Մխիթարյանի «բոմբը», «Բավարիայի» նվաճումները. Ինչ կատարվեց նախորդ շաբաթ - VNews
Բաժիններ

Մխիթարյանի «բոմբը», «Բավարիայի» նվաճումները. Ինչ կատարվեց նախորդ շաբաթ

Ֆուտբոլն ընթանում է կյանքի ռիթմով՝ արագ, անկանխատեսելի ու իրադարձություններով հարուստ: VNews-ը նոր շարք է սկսում՝ ամեն երկուշաբթի ամփոփելով նախորդ շաբաթվա ամենահետաքրքիր ու կարևոր իրադարձությունները. ի՞նչ նվաճումների են հասել թոփ ֆուտբոլիստները, ի՞նչ կորուստներ են ունեցել թիմերը, իսկ գուցե նոր տրանսֆերնե՞ր են կայացել:

Այժմ ներկայացնում ենք՝ ինչ թոփ իրադարձություններ են տեղի ունեցել նախորդ շաբաթվա ընթացքում: Գնացինք:

Երկուշաբթի օրը՝ փետրվարի 8-ը, սկսեց հայ ֆուտբոլասերների համար աղմկալի տեղեկությամբ: Calciomercato կայքի փոխանցմամբ՝ «Յուվենտուսը» հետաքրքրված է Հենրիխ Մխիթարյանի ծառայություններով, որը հրաշալի մրցաշրջան է անցկացնում և դեռ նոր պայմանագիր չի կնքել «Ռոմայի» հետ: Այս տեղեկությունը տարբեր արձագանք ստացավ, VNews-ն էլ որոշեց հավաքել իր ընթերցողների կարծիքներն ու հասկանալ՝ պե՞տք է տեղափոխվել «Յուվե», թե՞ ոչ:

Կայացավ նաև Իսպանիայի գավաթի խաղարկության կիսաեզրափակիչ խաղերը: Անսպասելի արդյունք գրանցվեց «Սևիլիա» – «Բարսելոնա» հանդիպմանը. անդալուզիան ակումբը 2-0 հաշվով հաղթեց կատալոնական ակումբին ու չափազանց բարդ կացության մեջ դրեց: Մյուս խաղում «Ատլետիկն» ու «Լևանտեն» ոչ-ոքի անցկացրին:

Շաբաթը ֆանտաստիկ էր «Բավարիայի» համար: Մյունխենցիները, նախ, հաղթեցին մեքսիկական «Տիգրեսին» Աշխարհի ակումբային գավաթի եզրափակիչում ու կրկնեցին «Բարսելոնայի» պատմական նվաճումը՝ 6 տիտղոսը մեկ տարում: Շաբաթվա վերջում արդեն «Բավարիան» մեկ այլ նվաճման հասավ արդեն խաղադաշտից դուրս. մյունխենցիները հայտարարեցին Եվրոպայի ամենացանկալի պաշտպանի՝ Դայո Ուպամեկանոյի տրանսֆերի մասին:

Շաբաթը տխուր էր ՊՍԺ-ի համար: Փարիզցիները շատ մեծ կորուստ ունեցան Չեմպիոնների լիգայի 1/8 եզրափակիչում՝ «Բարսելոնայի» դեմ խաղին ընդառաջ: Կատալոնական ակումբի դեմ խաղին չի մասնակցի Նեյմարը, որը վնասվածք ստացավ Ֆրանսիայի գավաթում «Կաենի» դեմ հանդիպման ժամանակ և շարքից դուրս մնաց 1 ամսով:

«Յուվենտուսի» հարձակվող Կրիշտիանու Ռոնալդուն դարձավ առաջին մարդը, որի հետևորդների քանակը սոցցանցերում հասավ 500 միլիոնի:

Պեպ Գվարդիոլայի «Մանչեսթեր Սիթին» անգլիական ֆուտբոլի ռեկորդ գրանցեց՝ տանելով 15 անընդմեջ հաղթանակ: Ուիքենդին Պեպի թիմը տարավ արդեն իր 16-րդ հաղթանակը Մոուրինյոյի «Տոտենհեմի» նկատմամբ, իսկ «Լիվերպուլի» և «Մանչեսթեր Յունայթեդի» սայթաքումներն ավելի մոտեցրին «Սիթիին» Անգլիայի հերթական չեմպիոնությանը:

Հետաքրքիր պատկեր ստացանք նաև Ա սերիայում: «Յուվենտուսը» հերթական միավորների կորուստն ունեցավ՝ այս անգամ պարտվելով «Նապոլիին»: Մխիթարյանի «Ռոման» հաղթեց «Ուդինեզեին», Հենոն էլ ճանաչվեց խաղի լավագույն ֆուտբոլիստ՝ ըստ Whoscored-ի: Եղավ նաև առաջատարի փոփոխություն. «Միլանը» զիջեց «Սպեցիային», իսկ «Ինտերն» օգտագործեց իր շանսն ու հաղթելով «Լացիոյին» գլխավորեց մրցաշարային աղյուսակը:

Առանձնացրինք նաև շաբաթվա նկարը. «Վուլվերհեմփթոնի» եզրային հարձակվող Ադամա Տրաորեի ոտքն է, որը երբեք չի բացակայում ոտքի մարզումներից:

Միացի՛ր հայկական ամենասպորտային Instagram-ին:


Նեյմարը վերադարձել է մարզումներին

«Ռոմայի» մեկնարկային կազմը «Բրագայի» դեմ խաղում

Գվարդիոլան հեգնում է.«Մենք շատ փող ունենք ու կարող ենք գնել թոփ ֆուտբոլիստների»

«Գործի կեսը կամ պայքար հանուն հաջորդ փուլի». Եվրոպա լիգայի պատասխան խաղերն ու ֆավորիտների մարզավիճակը

Մեսին 2021 թվականի լավագույն ռմբարկուն է. նա շրջանցեց Լևանդովսկուն

Գվարդիոլա. «Երբ տեսնում եմ այդ թիմի խաղը, հասկանում եմ, որ «Մանչեսթեր Սիթին» ֆավորիտ չէ»

Գվարդիոլան կրկնեց Մոուրինյուի ցուցանիշը. ռեկորդը պատկանում է Ֆերգյուսոնին

«Սիթին» վստահ հաղթանակ տոնեց Մյոնխենգլադբախի «Բորուսիայի» նկատմամբ (տեսանյութ)

ՉԼ. Առաջին կեսից հետո «Ատալանտան» 10 ֆուտբոլիստով է «Ռեալի» դեմ, «Սիթին» հաղթում է (տեսանյութ)

«Բորուսիա Մ.» – «Մանչեսթեր Սիթի». Մեկնարկային կազմեր

Գվարդիոլան սլանում է դեպի բացարձակ ռեկորդ. որն է նշաձողը

«Բավարիայի» նոր աստղը ընտրել՝ որ երկրի հավաքականում է խաղալու

«Բավարիայի» ֆուտբոլիստը Չեմպիոնների լիգայի պատմության ռեկորդ սահմանեց

Լևանդովսկին դարձավ Չեմպիոնների լիգայի պատմության երրորդ ռմբարկուն

«Բավարիան» ավելի քան ձեռնտու հաշվով առավելության հասավ «Լացիոյի» նկատմամբ (տեսանյութ)

«Բավարիան» առաջին կեսից հետո գործնականում վճռել է «Լացիոյի» հետ դիմակայության ելքը (տեսանյութ)