1-0), իսկ հաջորդ փուլում առավելության հասան ԲԿՄԱ-ի նկատմամբ (4-0, 2-1): Այդ հանդիպումներում «Ալաշկերտից» առավել արդյունավետ է գործել Ալեքսանդր Գլիշիչը, որը 2 գնդակով թիմի լավագույն ռմբարկուն է:

3․ Գործող գավաթակիր «Նոան» իր տիտղոսի պաշտպանությունը սկսել է քառորդ եզրափակիչից: Առաջին խաղում «Նոան» Պետրոս Ավետիսյանի և Էլիստանո Չիրո Մանգայի խփած գոլերի շնորհիվ հաղթեց «Ուրարտուին»: Պատասխան խաղում գրանցվեց արդյունավետ ոչ-ոքի՝ 2-2: Այդ խաղում դառնալով գոլի հեղինակ, Վլադիմիր Ազարովը Մաքսիմ Մայրովիչի հետ 3 գնդակով գլխավորեց գավաթի մրցաշարերում «Նոայի» բոլոր տարիների լավագույն ռմբարկուների ցանկը:

123310309 1088730521583078 8778172528524798595 n - Մեկնարկում է VBET Հայաստանի գավաթի «ամենահամեղ» հատվածը․ Ինչ է պետք իմանալ կիսաեզրափակիչ առաջին խաղերից առաջ

4․ «Ալաշկերտը» 9-րդ անգամ է մասնակցում գավաթի մրցաշարերին: Թիմը 5-րդ անգամ է հանդես գալու գավաթի կիսաեզրափակիչում: Ալաշկերտցիներին առայժմ 2 անգամ է հաջողվել հաղթահարել այդ փուլի արգելքը: 2017/18թթ. խաղարկությունում «Ալաշկերտը» գավաթի եզրափակիչի ուղեգիր է նվաճել՝ հաղթահարելով «Բանանցի» արգելքը (1-0, 1-0):

2018/19թթ. մրցաշարում ալաշկերտցիները պայքարից դուրս մղեցին «Արարատ-Արմենիային» (2-2, 0-0), իսկ եզրափակիչում նվազագույն հաշվով հաղթելով «Լոռիին»՝ առաջին անգամ դարձան Հայաստանի գավաթակիրներ:

5․ «Նոայի» համար գավաթի ընթացիկ խաղարկությունը 4-րդն է: Թիմը 2-րդ անգամ է կիսաեզրափակիչում հանդես գալու: Գավաթի նախորդ մրցաշարում «Նոան» Իգոր Պիկուշչակի գլխավորությամբ կիսաեզրափակիչում երկու խաղերում էլ հաղթելով «Ուրարտուին» (1-0, 2-1), եզրափակիչում 11մ հարվածաշարում հաղթել էր «Արարատ-Արմենիային» (հիմնական և լրացուցիչ ժամանակից հետո հաշիվը 5-5 էր) և նվաճել էր պատվավոր մրցանակը:

Դիմակայության լավագույն ռմբարկուն՝

«Ալաշկերտ»՝ Արթուր Եդիգարյան՝ 4 գոլ

«Նոայի» կազմում խաղին չի մասնակցի գավաթի քառորդ եզրափակիչ պատասխան խաղում խաղադաշտից հեռացված Դենիս Դեդեչկոն:

Միացի՛ր հայկական ամենասպորտային Instagram-ին:

1 2

Միկիտա Տատարկով․ «Կապ չունի՝ չեմպիոնի՞, թե՞ հետնապահի դեմ ենք խաղում, նպատակը հաղթանակն է» (տեսանյութ)

Արմեն Համբարձումյան․ «Եթե թիմը գոլ չի խփում, դա հարձակվողների խնդիրն է» (տեսանյութ)

Եղիշե Մելիքյան. «Տխուր ենք, որ չենք հաղթել, որովհետև մեր շանսերը ավելի մեծ էին» (տեսանյութ)

Անատոլի Բայդաչնի. «Պաշտպանությունում լավ ենք գործում, հարձակվողն է պակասում» (տեսանյութ)

Աղվան Դավոյան․ «Արդյունքները գարնանային հատվածում լավը չեն, բայց խաղային առումով առաջընթաց ունենք» (տեսանյութ)

Գեղամ Հարությունյան․ «Ամբողջ ուժով մարզվում եմ ու հուսով եմ՝ մոտ ապագայում ավելի շատ օգուտ կտամ «Նոային» (տեսանյութ)

VBET ՀՊԼ. «Ուրարտուն» հաղթեց «Վանին», «Փյունիկն» ու «Արարատ-Արմենիան» ոչ-ոքի խաղացին (տեսանյութ)

Դմիտրի Գունկո. «Հարձակման գծում խաղակցվածություն է ձևավորվել, որը չենք ուզում խախտել» (տեսանյութ)

Տիգրան Դավթյան. «Այսօր խաղադաշտում շատ վատ տեսք ունեինք» (տեսանյութ)

«Փյունիկ» – «Արարատ-Արմենիա»․ մեկնարկային կազմեր, ուղիղ հեռարձակում

VBET ՀՊԼ․ «Նոան» գլխավորեց աղյուսակը «Շիրակի» նկատմամբ խոշոր հաշվով հաղթանակից հետո (տեսանյութ)

«Նոա» – «Շիրակ». Մեկնարկային կազմեր, ուղիղ հեռարձակում

Անկախ եղանակային պայմաններից. VBET Հայաստանի գավաթի եզրափակիչի պրոմոն (տեսանյութ)

Սերգեյ Էրզրումյան. «Բավարարված ենք արդյունքով, քանի որ 3 առանցքային ֆուտբոլիստ բացակայում էր» (տեսանյութ)

Վարդան Բիչախչյան. «Այսօր «Արարատը» այնպիսի վիճակում է, որ մեզ համար շատ կարևոր է թե՛ առաջնությունը, թե՛ գավաթի խաղարկությունը» (տեսանյութ)

Օգնեն Չանչարևիչ․ «Հաղթելու ավելի լավ շանսեր ունեինք, քան «Արարատը» (տեսանյութ)