fbpx
Բաժիններ

Պապաստադոպուլոս․ «Միկին ու Օբան այնպիսի ընկերներ են, ում հետ կապ կպահեմ նաև ֆուտբոլից հետո»

«Արսենալը» ներկայացրել է տեսանյութ, որտեղ Հենրիխ Մխիթարյանն ու Սոկրատիս Պապաստադոպուլոսը միմյանց հետ հարցազրույց են անում:

Հենրիխ Մխիթարյան․ Շնորհակալություն հարցազրույցի համար: Ինչպե՞ս ես քեզ զգում «Արսենալում»: Ի՞նչ կասես ակումբի, Լոնդոնում կյանքի ու ընդհանրապես՝ ամեն ինչի մասին:

Սոկրատիս Պապաստադոպուլոս․ Կյանքը Լոնդոնում գեղեցիկ է, ինչ խոսք: Ակումբում էլ ամեն ինչ կատարյալ է: Նաև օգնում է, որ քեզ ու Օբամեյանգի նման ընկերներ ունեմ:

Հ․Մ․ Ինչպիսի՞ն է տպավորությունները Պրեմիեր լիգայից: Արդյո՞ք սա հենց այն է, ինչ ակնկալում էիր «Արսենալ» տեղափոխվելիս:

Ս․Պ․ Ես ակնկալում էի, որ սա լավագույն լիգան է ու լավագույն թիմերը խաղում են այստեղ: Իհարկե, գիտեի նաև, որ դժվար է լինելու: Ես ևս մեծ ակումբ եմ եկել շատ լավ խաղացողներով, ու դա ինչ ուրախացնում է:

Հ․ Մ․ Քեզ դուր գալի՞ս է այս լիգայի ֆիզիկական խիստ պահանջները:

Ս․Պ․ Այո, ինձ դուր է գալիս, որ լիգան շատ ուժեղ է և ֆիզիկական բարձր մակարդակ է պահանջում: Դա ինձ դուր է գալիս, որովհետև իմ խաղաոճն էլ է այդպիսին:

Ս․ Պ․ Ի՞նչ մտածեցիր, երբ առաջին անգամ ինձ տեսար Դորտմունդում 5 տարի առաջ:

Հ․Մ․ Երբ տեսա, ասեցի այս ինչ հսկա պաշտպան է, ինչ ուժեղ պաշտպան է: Իսկ հետո ավելի շատ շփվելով, տեսա որ շատ նմանություններ ունենք, մտածելակերպը, նվիրվածությունը, ու շատ ուրախ եմ, որ քո ընկերն եմ, չգիտեմ՝ դու ուրախ ես, թե ոչ:

Ս․Պ․ Այո, իհարկե:

Հ․Մ․ Այո, շատ լավ տպավորություններ ունեի ու շատ շնորհակալ եմ Աստծուն, որ քո նման ընկեր ունեմ: Իսկ դու ի՞նչ մտածեցիր իմ մասին:

Ս․Պ․ Միկիի հետ մենք հաճախ նույն բանն ենք մտածում, նույն բաներն ենք սիրում, ու բնականաբար խոսում ենք թեմաներից, որ երկուսիս էլ հետաքրքիր է: Գերմանիայում, Դորտմունդում բոլորը խոսում էին նրանից, որ նա ամենաթանկարժեք տրանսֆերն է, տեսնենք՝ կարդարացնի, թե ոչ: Բայց հենց առաջին մարզումից Միկին տպավորեց բոլորին, ու բոլորը հետո վստահ էին, որ նա շատ կօգնի թիմին:

Հ․Մ․ Իսկ ո՞րոնք էին առաջին տպավորությունները Օբամեյանգից:

Ս․Պ․ Օբան սկզբում մի փոքր փակ էր ու շատ չէր խոսում: Բայց մարզմանը առաջին վայրկյանից տեսնում էիր, թե ինչ արագ է ու ինչ որակներ ունի: Հետո 1-2 ամիս անց երբ մտերմացանք, տեսա, թե ինչ բաց տղա է, ընկերասեր: Միկին ու Օբան այն 2 ընկերներն են, որ ֆուտբոլից հետո էլ զրուցելու ենք հեռախոսով, գուցե նա գա Հունաստան կամ ես գնամ Հայաստան, կամ Գաբոն, չնայած մի փոքր հեռու է:

Հ․Մ․ Իսկ Օբան փոխվե՞լ է այս տարիներին:

Ս․Պ․ Այո, բոլորն են փոխվում: Մենք բոլորս էլ փոխվել ենք, կյանքն է փոխում մեզ, ու նաև ընտանիքն է փոխում, չէ որ ես ու Օբան 2 երեխա ունենք: Միկին ևս փոխվել է, թե նա դեռ ընտանիք չի կազմել, բայց առաջիկա տարում դու ևս կմիանաս մեզ:

Միկի, իսկ ի՞նչ ակնկալիքներ ունես այս տարվանից:

Հ․Մ․ Ես միշտ խաղացել եմ տիտղոսներ նվաճելու համար, որովհետև երբ կարիերադ ավարտվում է, քեզ հիշում են դրանցով: Ես ընտրել եմ «Արսենալը» որովհետև գիտեմ, որ կարող եմ այստեղ անել դա: Հուսով եմ կկարողանանք մյուս տարի «Արսենալին» վերադարձնել Չեմպիոնների լիգա: Իմ մանկության տարիներին միշտ դիտում էի «Արսենալի» խաղերը Չեմպիոնների լիգայում, ոչ թե Եվրոպա լիգայում: Թիմը որոշ բարդ ժամանակներ է ունեցել, բայց հուսով եմ կկարողանանք հիմա առաջ շարժվել ու հասնել Չեմպիոնների լիգա:

Ս․Պ․ Այս ակումբում հիմա շատ բան նոր է: Այո, ունենք ժամանակ, ու եթե ամեն խաղին լավ տրամադրվենք, ունենք տաղանդ և ունենք մարզիչ, շատ լավ բաներ: Ու այո, պետք է փորձենք հասնել Չեմպիոնների լիգա, ու ինչու ոչ, նվաճել մեկ կամ մի քանի գավաթ:


Հետևե՛ք VNews.am-ին նաև Youtube-ում և Instagram-ում:


Մխիթարյանը շարք է վերադարձել (լուսանկար)

Օզիլ. «Միշտ ես եմ մեղավոր, նույնիսկ եթե չեմ խաղում»

Թվեք Հենրիխ Մխիթարյանի բոլոր գոլերը Հայաստանի հավաքականի կազմում. VNews-ի Quiz-ը

Առանց ավագի, առաջնորդի, ուղեղի ու գոլահարի. Հայաստանի հավաքականում [շատ] «բան չի փոխվել»

Օզիլը որոշում է կայացրել իր ապագայի վերաբերյալ ու հայտարարել այդ մասին

Հայտնի է՝ ով կփոխարինի Էմերիին «Արսենալում»

Նոր տեղեկություններ Մխիթարյանի վիճակից. հայտնի է՝ որ խաղին նա կվերադառնա խաղադաշտ

France Football-ը ծավալուն հոդված է հրապարակել Հենրիխ Մխիթարյանի ու հայկական ֆուտբոլի մասին

Վենգերն ասել է, թե ինչու է հրաժարվել գլխավորել «Ռեալը»

«Ֆուտբոլաթենիսագեղասահորդ».Պետր Չեխը ու ևս 9 ֆուտբոլիստ, որոնք անցել են այլ մարզաձևերի

Հայաստանի հավաքականի հավանական մեկնարկային կազմը Ֆինալդիայի դեմ խաղում՝ ըստ VNews-ի

Հենրիխ Մխիթարյանի ապաքինումից նոր մանրամասներ են հայտնի

Գևորգ Ղազարյանը՝ հավաքականին ավագի թևկապով խաղադաշտ ուղեկցած 16-րդ ֆուտբոլիստ

Օզիլը վաճառքի է հանել լոնդոնյան իր շքեղ առանձնատունը

Սեբալյոս. «Ուզում եմ հաջողությունների հասնել «Ռեալում»

Թիմեր, որոնց մրցաշրջանը տապալվել է միջազգային դադարի պատճառով