fbpx

Նիսի մրցաշար. Պատգամավոր մարզիկը և այլ ինտրիգներ տարվա առաջին ստուգատեսում

Ինչպես մեր մյուս հավաքականների, այնպես էլ հունահռոմեական ոճի ըմբշամարտի Հայաստանի հավաքականի համար 2019-ը պատասխանատու տարի է լինելու: Հենց այս մրցաշրջանի ընթացքում են խաղարկվելու Տոկիոյում 2020 թվականին կայանալիք Օլիմպիական խաղերի ուղեգրերը: Եվ կարևորագույն մրցաշարերին թոփ մարզավիճակով մոտենալու համար նախ պետք է ուժերը փորձարկել միջազգային մրցաշարերում:  Եվ ահա, մեր ըմբիշների առաջին առաջադրանքը լինելու է Նիսում փետրվարի 1-ից 3-ը կայանալիք միջազգային ստուգատեսը:

Հունահռոմեական ոճի ըմբշամարտի Հայաստանի հավաքականի ձևավորման վրա, բնականաբար, իր ազդեցությունն ունեցավ դեկտեմբերի վերջին «Միկա» մարզադահլիճում կայացած գավաթի խաղարկությունը:

Այնուհետև դրան հաջորդեց ավանդական ծաղկաձորյան հավաքը և Լևոն Ջուլֆալակյանը ընտրեց հետևյալ ըմբիշներին. Ռուդիկ Մկրտչյան (55 կգ), Գևորգ Ղարիբյան (60 կգ), Կարեն Ասլանյան (67 կգ), Արսեն Ջուլֆալակյան (77 կգ), Մաքսիմ Մանուկյան (87 կգ) և Արթուր Շահինյան (97 կգ): Նրանք էլ կպաշտպանեն Հայաստանի մարզական պատիվը առաջիկա մրցաշարում: VNews.am-ը առաջարկում է առանձին-առանձին խոսել յուրաքանչյուր ըմբիշի և այս մրցաշարի ընթացքում նրանցից ունեցած ակնկալիքների:

Ռուդիկ Մկրտչյան (55 կգ)

Այս քաշային կարգում Հայաստանի գավաթի խաղարկությունում հիմնական պայքարը ընթանում էր Ռուդիկ Մկրտչյանի և Նորայր Հախոյանի միջև: Նախորդ տարի Հայաստանի չեմպիոն էր դարձել Նորայրը, իսկ Ռուդիկը բաց էր թողել ՀՀ առաջնությունը վնասվածքի պատճառով: 2018-ին Նորայրը ներկայացրեց Հայաստանը տարբեր միջազգային մրցաշարերում, բայց առավել հաջող ստացվեց նրա ելույթը Եվրոպայի Մ23 տարեկանների առաջնությունում, որում նա դարձավ բրոնզե մեդալակիր ու հայտնվեց հայ մարզիչների ուշադրության կենտրոնում, մեկնեց մեծահասակների իր առաջին աշխարհի առաջնությանը, որտեղ հնավարություն ուներ մեդալ նվաճելու, բայց չստացվեց: Այնուհետև, եղավ գավաթի խաղարկությունը, որում Ռուդիկ Մկրտչյանը իրեն փայլուն դրսևորեց և տարավ արժանի հաղթանակ:  Սակայն 2018-ը հիշարժան էր նաև Ռուդիկ Մկրտչյանի համար: Նա դարձավ հունահռոմեական ըմբշամարտի զինվորականների աշխարհի չեմպիոն: Այս քաշային կարգում մեր ըմբիշները երկար տարիներ է, ինչ լուրջ մրցակցություն չեն առաջարկում, տեսնենք՝ նոր արյունը ինչ կառաջարկի:

Գևորգ Ղարիբյան (60 կգ)

Հայ ամենախոստումնալից ըմբիշներից է, բայց ինչպես արդեն մի քանի անգամ նշել ենք, նրան պակասում է միջազգային փորձը: Իսկ դրա ձեռքբերման համար արվում է ամեն ինչ մեր հավաքականի մարզչական շտաբի կողմից: Այս տարում Ղարիբյանի համար բավական բարդ կլինի վարկանիշային միավորներ վաստակել Տոկիոյի խաղերի համար, բայց այս մակարդակի մրցաշարերում ինքնավստահություն սեփական ուժերի նկատմամբ պետք է ձեռք բերել ու քայլ առ քայլ նվաճել ավելի անվանի պատվո հարթակներ: Այս մրցաշարում բարձր հարգի մեդալ ենք ակնկալում Գևորգից, չէ՞ որ դա նրա ուժերի սահմաններում է:

Կարեն Ասլանյան (67 կգ)

Ի տարբերություն Գևորգի, Կարենը արդեն շատ լուրջ մրցաշարերի է մասնակցել և նույնիսկ դարձել Եվրոպայի առաջնության բրոնզե մեդալակիր: Հայաստանի առաջնություններում նույնպես անգերազանցելի է: Մնում է կայունություն միջազգային հարթակներում, իսկ լավ մեկնարկից շատ բան է կախված: Այնպես որ, Կարենից ակնկալիքները նույնպես բարձր են, հաշվի առնելով, որ նրա հիմնական մրցակիցների մի մասը հնարավոր է չժամանեն Նիս:

Արսեն Ջուլֆալակյան (77 կգ)

Ֆրանսիայում կայանալիք մրցաշարի գլխավոր ինտրիգը, համենայն դեպս հայերի համար, լինելու է պատգամավոր մարզիկի ելույթը: Արսենը բազմիցս է նշել, որ երազում է Օլիմպիական ոսկու մասին ու քաղաքականությունը նրան այդ հարցում պետք է որ չխանգարի: 2014թ. աշխարհի չեմպիոնի մարզավիճակին ու ձեռք բերած նոր ունակություններին կարող ենք ծանոթանալ հենց Նիսում: Այս մրցաշարը հույժ կարևոր է Ջուլֆալակյանի համար, քանի որ հավաքականում նա լուրջ մրցակից ունի՝ ի դեմս Կարապետ Չալյանի, և անհաջող ելույթի պայմաններում նա ստիպված կլինի նորից երկար աշխատել ընտրյալների ցանկում տեղ գտնելու համար:

Արսեն Ջուլֆալակյանը՝ Նիսի մրցաշարի մասին. «Որպես պատգամավոր էլ ավելի զգոն ու հաղթական պետք է լինեմ»

Մաքսիմ Մանուկյան (87 կգ)

Աշխարհի առաջնությունից հետո հայտարարվեց, որ Մաքսիմ Մանուկյանը վնասվածքով էր մոտեցել տարվա գլխավոր ստուգատեսին: Իսկ ավելի ուշ հայտնի դարձավ, որ Եվրոպայի չեմպիոնը բուժման կուրս է անցնում ԱՄՆ-ում: Հայաստանի գավաթի խաղարկությանը Մաքսիմը արդեն Երևանում էր, բայց չմասնակցեց առաջնությանը: Մեր հավաքականի գլխավոր մարզիչ Լևոն Ջուլֆալակյանի խոսքով՝ նա դեռ լիովին պատրաստ չէր: Բայց հիմա Մաքսիմը արդեն վերադարձել է, ու հաշվի առնելով նրա ետևում թողած հաջողությունները, այս մրցաշարում հաղթանակը պարտադիր չէ ըմբիշի համար, այլ՝ ցանկալի: Պետք է նաև չմոռանալ, որ մարզիկը փոխել է քաշային կարգը օլիմպիական խաղերին ընդառաջ (նախկինում՝ 82 կգ): Մաքսիմի առաջ վստահաբար մեկ խնդիր է ծառացած՝ աստիճանաբար մարզավիճակ հավաքել՝ մինչև Աստանայում կայանալիք աշխարհի առաջնությունը:

Արթուր Շահինյան (97 կգ)

Ֆրանսիայի մրցաշարը նաև հետաքրքիր է Արթուրի շնորհիվ: Բայց այս անգամ այս քաշային կարգում Հայաստանը ներկայացում է ոչ թե Արթուր «Ճերմակ Արջը», որը դեռ ապաքինվում է վնասվածքից, այլ Արթուր Շահինյանը: Վերջինս աշխարհի առաջնությունում նվաճել էր բրոնզե մեդալ, և կարիերայի մայրամուտում լավ մարզավիճակ է հավաքել: Այնուամենայնիվ, Արթուրի փորձը ավելի պետք կգա մեր հավաքականին, ոչ թե նման մրցաշարերում, այլ Եվրոպայի ու աշխարհի առաջնություններում:

Լիանա Մկրտչյան

 

Հետևե՛ք VNews.am-ին նաև Youtube-ում և Instagram-ում:


Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 28-րդ տուրը

Արդեն առաջիկա զորակոչից ՀՀ Զինված ուժերում վերականգնվելու է մարզական վաշտը

«Արթուր Ալեքսանյանը 99 տոկոսով կմասնակցի Եվրոպական խաղերի». Լևոն Ջուլֆալակյան

Օրվա լավագույն հնարքը՝ Կարեն Ասլանյանից (տեսանյութ)

Ըմբշամարտի ԵԱ․ Կարեն Ասլանյանը 2-րդ մեդալը բերեց մեր հավաքականին (տեսանյութ)

Ըմբշամարտի ԵԱ․ 2 մեդալ ենք սպասում վերջին օրվանից

Արսեն Ջուլֆալակյանը՝ Եվրոպայի առաջնության բրոնզե մեդալակիր

Ըմբշամարտի ԵԱ. Այսօր մեկնարկած մեր հունահռոմեականները պարտվեցին վաղ փուլերում

Ըմբշամարտի ԵԱ. Ջուլֆալակյանն ու Գալստյանը հավակնում են բրոնզի, Մանուկյանը լքեց պայքարը

Ըմբշամարտի ԵԱ․ 5 ըմբիշներ սկսում են պայքարը, ևս 3-ը կպայքարեն միայն բրոնզի համար

Ըմբշամարտի ԵԱ. Մաքսիմ Մանուկյանը պարտվեց ադրբեջանցի ըմբիշին (տեսանյութ)

Ըմբշամարտի ԵԱ. Պայքարը շարունակում է միայն Մաքսիմ Մանուկյանը (տեսանյութ)

Ջուլֆալակյանն ու Մանուկյանը վստահ մեկնարկեցին, 2 ըմբիշ ձախողվեցին որակավորման փուլում

Ըմբշամարտի ԵԱ. Պայքարի են դուրս գալիս հունահռոմեականները

Ումից՝ ինչ ակնկալել. Հունահռոմեական ոճի ըմբշամարտի Եվրոպայի առաջնությանը ընդառաջ

Հայտնի է, թե սամբիստներից ովքեր կներկայացնեն Հայաստանը Եվրոպական խաղերում