Պետրոս Ավետիսյանը չմնաց Ռուսաստանում

Խաղի մանրամասները

տուր

01 Հունվար 1970 - 15:45

-

-

Կատարել Խաղադրույք

Հայաստանի հավաքականի թեկնածու Պետրոս Ավետիսյանը չի խաղալու «Տամբովում»: VNews.am-ին հայտնի դարձավ, որ 25-ամյա ֆուտբոլիստը և ռուսական ակումբը պայմանագիր չեն ստորագրել:

Վերջին 2 շաբաթների ընթացքում կիսապաշտպանը մարզվում էր Ռուսաստանի Պրեմիեր լիգան ներկայացնող ակումբում: Երեկ Ռուսաստանում տրանսֆերային պատուհանի վերջին օրն էր, սակայն հայ ֆուտբոլիստը չկար «Տամբովի» նորեկների թվում: Ավետիսյանին կարող էին որպես ազատ գործակալ նաև հետո հայտավորել, սակայն մեր տեղեկությամբ նա արդեն լքել է թիմի ճամբարը:

3 օր առաջ «Տամբովի» մարզական տնօրեն Պավել Խուդյակովը հայտարարել էր, որ հույսեր է կապում 25-ամյա ֆուտբոլիստի հետ:

Ավետիսյանը 2020 թվականն անցկացրել է ղազախական «Տոբոլում», որի հետ դարձել է Ղազախստանի փոխչեմպիոն:

Միացի՛ր հայկական ամենասպորտային Instagram-ին: