WOW գոլեր. Շրջադարձ հարվածներով Չեմպիոնների լիգայի պատմության լավագույն գնդակները (տեսանյութ) - VNews
Բաժիններ

WOW գոլեր. Շրջադարձ հարվածներով Չեմպիոնների լիգայի պատմության լավագույն գնդակները (տեսանյութ)

rivaldo - WOW գոլեր. Շրջադարձ հարվածներով Չեմպիոնների լիգայի պատմության լավագույն գնդակները (տեսանյութ)

Չեմպիոնների լիգայում վերջին տարիներին շրջադարձ հարվածով գոլերը կտրուկ շատացել են: Այդ միտումը գագաթնակետին հասավ 2017-2018 թվականներին: Մեկ տարվա ընթացքում ՉԼ-ի կարևորագույն երեք խաղերում ապշեցուցիչ գեղեցկության «մկրատ» տեսակի գոլեր գրանցվեցին: Այդ շարքը այս մրցաշրջանում շարունակեց «Պորտուի» իրանցի հարձակվող Մեհդի Տարեմին, որը «Չելսիի» դեմ քառորդ եզրափակիչի պատասխան խաղում ֆանտաստիկ հարվածով գոլ խփեց: VNews.am-ը հիշել է Չեմպիոնների լիգայում գրանցված շրջադարձ հարվածով 11 գեղեցիկ գոլեր:

Մարկո վան Բաստեն՝ «Միլան» – «Գոտեբորգ» (4:0), 1992-93 մրցաշրջան

Ֆաբիո Կապելոյի «Միլանն» անպարտելի մրցաշրջանից հետո Չեմպիոնների լիգան հաղթելու գլխավոր ֆավորիտն էր: Խմբային փուլում «ռոսոներիները» հաղթեցին բոլոր 6 խաղերը և դուրս եկան եզրափակիչ (այն ժամանակ այդպես էր): Բայց խմբային փուլում ավելի շատ հիշվեց «Գոտեբորգի» դեմ տնային խաղը (4:0), որում լեգենդար Մարկո վան Բաստենը շքեղ գոլի հեղինակ դարձավ: Եզրափակիչում «Միլանը» 0:1 հաշվով պարտվեց Մարսելի «Օլիմպիկին», որը մեծ դժվարությամբ էր իր խմբում առաջին տեղը գրավել:

Կարիմ Բենզեմա՝ «Այաքս» – «Ռեալ»՝ 1:4, 2012-13 մրցաշրջան

«Մադրիդի» ղեկին Ժոզե Մոուրինյուի վերջին մրցաշրջանում «սերուցքայինները» հայտնվեցին մահվան խմբում, որտեղ նրանց մրցակիցներն էին Դորտմունդի «Բորուսիան», «Մանչեսթեր Սիթին» և «Այաքսը»: Իսպանական թիմի համար ամենահաջողն ամստերդամցիների հետ հանդիպումներն էին, որոնք երկուսն էլ նրանք հաղթեցին 4:1 հաշվով: Նիդերլանդներում կայացած խաղում Բենզեման խփեց իր կարիերայի ամենագեղեցիկ գոլերից մեկը:

Ռիվալդո՝ «Բարսելոնա» – «Մանչեսթեր Յունայթեդ» (3:3), 1998-99

Աշխարհի նախկին լավագույն ֆուտբոլիստը վիրտուոզ գոլեր էր խփում շրջադարձ հարվածներով: Իր ամենանշանակալի «մկրատ» հարվածը բրազիլացին կատարել է Պրիմերայում, սակայն նման տեսակի գոլով հասցրել է աչքի ընկնել նաև Չեմպիոնների լիգայում: 1998-99 մրցաշրջանի D խումբը լեգենդար էր ու աննախադեպ: Միմյանց մրցակից էին դարձել «Բարսելոնան», «Մանչեսթեր Յունայթեդը» և «Բավարիան»: Կատալոնական ու անգլիական գրանդների երկու խաղերը խելահեղ ստացվեցին, երկու անգամ գրանցվեց 3:3 հաշիվը: «Նոու Կամպում» Ռիվալդոն շրջադարձ հարվածով գրավեց Պետեր Շմեյխելի դարպասը և «Բարսային» փրկեց պարտությունից:

Ֆիլիպ Մեքսես՝ «Անդերլեխտ» – «Միլան» (1:3), 2012-13 մրցաշրջան

Ֆրանսիացին իր կարիերայում հազվադեպ է գոլեր խփում, ուստի էլ ավելի զարմացրեց աշխարհին, երբ 2012 թվականի նոյեմբերի 21-ին տուգանային հրապարակից դուրս գտնվելով՝ շրջադարձ, ապշեցուցիչ հարված կատարեց: Մեքսեսի այդ գոլը հաղթական դարձավ և իտալական թիմին օգնեց փլեյ-օֆֆի ուղեգիր նվաճել:

Կրիշտիանու Ռոնալդու՝  «Յուվենտուս» – «Ռեալ» (0:3), 2017-18 մրցաշրջան

Հետաքրքիր է, թե որն է Կրիշտիանու Ռոնալդուի կարիերայի այն պահը, երբ նրանով հիանում էին բոլոր ֆուտբոլասերները: Այդպիսի պահեր կարելի է շատ գտնել, բայց գլխավոր հավակնորդներից մեկը «Յուվենտուսի» դեմ խաղում հեթ-տրիկն էր: Այդուհանդերձ, նույնիսկ դա պորտուգալացու համար նորմալ երևույթ է, և որպեսզի այն ավելի տպավորիչ դառնա, Կրիշտիանուն արտակարգ հարվածով խոցեց Ջանլուիջի Բուֆոնի դարպասը:

Մարիո Մանջուկիչ՝ «Յուվենտուս» – «Ռեալ» (1:3), 2016-17

Չի բացառվում, որ ամենուր իր համար մոտիվացիա փնտրող Կրիշտիանու Ռոնալդուին ոգևորել էր թուրինյան բենեֆիսից մեկ տարի առաջ նույն թիմերի միջև եզրափակիչ խաղում Մարիո Մանջուկիչի շքեղ գոլը: Այդ տարի Մասիմիլիանո Ալեգրիի թիմը պայքարից դուրս էր թողել «Բարսելոնային» և եզրափակիչում նույնիսկ ֆավորիտ էր համարվում: Անհաջող մեկնարկից հետո խորվաթ հարձակվողը շլացուցիչ գոլ խփեց, որը հույս տվեց «ծեր սինյորային»: Բայց դա երկար ժամանակով չէր…

Պիտեր Կրաուչ՝ «Լիվերպուլ» – «Գալաթասարայ» (3:2), 2006-07

203 սմ հասակ ունեցող ֆուտբոլիստից շատերը գլխով գոլ են սպասում: Կրաուչն այն հարձակվողներից էր, որ չնայած բարձր հասակին, միևնույն է ոտքով նույնպես լավ էր խաղում: Բայց ոչ ոք չէր սպասում, որ կգա մի օր, որ անգլիացին շրջադարձ հարվածով գոլ կխփի, այն էլ Չեմպիոնների լիգայում: Հիմա Կրաուչի գոլերի մասին խոսելիս առաջին բանը, որ հիշում են դա թուրքերի դարպասը խփած այդ հիասքանչ գնդակն է:

Օլիվյե Ժիրու՝ «Ատլետիկո» – «Չելսի» (0:1), 2020-2021 մրցաշրջան

Մի պահ վերադառնանք մեր օրեր: Եթե Կրաուչի կատարմամբ շրջադարձ հարվածն անսպասելի էր բարձրահասակ լինելու պատճառով, ապա երբ ՉԼ-ի ընթացիկ մրցաշրջանի 1/8 եզրափակիչում «Չելսիի» դարպասը Ժիրուի շրջադարձ հարվածից շատ քչերը զարմացան: Չէ՞ որ մինչև այդ, մենք ֆրանսիացու կատարմամբ տեսել էինք Պուշկաշի մրցանակ ստացած կարիճ հարվածով գոլ և նրա թիմերի ֆենոմենալ կոմբինացիաներ, որոնց կենտրոնում հենց Ժիրուն էր:

Անտուան Գրիզման՝ «Ատլետիկո» – «Ռոմա» (2:0), 2017-18 մրցաշրջան

Կրկին այդ «մկրատով կտրված» 17-18 մրցաշրջանը և այս անգամ նոր հերոս՝ Անտուան Գրիզման: Ֆրանսիացին ՉԼ-ում մինչև այդ արդեն շրջադարձ հարվածով գոլ խփել էր, բայց դա եղել էր որակավորման փուլում և «Ռեալ Սոսյեդադի» կազմում: Իսկ ահա «Ռոմայի» հետ խաղում ֆրանսիացու գոլը կարելի է անվերջ դիտել:

Գարեթ Բեյլ՝ «Ռեալ» – «Լիվերպուլ» (3:1), 2017-18 մրցաշրջան

Բեյլը միշտ ասոցացվել է խելահեղ արագությամբ անցում կատարելու և գոլ խփելու, ինչպես նաև ոտնաթաթով շեշտակի հարված կատարելու հետ: Իսկ, թե ինչ ուելսցուց չէր կարելի սպասել, ապա դա շրջադարձ հարվածով գոլն է: Դժվար է նույնիսկ հիշել, թե նա մինչև այդ նույնիսկ նման հարվածի փորձ կատարել է, թե ոչ: Այդ ամենի ֆոնին նա մկրատ հարված է կատարում, այն էլ Չեմպիոնների լիգայի եզրափակիչում և ապշեցնում նույնիսկ Զիդանին:

Մաուրո Բրեսան՝ «Ֆիորենտինա» – «Բարսա» (3:3) 1999-00

Այսօր արդեն պարզեցինք, որ «Բարսելոնան» 3:3 հաշվի սիրահար է եղել, սակայն ոչ միայն նա է ֆանտաստիկ գոլեր խփել, այլ նաև նրա դարպասն են այդպես գրավել: 1999-00 մրցաշրջանում, երբ կատալոնական թիմն արդեն ապահովել էր խմբում առաջին տեղը, նա մեկնեց Ֆլորենցիա, որտեղ «Ֆիորենտինային» հարկավոր էր չպարտվել «Արտեմիո Ֆրանկի» մարզադաշտում: Դրվագներից մեկում՝ տուգանային հրապարակից դուրս, երբ թվում էր բոլորը պարզապես պայքարում են գնդակին տիրելու համար, Մաուրո Բրեսանը որոշեց շրջադարձ հարված կատարել և հավերժացրեց իր անունը: Չեմպիոնների լիգայում շատ գեղեցիկ գոլեր են գրանցվել և դեռ գրանցվելու են, բայց ակնհայտ է, որ Բրեսամի գոլը միշտ լինելու է լավագույնների թվում:

Ամենահետաքրքիր գործակիցները ֆուտբոլային իրադարձությունների համար

Միացի՛ր հայկական ամենասպորտային Instagram-ին:


«Բարսելոնան» կամային հաղթանակ տոնեց «Վալենսիայի» նկատմամբ (տեսանյութ)

«Յուվենտուսը» հաղթեց «Ռոմային», Մխիթարյանը մասնակցեց խաղին (տեսանյութ)

Առաջին կեսից հետո «Յուվենտուսը» նվազագույն հաշվով հաղթում է «Ռոմային» (տեսանյութ)

Մատիչը կարող է տեղափոխվել «Բարսելոնա»

«Յուվենտուս» – «Ռոմա». Մեկնարկային կազմեր

«Բարսելոնա» – «Վալենսիա». Մեկնարկային կազմեր

«Արսենալը» Լակազետին փոխարինող է գտել

«Ռեալի» հայտացուցակը «Շախտյորի» դեմ խաղի համար

«Բարսելոնայի» ծրագիրը՝ Էլ Կլասիկոյից առաջ

«Բարսելոնայի» հայտացուցակը «Վալենսիայի» դեմ խաղի համար

Զիդան. «Նա արժանի է «Ոսկե գնդակին»

«Բարսելոնան» Պոգբայի հարցով որոշում է կայացրել

«Միլանը» տպավորիչ քամբեք իրականացրեց ու հաղթեց «Վերոնային» (տեսանյութ)

Ռոնալդուն արդյունավետ գործողություններով աչքի չի ընկել ԱՊԼ-ի վերջին 3 խաղում

«Միլանի» մեկնարկային կազմը «Վերոնայի» դեմ խաղում

«Մանչեսթեր Յունայթեդի» ռեկորդային շարքն ընդհատվեց