«Պատերազմ և ԽԱՂաղություն». Հակամարտություններ կապված ֆուտբոլի հետ - VNews
Բաժիններ

«Պատերազմ և ԽԱՂաղություն». Հակամարտություններ կապված ֆուտբոլի հետ

armenia turkey.thumb - «Պատերազմ և ԽԱՂաղություն». Հակամարտություններ կապված ֆուտբոլի հետ
Խաղի մանրամասները

տուր

01 Հունվար 1970 - 15:17

-

-

«Քաղաքականություն տեղ չունի ֆուտբոլում» արդեն վաղուց ակտուալ չէ: Դա ավելի շատ ֆուտբոլային չինովնիկների և/կամ պարզապես սովորական ֆուտբոլիստների ու սովորական մարդկանց ցանկությունն է, ոչ ավելին: Լինենք անկեղծ. քաղաքականությունը միշտ էլ եղել է ֆուտբոլում ու ոչ մի պարագայում չի նահանջել անգամ չնչին կերպով: Պետական աշխատողները ձեռք են բերել ու ձեռք են բերում ակումբներ, որոշում նրանց ճակատագրերը: Ֆուտբոլի պատմությունը տեսել է բազմաթիվ դեպքեր, երբ քաղաքականությունը խանգարել է աշխարհի գլխավոր սպորտաձևի զարգացմանը:

Քիչ չեն գրանցվել դեպքեր, երբ ֆուտբոլը ոչ միայն չի օգնել ստեղծված միջռասսայական ու քաղաքական խնդիրները հարթելու գործում, այլև հակառակը. ֆուտբոլային մեկ հանդիպում յուղ է լցրել առանց այն էլ երկու կամ ավելի կողմերի միջև բոցկլտացող հակամարտության վրա: Անգլիայի ու Արգենտինայի դիմակայության մասին արդեն գրել էինք: Ստորև ներկայացվող պատմությունները ուղիղ կամուրջ են գցում ֆուտբոլի և պատերազմական գործողությունների միջև:

Բալկանյան պատերազմ

dinamo zvezda maksimir - «Պատերազմ և ԽԱՂաղություն». Հակամարտություններ կապված ֆուտբոլի հետ

Ֆուտբոլային խորը ու շատ խորը գիտելիքներ ունեցող երկրպագուները միանշանակ ձեզ կփաստեն, որ բալկանյան դերբիները միշտ էլ եղել են Եվրոպայի ամենակատաղածները: Եթե «Ցրվենա Զվեզդա» – «Պարտիզան» կամ «Դինամո Զագրեբ» – «ցանկացած խորվաթական թիմ» դիմակայության սկզբում/ընթացքում/վերջում չեն ձերբակալվում երկրպագուներ, չեն նետվում ճայթրուկներ, չեն լինում կռիվներ ինչպես դաշտում, այնպես էլ դրա սահմաններից դուրս, մրցավարը դաշտից չի հեռացնում 1-2 ֆուտբոլիստի, ուրեմն ձեր անցկացրած 100 րոպեները (բալկանյան դերբիները գրեթե երբեք 90 րոպե չեն խաղում) անիմաստ էին: Խորվաթներն ու սերբերը երբեք էլ «չեն ունեցել իրար հետ» դեռ անհիշելի ժամանակներից: 19-րդ դարի կեսերից նրանք իրար «միս են կերել»: Ֆուտբոլային հարուստ պատմություն ունեցող այս ազգերի միջև կայացած «նախապատերազմական» գլխավոր հանդիպումը, որն իր հետ բերեց իսկական դժոխք երկիր մոլորակի որոշակի հատվածի վրա, տեղի ունեցավ 1990 թվականի մայիսի 13-ին:

Զագրեբի «Դիմանոյի» և «Ցրվենա Զվեզդայի» միջև կայացած խաղից առաջ արդեն Խորվաթիայի մայրաքաղաքում արդեն տեղի էին ունեցել անկարգություններ, ձերբակալվել էին մի շարք ֆուտբոլասերներ երկու կողմերից էլ: Մեկնարկային սուլիչից գրեթե անմիջապես հետո երկու թիմերի ուլտրաս ֆաները սկսեցին վիրավորական, ազգայնամոլական վանկարկումներ անել, միմյանց ուղղությամբ նետել ճայթրուկներ ու աթոռներ: Ինչ-որ պահից սկած ճաղերն ու պաշտպանիչ վահանակները տեղի տվեցին, ֆաները նետվեցին դաշտ: Սկսվեց մասսայական ծեծուջարդ, որին մասնակցում էին ոչ միայն ֆաները, այլև ֆուտբոլիստներն ու ոստիկանները:

Քանի որ երկիրը լոչվում էր Հարավսլավիա, բնականաբար, իշխանության էլիտան սերբեր էին: Հետևաբար, ոստիկանության աշխատակիցները ևս ունեին սերբական կողմնորոշում: Ուստի՝ դաշտում տեղի ունեցող անկարգությունները հանդարտեցնող ոստիկանները հիմնականում դաժան ծեծի էին ենթարկում խորվաթ ֆուտբոլիստներին ու ֆաներին: Այդ ժամանակ դեռ երիտասարդ, իսկ հետագայում՝ խորվաթական լեգենդ Զվոնիմիր Բոբանը ծնկով հարվածել է ոստիկաններից մեկին:

«Ես այնտեղ էի: Արդեն այն ժամանակ հայտնի ֆուտբոլիստ էի, սակայն ես պատրաստ էի զոհաբերել ամեն ինչ՝ անունս, պատիվս, մարզիկի կարիերաս հանուն մեկ գաղափարի, որը փորձում էին նման կերպ զսպել՝ ազատ և անկախ Խորվաթիա», – պատմել է Բոբանը: Ի դեպ, ֆուտբոլիստին այս արարքի համար որակազրկեցին 6 ամսով, իսկ ծնկով հարված ստացած ոստիկանը մի քանի տարի հետո պաշտոնապես ներեց ֆուտբոլիստին:

qNdwfvG 960x642 - «Պատերազմ և ԽԱՂաղություն». Հակամարտություններ կապված ֆուտբոլի հետ

Խաղից հետո իրադարձությունները զարգացան ֆանտաստիկ դաժան ու արագ հունով. 2 շաբաթ անց Խորվաթիայի իշխանությունն ընդունեց հակասերբական մի շարք որոշումներ, ևս 3 շաբաթ անց Խորվաթիան իրեն անկախ ճանաչեց, 1991-ին սկսվեց պատերազմը, որը ոչնչացրեց Հարավսլավիա հանրապետությունը և, միևնույն ժամանակ, այդ տարիների աշխարհի ու Եվրոպայի ամենաուժեղ հավաքականներից մեկը: Պետությունը փլուզվեց, աշխարհը դարձավ ավելի քաղաքակիրթ, բայց Խորվաթիան ու Սերբիան շարունակում են «թարախ շնչել» միմյանց հանդեպ: 1999-ին կայացած Հարավսլավիա – Խորվաթիա խաղի ընթացքում տեղի ունեցավ մասսայական ծեծկռտուք, 2012 թվականին սերբական «ուլտրասները» «Կոսովոն Սերբիա է» կոչերով անկարգություններ են արել Ճենովայում Իտալիայի հետ խաղի ժամանակ: Մունդիալ-2014-ի ընտրական խմբի Սերբիա – Խորվաթիա խաղը ընդհատվել է մի քանի անգամ:

Միացի՛ր հայկական ամենասպորտային Instagram-ին:

1 2 3

«Չելսիի» աստղը հնարավոր է հայտնվի «Միլանում»

Սանչոն ասել է՝ որ թիմին է երկրպագել մանուկ հասակում

Սուպերլիգային միացած անգլիական ակումբների պատիժը հայտնի է

Երկու ակումբ Աշրաֆի համար 60 միլիոն եվրո է առաջարկել

Անգլիական ակումբը Հալանդի տրանսֆերի համար պաշտոնապես կապ է հաստատել «Բորուսիայի» հետ

Բելգիայի հավաքականը հաղթեց աշխարհի փոխչեմպիոն Խորվաթիայի ընտրանուն (տեսանյութ)

Տուխելը նոր պայմանագիր ստորագրեց

Մեյսոն Մաունթ. ով է Լեմպարդի «բալիկը», որ դարձավ «Չելսիի» ամենաառանցքային ֆուտբոլիստը

«Բավարիան» պատրաստ է վաճառել Զյուլեի տրանսֆերը․ նրանով անգլիական ակումբ է հետաքրքրված

«Բարսելոնայի» խաղացողը խնդիր ունի Կումանի հետ ու ուզում է հեռանալ ակումբից

Հավաքականը դա արեց 11-րդ անընդմեջ խաղում, Յուրչենկոն գերազանցեց Մարկոսի ցուցանիշը

Հայաստանի հավաքականի նորեկ. «Առաջին անգամ էի խաղում նման անվանի ֆուտբոլիստների դեմ»

10 խաղ հավաքականի ղեկին․ Կապառոսի արդյունքը լավագույնն է ընտրանին գլխավորած մարզիչների շրջանում

Աբրամովիչը ցանկանում է, որ Լուկակուն վերադառնա «Չելսի»

Ռոման Բերեզովսկին ու Իվիցա Օլիչը՝ Խորվաթիա – Հայաստան հանդիպման ժամանակ (ֆոտո)

Կապառոս. «Առաջին հերթին գոհ եմ ֆուտբոլիստների նվիրվածությունից ու վարքագծից»