Պետրոս Ավետիսյան․ «Հուսով եմ՝ «Նոայում» հաջող հանդես գալու դեպքում կրկին կհրավիրվեմ հավաքական»

Խաղի մանրամասները

տուր

01 Հունվար 1970 - 16:05

-

-

Կատարել Խաղադրույք

VBET Հայաստանի Պրեմիեր լիգայի գործող փոխչեմպիոն «Նոայի» մամուլի ծառայությունը գրում է․ ««Նոա»-ի նորեկ, հարձակողական ոճի կիսապաշտպան Պետրոս Ավետիսյանի առաջին հարցազրույցը ակումբի մամուլի ծառայությանը:

– Բարի գալուստ «Նոա», Պետրո՛ս: Ինչպե՞ս ստացվեց, որ տեղափոխվեցիր հենց այս ակումբում:

– Շնորհակալություն: Ղազախական «Տոբոլ»-ի հետ պայմանագրիս ժամկետի ավարտից հետո ունեի առաջարկներ թե՛ արտասահմանից, թե՛ հայկական ակումբներից: Դրսում չստացվեց, որոշ բաներ սպասելու պատճառով: Ինչպես գիտեք, «Տամբով»-ում էի, բայց էնտեղից հեռացա ինչ-ինչ պատճառներով… Հայաստանյան ակումբներից ունեի առաջարկներ, բայց ընտրեցի «Նոա»-ն, որովհետև հասկացա, որ ամենից շատը «Նոա»-ն է ուզում ինձ տեսնել իր թիմում: Անձամբ թիմի գլխավոր մարզիչը ինձ հետ կապ հաստատեց, խոսեցինք իր հետ և դրանից հետո որոշեցի տեղափոխվել հենց այս ակումբ: Մեծ ակնկալիքներով եմ միացել «Նոա»-ին, լավ տրամադրությամբ, և պետք է ամեն ինչ անեմ, որպեսզի օգնեմ թիմին կատարել իր առջև դրված խնդիրները:

– Մեկ տարվա դադարից հետո կրկին հանդես ես գալու Հայաստանի առաջնությունում: Վստահաբար՝ հետևել ես Հայաստանի Պրեմիեր լիգայի խաղերին, ինչպիսի՞ն է տպավորդությունդ ընթացիկ առաջնությունից:

– Կարող եմ ասել, որ անած մեկ տարվա ընթացքում Հայաստանի առաջնությունը աճ է արձանագրել, թիմերի միջև մրցակցությունը շատ մեծ է: Մրցաշարային աղյուսակին նայելով՝ 4-5 թիմ պայքարում է չեմպիոնության համար և չկա բացարձակ ֆավորիտ:

– Նման մրցակցությունը հաշվի առնելով, որքանո՞վ են իրագործելի նախորդ տարվա հաջողությունը կրկնելու և զարգացնելու՝ չեմպիոն հռչակվելու «Նոա»-ի հավակնությունները:

– Նայելով թիմի, և ոչ միայն թիմի, նաև ակումբի՝ մերսողից սկսած մինչև ղեկավարություն, տրամադրվածությանը, կարծում եմ՝ այո, լիովին արդարացված հավակնություններ են:

– Խաղալով «Նոա»-ի կազմում, հնարավո՞ր է կրկին հրավեր ստանաս հանդես գալ Հայաստանի ազգային հավաքականի կազմում:

– Կարծում եմ՝ այո, որովհետև Հայաստանի ազգային ընտրանու մարզիչը լինում է Հայաստանի առաջնության բոլոր հանդիպումներին, և, հույս ունեմ, որ «Նոա»-ում հաջող հանդես գալու դեպքում կհրավիրվեմ հավաքական նորից»:

Հավելենք, որ Դմիտրի Գունկոյի գլխավորած թիմը VBET Հայաստանի Պրեմիեր լիգայի ընթացիկ առաջնությունում անցկացրել է 12 խաղ, վաստակել 19 միավոր և եզրափակում է աղյուսակի ուժեղագույն հնգյակը:

Դավիդ Դավիդյանն ստացավ VBET Հայաստանի Պրեմիեր լիգայի աշնանային հատվածի լավագույն ֆուտբոլիստի մրցանակը (տեսանյութ)

Միացի՛ր հայկական ամենասպորտային Instagram-ին: