fbpx
Բաժիններ

SkySports. Մխիթարյանը պարզապես ճախրում է «Արսենալում», իսկ Ալեքսիսի խաղային անկումը շարունակվում է Մանչեսթերում

Բրիտանական հեղինակավոր SkySports-ի սյունակագիր Նիկ Ռայթը Անգլիայի Պրեմիեր լիգայի 30-րդ տուրի «Արսենալ»-«Մանչեսթեր Յունայթեդ» խաղին ընդառաջ վերլուծել է Հայաստանի հավաքականի ֆուտբոլիստ Հենրիխ Մխիթարյանի խաղն ու զուգահեռներ է անցկացրել հայ ֆուտբոլիստի և Ալեքսիս Սանչեսի միջև:

«Ալեքսիսն առաջիկա հանդիպմանը չի մասնակցելու վնասվածքի պատճառով, սակայն խաղին պատրաստ լինելու դեպքում էլ դժվար թե հայտնվեր մեկնարկային կազմում: Մխիթարյանի ու Ալեքսիսի փոխանակման ժամանակ ոչ ոք չգիտեր, թե կողմերից որն ավելի շատ կշահեր: Սակայն այժմ մենք կարող ենք տեսնել, որ մինչդեռ Ալեքսիսի խաղային անկումը շարունակվում է Մանչեսթերում, Մխիթարյանը պարզապես ճախրում է «Արսենալում»: Նախորդ ամսում վնասվածքից վերդառնալուց հետո նա, անկասկած, դարձել է թիմի լավագույն և կարևորագույն ֆուտբոլիստը», – գրում է սյունակագիրը՝ հղում կատարելով Հենրիխի վիճակագրությանը:

«Սա, ամենայն հավանականությամբ, Մխիթարյանի լավագույն մարզավիճակն է 2016 թվականին նրա՝ Անգլիա ժամանելուց ի վեր: Այս մրցաշրջանում Մխիթարյանից միջինը 116 րոպե է պահանջվում գոլ կամ գոլային փոխանցում կատարելու համար, և այդ ցուցանիշով հայ ֆուտբոլիստը գերազանցում է այնպիսի ֆուտբոլիստների, ինչպիսիք են Սադիո Մանեն, Քրիստիան Էրիկսենը և Անտոնի Մարսիալը: «Արսենալում» ավելի արդյունավետ են միայն Ալեքսանդր Լակազետն ու Պյեռ-Էմերիկ Օբամեյանգը», – ընդգծում է Ռայթը:

Սյունակագիրը նշում է նաև, թե հիմա Մխիթարյանի խաղը որքան է նմանվել 2015/16 մրցաշրջանում Դորտմունդի «Բորուսիայում» նրա ցուցադրած խաղին: Ըստ Նիկ Ռայթի, Մխիթարյանը օրեր առաջ կայացած լոնդոնյան դերբիում լավագույններից էր խաղադաշտում՝ իր կատարած սուր փոխանցումներով, հակագրոհի ժամանակ արագություններով, ինչպես նաև պաշտպանության աջ եզրում Մուստաֆիին օգնելով: Եվ, առհասարակ, Հենրիխը մեծ ծավալի աշխատանք է կատարում նաև թիկունքում. սյս մրցաշրջանում նա մեկ խաղում միջինը 7 գնդակ է խլում, այդ ցուցանիշով էլ 3-րդն է թիմում՝ զիջելով միայն հենակետայիններ Ջակային և Տորեյրային:

«Իր տեխնիկական որակներով Մխիթարյանն անփոխարինելի է դարձել իր մարզչի համար: Պատահական չէ, որ նախորդ ամսում վնասվածքից ապաքինվելուց հետո նա 6 խաղ անընդմեջ հայտնվեց մեկնարկային կազմում: «Արսենալ»-ՄՅՈւ հանդիպմանը Ալեքսիս Սանչեսը չի մասնակցի, ու դա «մանկունյանցիների» խաղում ոչինչ չի փոխի, մինչդեռ Մխիթարյանի բացակայությունն «Արսենալի» համար շատ մեծ կորուստ կլիներ», – գրել է սյունակագիրը:

Միացի՛ր հայկական ամենասպորտային Instagram-ին:


Անրի. «Քանի դեռ չեմ մահացել, կցանկանամ գլխավորել «Արսենալը»

Մխիթարյանը՝ Ա Սերիայի՝ տուրի խորհրդանշական հավաքականում

Մխիթարյանի շքեղ գոլային փոխանցման անիմացիոն տարբերակը (տեսանյութ)

Հենրիխ Մխիթարյանը՝ «Լեչեի» դեմ խաղի լավագույն ֆուտբոլիստ

Մխիթարյան․ «Այս հաղթանակն իր ազդեցությունը կունենա հոգեբանական առումով»

Մխիթարյանը հավակնում է «Ռոմա» – «Լեչե» հանդիպման լավագույն ֆուտբոլիստի կոչմանը

Ֆոնսեկա․ «Միկին որակ է հաղորդում մեր գրոհներին»

«Ռոման» ջախջախեց «Լեչեին», Մխիթարյանը՝ գոլի և արդյունավետ փոխանցման հեղինակ (տեսանյութ)

«Արսենալը» գոլառատ խաղում հաղթեց «Էվերտոնին» (տեսանյութ)

Մխիթարյանը վերջին անգամ մոտ մեկ տարի առաջ էր ներքին առաջնության խաղում դարձել և՛ գոլի, և՛ «ասիստի» հեղինակ

Մխիթարյանն իր 5-րդ գոլը խփեց Ա սերիայի ընթացիկ առաջնությունում (տեսանյութ)

Մխիթարյանի փայլուն փոխանցումից հետո Ունդերը բացեց հաշիվը (տեսանյութ)

«Ռոմայի» մեկնարկային կազմը «Լեչեի» դեմ խաղում

Երեխան հայտնվել է «Արսենալի» թիմային նկարում (լուսանկար)

«Ռոման» ու «Արսենալը» հաղթեցին, «Վուլվզը» ջախջախեց «Էսպանյոլին», մյուս արդյունքները (տեսանյութ)

Առաջին կեսից հետո «Ռոման» հաղթում է, Մխիթարյանը պահեստայինների թվում է (տեսանյութ)