Նուրսուլթան 2019. Արսեն Հարությունյանը լավ մեկնարկեց, Վազգեն Թևանյանը պարտվեց 1/16 եզրափակիչում (տեսանյութեր)

Նուրսուլթանում ընթացող ըմբշամարտի Աշխարհի առաջնությունում սեպտեմբերի 19-ին պայքարը սկսեցին ազատ ոճի ըմբիշները: Առաջին մրցումային օրը Հայաստանի ներկայացուցիչներից պայքարի մեջ մտան մինչև 57 կգ քաշային Արսեն Հարությունյանն ու մինչև 65 կգ քաշային Վազգեն Թևանյանը:

Մինչև 57 կգ քաշային Արսեն Հարությունյանը, պայքարը սկսելով 1/16 եզրափակչից, առավելության հասավ վրացի Օտարի Գոգավայի նկատմամբ:

Թևանյանը որակավորման փուլում առաջին գոտեմարտն անցկացրեց Ուկրաինայի դրոշի նորքո հանդես եկող Գոռ Հովհաննիսյանի հետ, որի նկատմամբ հաղթանակ տարավ:

Հաջորդ՝ 1/16 եզրափակչում Թևանյանը պարտություն կրեց Ճապոնիան ներկայացնող Տակուտո Օտոգուրոյից: Հայ ըմբիշը կկարողանա պայքարել բրոնզե մեդալի համար միայն այն դեպքում, եթե ճապոնացի ըմբիշը հասնի եզրափակիչ:

Միացի՛ր հայկական ամենասպորտային Instagram-ին: