Մխիթարյանն ընդդեմ նախկին թիմի, Մեսսին ու Ռոնալդուն փայլում են, հայ մարզիկների մեդալները. ինչ կատարվեց նախորդ շաբաթ - VNews
Բաժիններ

Մխիթարյանն ընդդեմ նախկին թիմի, Մեսսին ու Ռոնալդուն փայլում են, հայ մարզիկների մեդալները. ինչ կատարվեց նախորդ շաբաթ

Malkhas AMOYAN ARM 1 - Մխիթարյանն ընդդեմ նախկին թիմի, Մեսսին ու Ռոնալդուն փայլում են, հայ մարզիկների մեդալները. ինչ կատարվեց նախորդ շաբաթ
Խաղի մանրամասները

տուր

01 Հունվար 1970 - 11:43

-

-

VNews.am-ը շարունակում է նոր շարքը՝ ամփոփելով նախորդ շաբաթվա թոփ իրադարձությունները:

Հայաստանի հավաքականի ավագ Հենրիխ Մխիթարյանի թիմը՝ «Ռոման» Եվրոպա լիգայում կրկին հաղթեց «Բրագային» և 1/8 եզրափակիչի ուղեգիր նվաճեց: Այդ փուլում «գայլերը» մրցելու են Հենրիխի նախկին ակումբի՝ Դոնեցկի «Շախտյորի» հետ: 1/8 եզրափակիչի գլխավոր իրադարձությունը դառնալու է «Մանչեսթեր Յունայթեդ» – «Միլան» դիմակայությունը:

Իտալիայի առաջնությունում «Ռոման» հանդիպեց հենց «Միլանին» և ցավալի պարտություն կրեց 1:2 հաշվով: Հանդիպման վերջին րոպեին Մխիթարյանը կարող էր հերոսանալ, սակայն նրա նկատմամբ ակնհայտ թվացող 11-մետրանոցը չնշանակվեց:

VBET Հայաստանի Պրեմիեր լիգայում կայացավ երկու առաջատարների՝ «Արարատի» ու «Արարատ-Արմենիայի» միջև հանդիպումը, որում Վարդան Բիչախչյանի թիմը հաղթեց 1:0 հաշվով: «Ալաշկերտը» երկու անգամ մրցեց «Լոռիի» հետ և երկուսում էլ հաղթեց (1:0, 2:1): «Փյունիկը» դուրս մնաց VBET Հայաստանի գավաթից: «Ուրարտուի» դեմ պատասխան խաղում գոլեր չգրանցվեցին: Առաջինում Ալեքսանդր Գրիգորյանի թիմը հաղթել էր 2:1 հաշվով:

Չեմպիոնների լիգայում կայացան 1/8 եզրափակիչի 4 հանդիպումներ: Արտագնա հանղթանակներ տոնեցին «Բավարիան», «Չելսին», «Մանչեսթեր Սիթին» և Մադրիդի «Ռեալը»:

Ֆանտաստիկ մարզավիճակ է հավաքել Լիոնել Մեսին, որը նախորդ շաբաթ կայացած 2 խաղում 3 գոլ խփեց ու 1 գոլային փոխանցում կատարեց: Արգենտինացու օգնությամբ «Բարսելոնան» 2 հաղթանակ տոնեց և կրկին չեմպիոնական պայքարում է: Հատկապես տպավորիչ էր «Սևիլյայի» դեմ արտագնա հաղթանակը:

Իտալիայում հաջող է հանդես գալիս համաշխարհային ֆուտբոլի մյուս գերաստղը՝ Կրիշտիանու Ռոնալդուն: Պորտուգալացին «Յուվենտուսի» կազմում նույնպես 2 խաղում 3 գոլ խփեց:

Անգլիայում չեմպիոնական հարցը հետզհետե հանվում է օրակարգից: «Մանչեսթեր Սիթին» 14-րդ անընդմեջ հաղթանակը տոնեց ԱՊԼ-ում և արդեն 12 միավորով է գերազանցում երկրորդ տեղում ընթացող «Մանչեսթեր Յունայթեդին»: Սուլշերի թիմը երեկ ոչ-ոքի խաղաց «Չելսիի» հետ:

Շախմատի Հայաստանի առաջնությունում վստահորեն չեմպիոն դարձավ Հովհաննես Գաբուզյանը: Նա վաստակեց 8,5 միավոր: Մյուս մրցանակակիրները՝ այստեղ:

Բուլղարական Ստրանջայում ընթացող բռնցքամարտի միջազգային մրցաշարում Հայաստանը 4 մեդալ նվաճեց: Արծաթե մեդալի արժանացավ Նարեկ Մանասյանը:

Կիևում ավարտվեց ըմբշամարտի միջազգային մրցաշար: Հայաստանի ներկայացուցիչներից չեմպիոնի կոչումը նվաճեց Մալխաս Ամոյանը: Արծաթե մեդալ նվաճեց Կարապետ Չալյանը: Այլ մանրամասներ՝ այստեղ:

Երևանում ավարտվեց մարմնամարզության Հայաստանի առաջնությունը: Տղամարդիկ մեդալ վիճարկեցին 5, իսկ կանայք՝ 3 մրցաձևերում:

Դահուկավազքի աշխարհի առաջնության դասակարգման փուլում Հայաստանի հավաքականի առաջատար Կատյա Գալստյանը երրորդ տեղն է գրավել և բրոնզե մեդալ է նվաճել:

NBA-ի Բոլոր աստղերի խաղից առաջ վնասվածք է ստացել Արևելքի ավագ Կևին Դյուրանը: Նա չի մասնակցելու հանդիպմանը: Դյուրանտի փոխարեն աստղերի թիմ է հրավիրվել Դոմանտաս Սաբոնիսը:

Միացի՛ր հայկական ամենասպորտային Instagram-ին:


Մխիթարյանի և Կրիստանտեի հիասքանչ գործողությունը. ինչպես ստեղծվեց «Ռոմայի» գոլը (տեսանյութ)

Պոչետինոն արձագանքել է Մբապեի՝ «Ռեալ» տեղափոխվելու շշուկներին

Արտակ Եդիգարյանը միացավ Մխիթարյանին ու գործող ֆուտբոլիստներից ևս 4-ին․ Միանգամից 2 տպավորիչ ցուցանիշ

Մխիթարյանն ու «Ռոման» Եվրոպա լիգայի կիսաեզրափակիչում են (տեսանյութ)

«Այաքսը» բացում է հաշիվը «Ռոմայի» դեմ խաղում (տեսանյութ)

ԵԼ. «Ռոմա» – «Այաքս» խաղում առաջին կեսից հետո հաշիվը չի բացվել, մյուս արդյունքները (տեսանյութ)

Footy Headlines. «Բարսելոնայի» տնային մարզաշապիկը 2022-23 մրցաշրջանում

Ֆելիքս Կրոս. «Կարող ես զանգել Տոնիին աշխարհի առաջնության եզրափակիչից 5 րոպե առաջ ու զրուցել»

«Ռոմայի» մեկնարկային կազմն «Այաքսի» դեմ խաղում

«Բախտիկյա՞ն, կազմ ընտրո՞ղ». Զիդանը նորից ցնցեց բոլորին

Բոլորը, բացի մեկից. «Բարսելոնայի» հայտացուցակը՝ Իսպանիայի գավաթի եզրափակիչի համար

«Ազատվեք Ռոնալդուից». Ալեգրիի խորհուրդը՝ «Յուվենտուսի» նախագահին

Շեյխերի բախում ու վերադարձ տուն․ Չեմպիոնների լիգայի կիսաեզրափակիչի գլխավոր ինտրիգները

Երկու ակումբ հնարավոր է հրաժարվի Հալանդի տրանսֆերից․ պատճառը նրա բարձր աշխատավարձն է

«Ռեալի» պաշտպանը բանակցում է անգլիական գրանդի հետ

Մեսին՝ հանուն Կոպա Ամերիկայի. 50 000 պատվաստանյութ ֆուտբոլիստների համար