fbpx

Նիկոլայ Հովյանը պահպանեց մրցանակակիր դառնալու հնարավորությունը

Բաթումում ընթացող շախմատի աշխարհի պատանեկան առաջնությունում կայացան նախավերջին՝ 10-րդ տուրի հանդիպումները: Հայաստանի 29 շախմատիստներից բոլորից հաջող հանդես եկող Նիկոլայ Հովյանը հաղթելով ամերիկացի Ռոնեն Վիլսոնին, վաստակեց 7,5 միավոր և ավարտական տուրից առաջ շարունակում է հավակնել առաջնության մեդալներին: Նա 7 շախմատիստների հետ հետապնդում է 8,5-ական միավորով աղյուսակը գլխավորող երկու առաջատարներին: Ավարտական տուրում 8-ամյա հայ պատանին կմրցի սերբ Մարկո Միլանովիչի հետ:

Ամենակրտսեր տարիքային խմբում հանդես եկող Ռուդոլֆ Փաշիկյանը ոչ-ոքի խաղաց, իսկ Մենուա Հակոբյանը պարտվեց: Փաշիկյանն ունի 5,5 միավոր, Հակոբյանը՝ 4,5:

Հայ շախմատիստներից տեսականորեն դեռ կարող է մրցանակակիր դառնալ մինչև 12 տարեկան աղջիկների մրցաշարի մասնակից Մարիամ Մկրտչյանը: Նա հաղթեց ռուսաստանցի Դարիա Բոնդարևային ու վաստակեց 7 միավոր: Մարիամը 7-րդ տեղում է և 2 միավորով է հետ մնում աղյուսակը գլխավորող ռուսաստանցի ՖԻԴԵ-ի վարպետ Բիբիսարա Ասաուբաևայից:

Տարիքային այս խմբում հանդես եկող մեր մյուս շախմատիստուհիներից հաղթեցին նաև Աստղիկ Հակոբյանը, Ասյա Եդիգարյանը, Մարիետա ու Նադեժդա Խաչատրյանները: Միակ պարտությունըն կրեց Հասմիկ Քոչինյանը: Նրանցից լավագույն արդյունքն ունի Աստղիկ Հակոբյանը, ով վաստակել է 6 միավոր:

Մինչև 12 տարեկան պատանիների մրցաշարում հաղթանակներ տարան Մամիկոն Ղարիբյանը, Սարգիս Սարգսյանը և Րաֆֆի Ղազարյանը: Գրիգոր Դավթյանը հաշտություն կնքեց մրցակցի հետ, իսկ Գոռ Գրիգորյանը, Սևակ Մանուկյանն ու Արշակ Մելքոնյանը պարտվեցին: Լավագույն արդյունքն ունի  Մամիկոն Ղարիբյանը՝ 6,5 միավոր:

Մինչև 10 տարեկան տղաների մրցաշարում Արսեն Դավթյանը հաղթեց ու վաստակեց 7 միավոր: Հաջողությունն ուղեկցեց նաև Դավիթ Գասպարյանին, ով վաստակեց 5,5 միավոր: Իսկ ահա Հայկ Գրիգորյանը, Գոռ Սարգսյանը և Էրիկ Հակոբյանը պարտվեցին:

Մինչև 10  տարեկան աղջիկների մրցաշարում մեր պատվիրակներից լավագույն արդյունքն ունեցող Սեդա Բադալյանը ոչ-ոքի խաղաց ռուսաստանցի Ալիսա Սուրովցևայի հետ և վաստակեց 6 միավոր: Միակ հաղթանակը տոնեց Անետա Ասկարյանը, իսկ Թամար Գոգինյանն ու Նարե Մեյրոյանը պարտվեցին:

Ամենակրտսեր տարիքային խմբում Անգելինա Ղուկասյանը հաղթեց և իր օգտին ունի 5,5 միավոր: Տուրը հաղթական էր նաև Էմմա Մխիթարյանի համար, ով 5 միավոր ունի: Իսկ 3,5 միավոր ունեցող Սյուզաննա Առաքելյանը պարտվեց:

Հետևե՛ք VNews.am-ին նաև Youtube-ում և Instagram-ում:


    • Ընթերցեք նաև

Շախմատի պատանեկան օլիմպիադա. Հայաստանի հավաքականը 6-րդն է

Շախմատի պատանեկան օլիմպիադա. Հայ շախմատիստները հաղթեցին ամերիկացիներին

Շախմատի պատանեկան օլիմպիադա. Հայ շախմատիստները փոփոխական հաջողությամբ են հանդես գալիս

Շախմատի պատանեկան օլիմպիադա. Հայաստանի հավաքականը երկրորդ պարտությունը կրեց

Շախմատի պատանեկան օլիմպիադա. 3 անընդմեջ հաղթանակ անհաջող մեկնարկից հետո

Աշխարհի պատանեկան առաջնություն. Էմին Օհանյանին չհաջողվեց մրցանակակիր դառնալ

Աշխարհի պատանեկան առաջնություն. Էմին Օհանյանն ու Սոնա Կրկյաշարյանը մրցանակային տեղերի հավակնորդ են

Աշխարհի պատանեկան առաջնություն. Հայ շախմատիստներից լավագույնն Էմին Օհանյանի արդյունքն է

Աշխարհի պատանեկան առաջնություն. Փաշիկյանն ու Օհանյանն առաջատարներին հետապնդողների թվում են

Աշխարհի պատանեկան առաջնություն. Էմին Օհանյանն առաջին պարտությունը կրեց

Աշխարհի պատանեկան առաջնություն. Էմին Օհանյանը շարունակեց հաղթարշավը

Հայ շախմատիստներից երեքն առաջատարների խմբում են

Հայ շախմատիստներից լավագույնը Սամվել Տեր-Սահակյանի արդյունքն էր

Աշխարհի պատանեկան առաջնություն. Շանթ Սարգսյանի առաջատարի դիրքն անսասան է

Աշխարհի պատանեկան առաջնություն. Շանթ Սարգսյանն ու Աննա Սարգսյանը շարունակեցին հաղթարշավը

Աշխարհի պատանեկան առաջնություն. Շանթ Սարգսյանն ու Աննա Սարգսյանն առաջատարների խմբում են