Մխիթարյանն այնքան, ինչքան «Արսենալի» ամբողջ կազմը․ Հենրիխի տպավորիչ ցուցանիշներն Ա սերիա 20/21-ում - VNews
Բաժիններ

Մխիթարյանն այնքան, ինչքան «Արսենալի» ամբողջ կազմը․ Հենրիխի տպավորիչ ցուցանիշներն Ա սերիա 20/21-ում

mkhitaryan

Statsperform․com հեղինակավոր կայքը մանրամասնորեն անդրադարձել է «Ռոմայի» հարձակողական ոճի կիսապաշտպան Հենրիխ Մխիթարյանին՝ ներկայացնելով նրա հրաշալի վիճակագրությունը հռոմեական ակումբում:

Նախ, հայ ֆուտբոլիստի ցուցանիշները հուշում են այն մասին, որ նրա՝ «Արսենալի» կազմում անցկացրած 18 ամիսներն այդքան էլ վատը չէին, ինչքան կարող է թվալ առաջին հայացքից: Պարբերականը նշում է, որ Մխիթարյանի՝ «Արսենալում» հանդես գալու ժամանակ միայն Պյեռ-Էմերիկ Օբամեյանգը (35) և Ալեքսանդր Լակազետն (20) են ավելի շատ գոլ խփել թիմում, քան Հենրիխը (8)։

Նա նաև կատարել է 8 արդյունավետ փոխանցում՝ այդ ցուցանիշով զիջելով միայն 9-ական «ասիստ» իրենց ակտիվում գրանցած Օբամեյանգին, Լակազետին ու Իվոբիին: Սակայն Մխիթարյանն այդ 18 ամսում նշված 3 խաղացողների համեմատ ավելի քիչ է հայտնվել «Արսենալի» մեկնարկային կազմում՝ անցկացրած 39 հանդիպումներից 29-ը սկսելով առաջին րոպեից:

Համեմատական է անցկացվել հայ կիսապաշտպանի ու Նիկոլա Պեպեի միջև․ վերջինս «Արսենալում», ըստ պարբերականի, կոչված էր փոխարինել Մխիթարյանին: Հաշվի առնելով ֆուտբոլիստների ցուցանիշները սկսած Ա սերիայի ու Պրեմիեր լիգայի 2019/20թթ․ առաջնություններից մինչև այսօր՝ հայ խաղացողը Պեպեին գերազանցում է խփած գոլերի (14-ը՝ 6-ի դիմաց), գոլային փոխանցումների (9-6), ստեղծած պահերի քանակով (44-42), ստեղծած պահերով՝ չհաշված ստանդարտ իրավիճակներից եղած հնարավորությունները (44-26), մինչդեռ Նիկոլան այդ ընթացքում մասնակցել է ավելի շատ խաղերի (39 հանդիպում, 24-ը՝ մեկնարկային կազմում, ընդհանուր՝ 2294 րոպե, Մխիթարյան՝ 30 մրցավեճ, 24-ը՝ հիմնական կազմում, ընդհանուր՝ 2234 րոպե):

Ա սերիայի ընթացիկ առաջնությունում միայն 2 ֆուտբոլիստներ են «բաց խաղից» (առանց հաշվի առնելու ստանդարտ իրավիճակները) ստեղծել ավելի շատ պահեր, քան հայ ֆուտբոլիստը, որը նաև միանձնյա առաջատար է մրցաշարում կատարած գոլային փոխանցումների քանակով (4):

Ա սերիա 20/21-ում գոլերին ներգրավվածության տեսանկյունից միայն «Միլանի» հարձակվող Զլատան Իբրահիմովիչն (10 գոլ, 1 գոլային փոխանցում) ունի ավելի լավ վիճակագրություն, քան Մխիթարյանը (5+4): 9 «բալ» են հավաքել նաև «Ինտերից» Ռոմելու Լուկակուն (7 գոլ, 2 «ասիստ») ու «Յուվենտուսից» Կրիշտիանու Ռոնալդուն (8+1): Պարբերականն արձանագրում է այն ուշագրավ փաստը, որ «Արսենալն» իր ամբողջ կազմով Պրեմիեր լիգայի ընթացիկ առաջնությունում 9 խաղում այնքան գոլ է խփել (9), ինչքան Մխիթարյանի արդյունավետ գործողությունների քանակն է «Ռոմայի» կազմում Իտալիայի ընթացիկ առաջնությունում (5 գոլ, 4 արդյունավետ փոխանցում):

Մեսի-Սուարես, Ռոնալդու-Բենզեմա, Մխիթարյան-Օբամեյանգ․ B/R-ն առանձնացրել է ֆուտբոլային արդյունավետ դուետների

Կատարե՛ք խաղադրույք Պրեմիեր Լիգայի հանդիպումների վրաԿատարե՛ք խաղադրույք Ա սերիայի հանդիպումների վրա

Միացի՛ր հայկական ամենասպորտային Instagram-ին:


«Չելսին» նվազագույն հաշվով հաղթեց 10 ֆուտբոլիստով մնացած «Ֆուլհեմին» (տեսանյութ)

«Արսենալը» կխզի Օզիլի հետ պայմանագիրը

«Լացիոն» հռոմեական դերբիում հաղթեց «Ռոմային», Մխիթարյանը մասնակցեց խաղին (տեսանյութ)

«Լացիո» – «Ռոմա»․ առաջին խաղակեսից հետո (տեսանյութ)

«Լացիո» – «Ռոմա»․ Մեկնարկային կազմեր

Նշեք «Ռոմայի» բոլոր գոլերը 21-րդ դարի բոլոր դերբիներում. VNews-ի Quiz-ը

«Լացիո» – «Ռոմա». «Գայլերի» հայտացուցակը

Ինչպե՞ս Մխիթարյանը կխաղար «Արսենալում»․ նա լոնդոնցիների ցանկացած ֆուտբոլիստից վտանգավոր է

«Ռոմայի» հավանական մեկնարկային կազմը «Լացիոյի» դեմ խաղում՝ ըստ VNews-ի

Խաղացե՞լ է ֆուտբոլիստը «Ռոմայի» եվ «Լացիոյի» կազմերում, թե՞ ոչ. VNews-ի Quiz-ը

Գոլազուրկ ոչ-ոքի «Արսենալ» – «Քրիստալ Փելաս» խաղում (տեսանյութ)

Մխիթարյանի բոլոր գոլերն ու գոլային փոխանցումներն Ա Սերիայի ընթացիկ մրցաշրջանում (տեսանյութ)

«Երբ կռվի են դուրս գալիս գիշատիչները». 5 կարևոր փաստ «Ռոմա» – «Լացիո» դերբիի մասին

«Տոտենհեմը» ոչ-ոքի խաղաց 16-րդ տուրից հետաձգված խաղում (տեսանյութ)

«Սիթին» հաղթեց «Բրայթոնին» և լավագույն եռյակում է (տեսանյութ)

Հենրիխ Մխիթարյան․ «Իմ ցուցադրած խաղից երևում է, թե ինձ ինչպես եմ զգում «Ռոմայում»