«Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը - VNews
Բաժիններ

«Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

Sergio Ramos Spain 1024x788 1 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

Սերխիո Ռամոսն արդեն գրել է իր անունն իսպանական ֆուտբոլի պատմագրքում՝ որպես լեգենդար պաշտպանի: 35-ամյա ֆուտբոլիստը 2005 թվականին «Սևիլիայից» Մադրիդի «Ռեալ» տեղափոխությունից հետո անհատական և թիմային բազմաթիվ տիտղոսներ է նվաճել` դարձել «Արքայական ակումբի» իսկական խորհրդանիշը: Իսպանիայի հավաքականում հռչակվել է աշխարհի չեմպիոն, Եվրոպայի կրկնակի չեմպիոն: Ռամոսի դեպքում կարևոր են ոչ միայն զուտ ֆուտբոլային հատկանիշները, այլև առաջատար ու իսկական ավագ լինելն ընդգծելը:

Ներկայացնում ենք իսպանացի պաշտպանի ամենահետաքրքիր մտքերը կյանքի և ֆուտբոլի նկատմամբ նրա հայացքների, Մադրիդի «Ռեալի», ֆուտբոլիստից պահանջվող հատկանիշների, Կրիշտիանու Ռոնալդուի, Լիոնել Մեսիի, կարիերայի գլխավոր նպատակի ու շատ այլնի մասին:

«Ցլամարտն այն է, ինչով ցանկացել եմ զբաղվել փոքր տարիքում, բայց ֆուտբոլն ինձ ավելի երջանիկ է դարձնում: Կապ եմ զգում այդ հանդիսախաղի հետ, քանի որ ծնողներս ցլամարտի մեծ երկրպագուներ են: Ծնվել ու մեծացել եմ ցլամարտի երկրում, և դա ինձ փոխանցվել է: Չնայած նրան, որ ֆուտբոլիստ եմ դարձել, զգում եմ, որ ունեմ ցլամարտիկին բնորոշ որոշակի հատկանիշներ»:

15275867969376 960x640 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Աշխարհը պատկանում է խիզախ մարդկանց: Եթե դու չփորձես անել մտքինդ, ապա ոչինչ էլ չի ստացվի: Եթե ռիսկի դիմես, ապա կարող ես կա՛մ մնալ առանց ոչնչի, կա՛մ էլ հաղթել: Ըստ իս՝ հաջողության հասնելու շանսերն ավելի մեծ են: Կարծում եմ, որ մարդն իրեն ավելի լավ է ճանաչում դժվարին պահերին, կարող է սթրեսային իրավիճակներում ավելիին հասնել, դրանք մեզ առավել ուժեղ են դարձնում»:

«Կան ֆուտբոլիստներ, որոնց ուշադրություն եմ դարձրել, և որոնց խաղն ու դաշտից դուրս վարքագիծը ոգեշնչել են ինձ: Փոքր տարիքում հիացել եմ Պաոլո Մալդինիով, Ֆերնանդո Հիերոյով, ավելի ուշ՝ Կառլես Պույոլով: Եթե խոսենք այն ուսուցիչների մասին, որոնց հետ անձամբ եմ խաղացել, ապա նրանք են Խավի Նավարոն, Պաբլո Ալֆարոն ու Խոսե Պրիետոն: Ուզում եմ հավատալ, որ հիմա արդեն ես եմ նոր սերնդի տղաների համար օրինակ դարձել»:

«Երբ նոր էի սկսում ֆուտբոլ խաղալ, ավելի շատ հարձակման գծի ֆուտբոլիստների էի երկրպագում, մասնավորապես մեկին՝ բրազիլացի Ռոնալդոյին: Կուռքերիցս մյուսը` Կլաուդիո Կանիջան էր, երկար մազերով արգենտինացի հարձակվողը, ում շատ էի հավանում: Հենց նրան տեսնելով եմ որոշել երկարեցնել մազերս»:

«Աջ պաշտպան, հենակետային, կենտրոնական պաշտպան, ձախ պաշտպան․․․ Երբեք որևէ դիրքում ինձ անհարմարավետ չեմ զգացել: Տարիների ընթացքում հիմնավորվեցի պաշտպանության կենտրոնում, բայց չպետք է մոռանալ, որ աշխարհի ու Եվրոպայի չեմպիոն եմ դարձել՝ գործելով որպես աջ պաշտպան»:

«Անհավանական ճնշման հանդիպեցի, երբ այդքան երիտասարդ տարիքում տեղափոխվեցի աշխարհի լավագույն ակումբ: Ինձ ոչ ոք առանձնապես չէր ճանաչում: Հիշում եմ՝ ինչպես ամբողջ աշխարհը նվաճելու ահռելի ցանկությամբ առաջին անգամ ոտք դրեցի «Սանտիագո Բեռնաբեուի» խաղադաշտ»:

presentacion real madrid 1 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Երբ տեղափոխվեցի «Ռեալ», այստեղ խաղում էին Զիդանը, Ռոբերտո Կառլոսը, Բեքհեմը, Ռաուլը, և նրանք ինձ են փոխանցել այն արժեքները, որոնք այժմ արդեն ես եմ տալիս մեր նորեկներին: Պատասխանատվություն եմ զգում տղաների առջև, որոնք միանում են «Ռեալին», հիմա արդեն իմ հերթն է հոգ տանելու նրանց մասին»:

«Գոլերս միշտ տարբեր ձևերով եմ տոնում, քանի որ այդքան էլ հաճախ գոլի հեղինակ չեմ դառնում, և ամեն անգամ, երբ դա տեղի է ունենում, ցանկանում եմ այն նվիրել այն 2 կամ 3 մարդկանց, որոնց շատ եմ սիրում»:

«Լուկա Մոդրիչն իմ ընկերն է, հպարտ եմ, որ նրա հետ մեկ թիմում եմ խաղում: Այդպիսի ֆուտբոլիստները շատ չեն: Նա արժանի էր ՖԻՖԱ-ի վարկածով տարվա լավագույն ֆուտբոլիստի մրցանակին: Այո, կան ավելի գովազդված և հանրաճանաչ խաղացողներ, բայց հենց Մոդրիչն էր արժանի այդ պարգևին»:

«Երաժշտությունը տրամադրությունս արտահայտելու միջոց է, և դա հաստատապես նպաստում է խաղից առաջ մոտիվացվելուն: Դա օգնում է նաև առաջ շարժվել պարտություններից հետո կամ ուղեղս զբաղեցնել, երբ չեմ խաղում: Երաժշտությունը մի բան է, որ հետևում է ինձ ամեն օր՝ յուրաքանչյուր քայլիս»:

«Բոլորը հիշում են Չեմպիոնների լիգայի 2018 թվականի եզրափակիչի մասին («Ռեալը» 3-1 հաշվով հաղթեց «Լիվերպուլին-խմբ․), բայց ոչ ոք չի հիշում ընտանիքիս և երեխաներիս հասցեին ստացված մահվան սպառնալիքները: Սալահի վնասվա՞ծքը․ դա ինձ չի անհանգստացնում: Ոչ մի դեպքում չէի ցանկանա վնասվածք հասցնել գործընկերոջս, ուստի խիղճս մաքուր է: Երկրպագուների արձագանքն ինձ վրա ոչ մի կերպ չի ազդում»:

b 196 960x675 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Ես 3,2 կգ եմ կորցնում ամեն խաղում: Ամեն հանդիպումից հետո 2,5 լիտր իզոտոնիկ լուծույթ եմ խմում: Դա անհրաժեշտ է արագ վերականգնման համար»:

«Ես ժամանակից շուտ վետերան դարձած ֆուտբոլիստ եմ, ստիպված եղա արագորեն հասունանալ»:

«Չկա ավելի մեծ շարժառիթ, քան Չեմպիոնների լիգայի եզրափակիչում խաղալը»:

«Լիդեր չեն ծնվում, լիդեր դառնում են: Դրա համար հարկավոր են ոչ միայն անհատական հատկանիշներ, այլև համապատասխան միջավայր, կուտակած փորձ, թիմակիցներ, կրքոտ երկրպագուներ: Բախտս ինչ-որ տեղ բերել է, սակայն ես միշտ սովորել եմ, ընթացել առաջ, հպարտացել իմ ձեռքբերումներով և չընկել դեպրեսիայի մեջ անհաջողությունների պատճառով»:

«Ֆուտբոլը մարզաձև է, որտեղ անհատները միասին են խաղում: Բայց հենց թիմն է բացահայտում քո լավագույն հատկանիշները, իսկ դու՝ որպես երախտագիտության նշան, կարող ես այդ թիմն ավելի ուժեղ դարձնել»:

589eed95501a6211e725d53d9036197d crop exact 960x640 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Երբ դուրս ես գալիս խաղադաշտ, պետք է պատրաստ լինես քեզ վրա ցանկացած պատասխանատվություն ընդունելուն: Բայց միշտ պետք է հիշել նաև ֆուտբոլային բախտի մասին, որը երբեմն երես է թեքում: Դա պետք է պարզապես ընդունել և սխալներին փիլիսոփայորեն վերաբերել, նրանք չպետք է քո մեջ վախ սերմանեն: Ես ամբողջ կարիերայիս ընթացքում կարողացել եմ ինձ կառավարել, բայց նույնիսկ պատասխանատվությունը հաջողության կարիք ունի»:

«Ոչ մի ֆուտբոլիստ երբեք ավելի կարևոր չի լինի, քան «Ռեալը»: Ինչ էլ տեղի ունենա, այս ակումբը կշարունակի գոյություն ունենալ»:

«Ռեալի» խնդիրը հաղթելն է, և մենք դա կշարունակենք անել նաև առանց Կրիշտիանու Ռոնալդուի»:

«Մեր պատմությունն ու խորհրդանիշը մեզ ստիպում են միշտ պայքարել մինչև վերջ»:

«Ես հազար անգամ արյուն կթափեի այս խորհրդանիշի և այս մարզաշապիկի համար: «Ռեալում» խաղալը տիտանական պատասխանատվություն է»:

Մեր ընտրանին

«Երբ կազմվի բոլոր ժամանակների լավագույն ֆուտբոլիստների ցուցակ, Ֆրանչեսկո Տոտին անպայման կլինի այդտեղ: Հավատացած եմ, որ նա կհիշվի որպես մեծագույններից մեկի: Կարծում եմ՝ Ֆրանչեսկոն խնդիր չէր ունենա այլ մեծ ակումբում խաղալու հարցում: Տոտին ի ծնե հաղթող է, և մեծ ֆուտբոլիստները միշտ գտնում են թիմում ինտեգրվելու ճանապարհ»:

«Երբ մրցավարը հնչեցնում է խաղի ավարտն ազդարարող սուլիչը, դու, հնարավոր է, ավելի շատ ժամանակ ես ունենում մտածելու այն մասին՝ ինչքան միօրինակ կյանք ես վարում որպես ֆուտբոլիստ՝ զուգորդված անվերջ թռիչքներով և հյուրանոցային գիշերներով: Դու այնքան ժամանակ ես անցկացնում առանց ընտանիքի ու երեխաների, որ հեռու գտնվելու այդ պահերը քեզ հիշեցնում են այն մարդկանց մասին, որոնց շատ ես կարոտում»:

«Այն պահից ի վեր, ինչ Կառլո Անչելոտին ժամանեց «Ռեալ», նա ընդգծեց քրտնաջան աշխատանքի ու ինտենսիվության կարևորությունը, և հիմա մադրիդյան թիմը հենց այդ ամենի հետ է ասոցացվում: Անչելոտին ֆուտբոլիստի կարիերա է ունեցել, ինչը նրան տարբերում է մյուս մարզիչներից»:

«Կողմ եմ տեսակրկնությունների կիրառմանը: Չի կարելի հաղթել՝ գոլ խփելով խաղից դուրս վիճակից կամ «չեղած» 11-մետրանոցից: Այդ համակարգը նշածս առումով կարող է օգնել: Հենց սովորենք նրա օգտագործմանը, այն ավելի արագ կդառնա»:

«Արգենտինայում գիտեն, որ Մարադոնայի՝ պատմության լավագույն արգենտինացի ֆուտբոլիստ կոչվելու տարիներն անցյալում են: Ինձ համար ուժեղագույնը Լեո Մեսին է: Նա հրաշալի ու բացառիկ ֆուտբոլիստ է: Արգենտինայի հավաքականն առանց նրա ավելի թույլ տեսք ունի, նրա հետ՝ շատ ավելի ուժեղ»:

2329607 48490910 2560 1440 960x540 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Ֆուտբոլը հիշողություն չունի, և դու ամեն մրցաշրջանում, ամեն խաղում պետք է ամեն ինչ զրոյից սկսես, ու ապացուցես, ապացուցես, ապացուցես: Այլ կերպ չի լինի»:

«Շատ խաղեր եմ անցկացրել անգլիական ակումբների և Անգլիայի հավաքականի դեմ ու միշտ տարբերություն եմ նկատել այդ հանդիպումներում: Արդյունքը միշտ ավելի կարևոր նշանակություն է ստանում, երբ մրցակիցներդ ֆուտբոլի հայրենիքի ներկայացուցիչներն են»:

«Ես քնքուշ ֆուտբոլիստ չեմ և կարող եմ խաղադաշտում կոշտ գործել, բայց մրցավարները սխալ պատկերացում են ձևավորել իմ մասին: Երբ ստանում ես կոշտ խաղացողի պիտակ, շատ դժվար է դառնում դրանից ազատվելը: Հաճախ եմ նկատում, որ ինձ՝ Սերխիո Ռամոսին, շատ ավելի հեշտությամբ են դեղին քարտ ցույց տալիս, քան որևէ այլ ֆուտբոլիստի»:

«Ինչքան շատ խոսենք մրցավարության մասին, այն այնքան ավելի վատն է դառնալու: Երբ ինչ-որ մեկը պարտվում է, նրա համար ամենահեշտը մրցավարական որոշումների վրա կենտրոնանալն է»:

«Բախտին պետք է արժանանալ ամենօրյա ջանքերով ու զոհաբերություններ կատարելով: Որպեսզի դառնամ այն, ինչ այսօր կամ ֆուտբոլում, ստիպված եմ եղել հրաժարվել իմ մանկությունից»:

534928086 960x661 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Այդքան էլ հեշտ չէ պաշտպանվելն այնպիսի հարձակողական թիմում, ինչպիսին «Ռեալն» է»:

«Խոսքեր չկան՝ Կլասիկոն նկարագրելու համար: Դա բացարձակապես այլ խաղ է, աշխարհի ամենակարևոր հանդիպումը»:

«Միշտ ասել եմ՝ երբ «Ռեալը» հաղթում է, դա միայն Ռոնալդուի, Կակայի կամ այլ անհատի շնորհիվ չէ, և երբ թիմը պարտվում է, արդար չէ անհաջողության համար մեղադրել միայն այդ խաղացողներին»:

«Երբ դու շատ տիտղոսներ նվաճած ֆուտբոլիստ ես, մրցակիցները մեծ հակակրանքով են վերաբերվում քեզ»:

«Մեծագույն ֆուտբոլիստները հազվադեպ են հաջողակ մարզիչներ դառնում, բայց Զիդանին դա հաջողվել է»:

zidane ramos 960x540 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Յուրաքանչյուր մայր կցանկանար՝ իր դուստրը հանդիպեր Անդրես Ինիեստայի նման տղամարդու: Անդրեսի կարիերայի ընթացքն ու վարքագիծն արդեն իսկ պատմում են նրա մարդկային հատկանիշների մասին: Ինիեստան կախարդական ֆուտբոլիստ է: Քիչ խաղացողներ կան աշխարհում, որ կարող են համեմատվել նրա հետ»:

«Ռոնալդինյոն գրեթե անկասելի էր իր լավագույն մարզավիճակում՝ թե՛ որպես հարձակվող, թե՛ որպես փլեյմեյքեր»:

«Չեմ թաքցնի, որ կար ժամանակահատված, երբ լարված հարաբերություններ ունեինք «Բարսելոնայի» ֆուտբոլիստների հետ, խաղերն այնքան շատ էին, որ մարդիկ կորցրել էին գլուխները: Բայց ժամանակի հետ հարթեցինք խնդիրները, հարմարվեցինք դրան ու սկսեցինք հարգել միմյանց: Օրինակ՝ Ժերար Պիկեի հետ շատ ժամանակ ենք անցկացրել հավաքականում, նա մեծ սիրտ ունի և հիանալի տղա է, իսկ ինչ վերաբերում է մեր սուր հայտարարություններին, ապա այդ ամենը պարզապես գալիս է մեր ակումբներին ու նրանց արժեքներին ունեցած հավատարմությունից: Նա հիանալի կենտրոնական պաշտպան է»:

«Կարիերայիս ընթացքում մրցակցել եմ աշխարհի լավագույն հարձակվողների հետ, նրանցից ոմանք պատմության ուժեղագույններից են: Ինձ համար վախ երբեք գոյություն չունի: Հարգանք՝ այո, բայց վախ՝ երբեք»:

«Որպես իսպանացի շատ եմ անհանգստանում, որ մեր հիմնում բառեր չկան: Ուզում եմ, որ մեր հիմնում բառեր լինեն, քանի որ զգում եմ՝ ինչպես են մյուս հավաքականները «լիցքավորվում», երբ երգում են իրենց հիմնը: Դրանք յուրահատուկ հնչյուններ են: Երբ հնչում է հիմնը, միշտ երկնքին եմ նայում: Դա շատ կարևոր պահ է ինձ համար: Հիշում եմ տատիկիս ու պապիկիս, ընտանիքիս, ընկերներիս և Անտոնիո Պուերտային («Սևիլիայում» Ռամոսի նախկին թիմակիցը, որը մահացել է 2007 թվականին 22 տարեկան հասակում-խմբ․)»:

1fa34d89 2fec 4749 afaa 6018993667ae 1200x675 1 960x540 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Կարիերայիս ընթացքում շատ-շատ բանի եմ հասել, և լավ կլիներ, եթե նրանք ինձ պարգևատրեին «Ոսկե գնդակով», դա պատմական պահ կդառնար, բայց անկեղծորեն նույնիսկ չեմ մտածում այդ մասին»:

«Իսպանիայի Պրիմերան աշխարհի լավագույն առաջնությունն է, ամենաբարդ լիգան»:

«Կրիշտիանու Ռոնալդուն աշխարհի լավագույն ֆուտբոլիստն է, և մենք բախտավոր ենք նրա հետ ամեն օր մարզվելու հնարավորության համար: Նա «Ռեալի» պատմության ամենակարևոր խաղացողն է»:

«Սնահավատության շատ դրսևորումներ ունեմ: Վաղուց էի որոշել մազերս կարճեցնել, բայց չկարողացա դա անել մինչև 2010 թվականի աշխարհի առաջնությունը, քանի որ Ավստրիայում և Շվեյցարիայում կայացած Եվրոպայի առաջնությունում խաղացել էի երկար մազերով, ու մենք հաղթել էինք: Հետո, միշտ խաղադաշտ եմ դուրս գալիս ձախ ոտքով, իսկ առաջինն ամրացնում եմ աջ խաղակոշիկիս քուղերը, աղոթում եմ տատիկներիս ու պապիկներիս համար: Բայց աշխարհի առաջնությունում հաղթանակից հետո հրաժարվեցի այդ ավանդույթներից շատերից, որոշեցի փոքր-ինչ փոխել ինձ»:

«Քչերն են ինձ այնպիսին ճանաչում, ինչպիսին ես ընտանիքում եմ: Ես ընտանեկան մարդ եմ, հնարավոր է՝ նույնիսկ ռոմանտիկ: Ընտանիքն ամենակարևորն է: Ինձ համար ուրախության բոլոր պահերը կապված են հարազատ մարդկանց հետ»:

Juventus v Real Madrid UEFA Champions League Final 960x720 - «Նրան տեսնելով եմ որոշել երկարեցնել մազերս»․ Սերխիո Ռամոսի ամենաուշագրավ մտքերը

«Նույնկերպ եմ վերաբերվում նրանց, ովքեր ինձ գովաբանում կամ քննադատում են: Կարող եք իմ մասին ինչ ասես խոսել, քանի դեռ բոլոր ուժերս տալիս եմ իմ թիմին: Կարող եք ասել՝ վատ խաղացի կամ լավ, բայց չեմ ընդունի քննադատություն՝ կապված գործին իմ վերաբերմունքի հետ»:

«Ունեցել եմ երազանք՝ դառնալ աշխարհի չեմպիոն, և այն կյանքի եմ կոչել: Հիմա այլ երազանք ունեմ՝ կարիերաս ավարտել «Ռեալում»: Միշտ դա եմ ասել, և կրկնելու եմ այդ խոսքերը նաև ապագայում»:

«Եթե դու չես ապրում, սնվում և շնչում ֆուտբոլով, դու իսկական ֆուտբոլիստ չես: Դու պարզապես մարզաշապիկ ես կրում»:

«Չէի կարողանա հանգիստ քնել, սնվել, ինձ լիարժեք տղամարդ զգալ, եթե իմանայի, որ խաղադաշտում չեմ ներդրել ամբողջ` հարյուր տոկոս ուժերս: Գուցե հաղթեմ կամ պարտվեմ, բայց երեկոյան կարող եմ քնել միայն այն դեպքում, եթե վերաբերմունքը խաղին ճիշտ է եղել: Ոչինչ ինձ չի ուրախացնում ավելի շատ, քան այն զգացողությունը, որ խաղադաշտում ներդրել եմ ուժերիս հարյուր տոկոսը»:

Միացի՛ր հայկական ամենասպորտային Instagram-ին:


«Արսենալը» Լակազետին փոխարինող է գտել

«Ռեալի» հայտացուցակը «Շախտյորի» դեմ խաղի համար

Զիդան. «Նա արժանի է «Ոսկե գնդակին»

Վագներ. «Մեսին արժանի չէ «Ոսկե գնդակին»

Ռոնալդուն արդյունավետ գործողություններով աչքի չի ընկել ԱՊԼ-ի վերջին 3 խաղում

Լևանդովսկին մտադիր է հեռանալ «Բավարիայից» ու որոշել է՝ որն է լինելու իր հաջորդ ակումբը

Պոգբայի՝ կարիերան շարունակելու հարցում Ռայոլան իր նախընտրությունն ունի

Մեսին տրիբունայից հետևում է ՊՍԺ – «Անժե» խաղին

Սերխիո Ռամոսը շնորհավորել է Հայաստանի հավաքականի գլխավոր մարզչի տարեդարձը

Մեսին քննադատել է բրազիլացի մրցավարին

Մենդեշ. «Նա պատմության լավագույն ֆուտբոլիստն է»

«Երազանքի հետևից». Մբապեն հաստատակամ է իր որոշման մեջ

Ալեքս Ֆերգյուսոնն ասել է՝ ով պետք է ստանա «Ոսկե գնդակը»

Ռոնալդոն ասել է՝ ով է արժանի «Ոսկե գնդակին»

Ռամոսը բուժզննում է անցել. ապաքինման ժամկետը հայտնի է

Ագուերո. «Մեսիի հետ խաղալու հույսով էի տեղափոխվել «Բարսելոնա»