«Պետրոս Ավետիսյանի հետ հույսեր ենք կապում». Խուդյակով

Ռուսաստանի գավաթում «Լոկոմոտիվից» կրած պարտությունից (0:3) հետո «Տամբովի» մարզական տնօրեն Պավել Խուդյակովը խոսել է Հայաստանի հավաքականի թեկնածու Պետրոս Ավետիսյանի ապագայի մասին: Կիսապաշտպանը մարզվում է ռուսական թիմում, բայց դեռ պաշտոնապես տրանսֆերը չի կայացել:

«Հանդիպմանը չմասնակցեց Պետրոս Ավետիսյանը, որը «Փյունիկի» առաջատարներից մեկն է եղել: Նա կրեատիվ է, մեր թիմի ուժը հարձակման մեջ է: Պետրոսի հետ հույս ենք կապում արդեն «Ռոտորի» դեմ առաջիկա խաղում:

Խաղի հայտացուցակի մասին տեղեկությունը ստացել ենք, երբ արդեն ճանապարհին էինք: Գլխավոր մարզիչ Սերգեյ Պերվուշինը թիմի տակտիկան ընտրելու պահին հստակ չգիտեր, թե ովքեր կարող են խաղալ»,- Խուդյակովի խոսքերն է մեջբերում Matchtv.ru-ն:

Միացի՛ր հայկական ամենասպորտային Instagram-ին: