Նեյմարին սպառնում է երկարաժամկետ որակազրկում

Ֆրանսիական ՊՍԺ-ի հարձակվող Նեյմարը հայտնվել է լուրջ սկանդալի կենտրոնում: Ֆրանսիայի առաջնության 22-րդ տուրի՝ «Մոնպելյեի» հետ հանդիպման ընթացքում մրցակցին շրջանցելու համար դիմել խաբքի, ինչի հետևանքով արժանացել էր դեղին քարտի:

Մրցավարի նման որոշումից Նեյմարը խիստ զայրացել է:Ընդմիջման հեռանալիս բրազիլացին զրույցի է բռնվել թիմակից Մարկո Վերատիի հետ: «Ես ցանկանում եմ ֆուտբոլ խաղալ, իսկ նա ինձ դեղին է ցույց տալիս: Ասա, որ նա նման բան չպետք է աներ», – ասել է Նեյմարը: Այս խոսակցությունը լսել է գլխավոր մրցավարը, որը Նեյմարին հորդորել է հանդարտվել: «Հանգստանա՞լ: Այ ***** (հետույք)», – զայրացած բղավել է Նեյմարը:

AS պարբերականի տեղեկություններով, մրցավարը դա էլ է լսել ու խաղից հետո կազմել համապատասխան արձանագրություն: Եթե գործն ընթացք ստանա, Նեյմարը կարող է որակազրկվել երկար ժամանակով:

Միացի՛ր հայկական ամենասպորտային Instagram-ին: