Ով է ֆուտբոլի պատմության լավագույն խաղացողը՝ ըստ Խուլեն Լոպետեգիի

Խաղի մանրամասները

Իսպանիա, Լա Լիգա, 25 տուր

27 Փետրվար 2021 - 19:15

0

Սևիլիա

2

Բարսելոնա

0 - 1 Ուսման Դեմբելե - 29`

0 - 2 Լիոնել Մեսսի - 85`

«Սևիլիայի» գլխավոր մարզիչ Խուլեն Լոպետեգին հայտնել է Լա Լիգայի 25-րդ տուրում «Բարսելոնայի» դեմ կայանալիք տնային հանդիպումից իր ակնկալիքների մասին:

«Հուսով եմ՝ մենք վաղը կտեսնենք հիանալի «Բարսելոնա», որն իր կազմում ունի փայլուն ֆուտբոլիստների և աշխարհի լավագույն խաղացողին:

Մեզ դուր է գալիս նման հանդիպման մասնակցելը, այն մեզանից բոլոր առումներով առավելագույնն է պահանջում: Դրան պետք է պատրաստ լինել:

Նրանք բոլոր գծերում ունեն ուժեղագույն ֆուտբոլիստներին, իսկ Լեո Մեսին, իմ կարծիքով, անկասկած, պատմության լավագույն խաղացողն է: Այդ ամենը վկայում է մեզ համար տվյալ մրցավեճի կարևորության մասին»,- Լոպետեգիի խոսքերը մեջբերում է Mundo Deportivo-ն:

Նշենք, որ իսպանացի մասնագետը, ֆուտբոլիստի կարիերայի ընթացքում խաղալով դարպասապահի դիրքում, հանդես է եկել թե՛ Մադրիդի «Ռեալում» (1 հանդիպում), թե՛ «Բարսելոնայում» (5 մրցավեճ):

Մարզչական կարիերայում ավելի վաղ գլխավորել է Իսպանիայի պատանեկան և երիտասարդական հավաքականները, ազգային ընտրանին, ինչպես նաև «Պորտուն» ու Մադրիդի «Ռեալը»: «Սևիլիայի» ղեկին նախորդ մրցաշրջանում դարձել է Եվրոպա լիգայի գավաթակիր:

1 վնասվածք ու 1 վերադարձ. «Բարսելոնայի» հայտացուցակը՝ «Սևիլիայի» դեմ խաղին

Միացի՛ր հայկական ամենասպորտային Instagram-ին: