Մոուրինյոն ասել է՝ որն է Վան Դեյկին փոխարինելու միակ տարբերակը (տեսանյութ)

Խաղի մանրամասները

Անգլիա, Պրեմիեր Լիգա, 20 տուր

28 Հունվար 2021 - 00:00

1

Տոտտենհեմ Հոտսպուր

3

Լիվերպուլ

0 - 1 Տրենտ Ալեքսանդր- Արնոլդ - 47`

0 - 2 Ռոբերտո Ֆիրմինո - 49`

1 - 2 Պիեր Հոյբյերգ - 49`

1 - 3 Սադիո Մանե - 65`

«Տոտենհեմ» – «Լիվերպուլ» հանդիպման նախախաղային ասուլիսի ընթացքում Ժոզե Մոուրինյոն խոսել է մերսիսայդյան ակումբի պաշտպան Վիրջիլ վան Դեյկի մասին՝ հայտարարելով, որ անհնար է փոխարինել նման ֆուտբոլիստի:

«Երբ մենք խոսում ենք Վան Դեյկի մասին, կարող եմ ասել, որ հնարավոր չէ փոխարինել նրան: Կան որոշ ֆուտբոլիստներ, որոնց հնարավոր չէ փոխարինել: Օրինակ՝ Հարի Քեյնը: Երբ Հարի Քեյնը վնասվածք ուներ, նրան չէինք կարող փոխարինել մեկ այլ ֆուտբոլիստով:

Դուք չեք կարող փոխարինել Վան Դեյկին: Վան Դեյկին կարող եք փոխարինել Վան Դեյկով, երբ Վան Դեյկը վերադառնա:

Ամեն դեպքում այնտեղ շատ լավ, փորձառու ֆուտբոլիստներ կան: Ֆաբինյոն, օրինակ, կարող է խաղալ բոլոր դիրքում, բոլոր դիրքերում՝ բառիս բուն իմաստով: Մատիպը վերադարձել է: Նա փորձառու ֆուտբոլիստ է, Հենդերսոնն էլ այն տղաներից է, որ կարող է խաղալ բոլոր դիրքերում: Մի քանի երիտասարդներ էլ կան, որ կարող են խաղալ ու լավ են գործում:

Նման բաներ պատահում են թիմերի հետ, բայց իսկապես կան որոշ ֆուտբոլիստներ, որոնց հնարավոր չէ փոխարինել: Ստիպված ես լինում սպասել այնքան, մինչև նրանք վերադառնան»,- ասել է պորտուգալացի մասնագետը:

Միացի՛ր հայկական ամենասպորտային Instagram-ին: