Պաուլո Դիբալայի բուժզննման արդյունքները

«Յուվենտուսը» հրապարակել է թիմի հարձակվող Պաուլո Դիբալայի բուժզննման արդյունքները: Արգենտինացին վնասվածք էր ստացել Ա սերիայի 17-րդ տուրում «Սասուոլոյի» դեմ կայացած խաղում (3-1):

Ֆուտբոլիստն ունի ձախ ծնկի վնասվածք: Վերականգնման համար կպահանջվի 15-20 օր:

Այդպիսով, Դիբալան, այդ թվում այլոց, բաց կթողնի Ա սերիայի 18-րդ տուրում կայանալիք «Ինտերի» դեմ մրցավեճը (հունվարի 17) և Իտալիայի սուպերգավաթի խաղարկությունում «Նապոլիի» դեմ առաջիկա հանդիպումը (հունվարի 20):

27-ամյա հարձակվողն Իտալիայի ընթացիկ առաջնությունում անցկացրել է 11 խաղ ու դարձել 2-ական գոլի և արդյունավետ փոխանցման հեղինակ:

«Յուվենտուսի» արդեն 3-րդ ֆուտբոլիստն է վարակվել կորոնավիրուսով

Միացի՛ր հայկական ամենասպորտային Instagram-ին: