Նեյմար. «Լիգա 1-ում մեզ համար կարող է այնքան բարդ լինել, որքան Չեմպիոնների լիգայում»

ՊՍԺ-ի հարձակվող Նեյմարը մեկնաբանել է «Բորդոյի» հետ ոչ-ոքին(2-2):

«Վախեցած էինք խաղում: Մենք կարողացանք գոլ խփել, սակայն ինչ-որ բան պակասում էր: Պետք է շտկենք այս ամենը:

Լիգա 1-ում մեզ սովորաբար հաջողվում է մեծ թվով հանդիպումներ հաղթել, սակայն եթե չկարողանանք դա անել, մեզ համար այնքան բարդ կլինի, որքան Չեմպիոնների լիգայում:

Մենք հասկանում ենք, որ մեզ կարևոր հանդիպում է սպասվում Չեմպիոնների լիգայի շրջանակում «Մանչեսթեր Յունայթեդի» դեմ: «Լայպցիգի» դեմ խաղը նույնպես շատ կարևոր էր: Մենք այնքան էլ լավ չխաղացինք, սակայն հաղթեցինք:

Կփորձենք առաջիկա խաղում ցուցադրել մեր լավագույն որակները: Պետք է ավելի թիմային խաղալ, ավելի կազմակերպված, այլապես բարդ կլինի»,- ասել է Նեյմարը:

Միացի՛ր հայկական ամենասպորտային Instagram-ին: