Մխիթարյանը՝ «Ռոմա» – «Ֆիորենտինա» խաղի լավագույն ֆուտբոլիստ

Հարձակողական ոճի կիսապաշտպան Հենրիխ Մխիթարյանը ճանաչվել է Իտալիայի Ա սերիայի 6-րդ տուրում կայացած «Ռոմա» – «Ֆիորենտինա» հանդիպման (2-0) լավագույն ֆուտբոլիստ:

Հռոմեական ակումբի թվիթերյան էջի կողմից առաջադրվել էին կոչմանը հավակնող ևս 3 խաղացողներ՝ պաշտպան Լեոնարդո Սպինացոլան, հարձակողական ոճի կիսապաշտպան Պեդրո Ռոդրիգեսն ու հարձակվող Էդին Ջեկոն: Քվեարկությունում հաղթող է ճանաչվել Հայաստանի հավաքականի ավագը, որը, ամբողջությամբ մասնակցելով վերոնշյալ մրցավեճին, դարձել է գոլային փոխանցման հեղինակ:

Yet another assist… ✨🅰️

Congratulations to @HenrikhMkh, voted the @qatarairways #ASRoma Man of the Match against Fiorentina! 🏅 pic.twitter.com/AEro3G6px8

— AS Roma English (@ASRomaEN) November 2, 2020

Մխիթարյանն Ա սերիայի ընթացիկ առաջնությունում խաղադաշտ է դուրս եկել «Ռոմայի» բոլոր 6 հանդիպումներում (մշտապես՝ մեկնարկային կազմում)՝ իր ակտիվում գրանցելով 4 արդյունավետ փոխանցում: Նա 1 «ասիստ» էլ կատարել է Եվրոպա լիգայի գավաթի ընթացիկ խաղարկության խմբային փուլում անցկացրած 2 մրցավեճում:

Հենրիխ Մխիթարյանի գնահատականները «Ֆիորենտինայի» հետ խաղում

Միացի՛ր հայկական ամենասպորտային Instagram-ին: