«Պորտու» - «Յուվենտուս», «Սևիլիա» - «Բորուսիա» Դ. Դիմակայությունների կարևոր դեմքերը, դեպքերն ու թվերը - VNews
Բաժիններ

«Պորտու» – «Յուվենտուս», «Սևիլիա» – «Բորուսիա» Դ. Դիմակայությունների կարևոր դեմքերը, դեպքերն ու թվերը

Խաղի մանրամասները

Եվրոպա, ՈւԵՖԱ Չեմպիոնների Լիգա, Փլեյ-օֆֆ

17 Փետրվար 2021 - 00:00

2

Պորտու

1

Յուվենտուս

1 - 0 Մեհդի Թարեմի - 2`

2 - 0 Մուսա Մարեգա - 46`

2 - 1 Ֆեդերիկո Կիեզա - 82`

Չեմպիոնների լիգայի 1/8 եզրափակիչ հանդիպումների շարքը կշարունակեն «Պորտու» – «Յուվենտուս» և «Սևիլիա» – «Բորուսիա Դորտմունդ» դիմակայությունները: Առաջին հայացքից զույգերից գոնե մեկում կա ակնհայտ ֆավորիտ, մյուսում էլ թիմերի շանսերը գնահատվում են գրեթե հավասար: Սակայն իրականում ամեն ինչ չէ, որ այդքան ակնհայտ է: Առկա կադրային խնդիրները կարող են լրջորեն խառնել կողմերի խաղաքարտերը:

«Պորտու» – «Յուվենտուս»

«Յուվենտուսի» մարզավիճակին քիչ թե շատ ծանոթ ենք: Երևում է, որ Անդրեա Պիռլոն աշխատանք է կատարում, երկրպագուներն ու ղեկավարությունը նրան հավատում են, սակայն ելույթները հիմնականում անկայուն են: «Ծեր Սինյորան» կարող է այնպիսի վիճակում միավորներ կորցնել կամ առհասարակ պարտվել, որ տրամաբանության մեջ չի տեղավորվում: Չեմպիոնների լիգայի փլեյ-օֆֆի առաջին խաղից առաջ «Յուվեն» ունի կադրային խնդիրներ: Խաղը միանշանակ բաց կթողնեն Խուան Կուադրադոն և Արտուրը, որոնց կփոխարինեն Ռաբիոն ու Ալեքս Սանդրոն: Երկուսն էլ, թեպետ, ունեն համարժեք փոխարինողներ, սակայն աշխատող մեխանիզմում փոփոխությունները, երբեմն, հակառակ հետևանքների կարող են հանգեցնել:

Լավ լուրեր էլ կան լազարեթից: Վնասվածքից ապաքինվել է Պաոլո Դիբալան: Դեռևս փետրվարի 10-ից արգենտինացի փլեյմեյքերը մարզվում է թիմի հետ և/կամ անհատական ծրագրով, սակայն մինչև հիմա ոչ մի խաղի չի հայտավորվել: Հիվանդասենյակից դուրս է գրվել նաև Լեո Բոնուչին: Իտալական մամուլի տեղեկություններով՝ «Պորտուի» հետ խաղում դե Լիխտը կմնա պահեստայինների նստարանին:

«Պորտուի» խաղային խնդիրներն ավելի շատ են: Սովորաբար չեմպիոնության համար պայքարող թիմն այս տարի հազիվ հայտնի ներքին առաջնության ՉԼ ուղեգիր պարգևող եռյակում: Սերժիո Կոնսեյսաոյի թիմում չկա խաղային տոնուս, ինչի պատճառով չկան նաև հաղթանակներ: Որքան էլ զարմանալի է՝ կադրային խնդիրներ չկան: Հիմնական կազմի ֆուտբոլիստներ Մուհամեդ Մբայն ու Նանուն ապաքինվել են վնասվածքից, սակայն դաշտ դուրս չեն գա: Ուշադրություն կդարձնեք Ֆրանսիշկու Կոնսեյսաոյի վրա, որը գլխավոր մարզչի որդին է և հայտավորվել է թիմում «Պորտու» B-ից:

Որոշ թվերի մասին.

  • «Պորտուն» չի ճաշակում հաղթանակի բերկրանքն արդեն 4 խաղ: Ընդ որում՝ գրեթե բոլոր դեպքերում թիմը հաղթանակը բաց է թողել խաղերի վերջնամասում:
  • «Վիշապները» տանը չեն պարտվում վերջին 13 տնային խաղերում՝ Չեմպիոնների լիգայի խմբային փուլի խաղերը ներառյալ:
  • «Յուվենտուսը» վերջին 8 խաղերից հաղթել է 6-ում և գրանցել է 1-ական ոչ-ոքի և պարտություն:
  • «Ծեր Սինյորան» նույն ցուցանիշն ունի նաև արտագնա խաղերում, բայց թիմի արտագնա վերջին թոփ 3 խաղերից 2-ում պարտվել են 0-ով:
  • Թիմերը իրար հետ մրցել են 4 անգամ. առաջին խաղում գրանցվել է գոլազուրկ ոչ-ոքի, հաջորդ 3-ում հաղթել են թուրինցիները:

«Սևիլիա» – «Բորուսիա» Դորտմունդ

Եթե հանդիպումը տեղի ունենար Եվրոպա լիգայի շրջանակում, արդեն հիմա վստահ կարելի էր ասել, որ «Սևիլիան» ոչ միայն դուրս կգար 1/4 եզրափակիչ, այլև աչքերը փակ կհաղթեր բոլորին բոլոր խաղերում: Սակայն Չեմպիոնների լիգան ու «Սևիլիան» այնքան էլ լավ հարաբերությունների մեջ չեն. անդալուսական թիմը ընդամենը 1 անգամ է հաղթահարել փլեյ-օֆֆի առաջին արգելքը: «Բորուսիան» անհամեմատ ավելի լավ է խաղում ՉԼ-ում, պատմությունը կփաստի: Սակայն դաշտում խաղում են ոչ թե պատությունն ու թվերը, այլ ֆուտբոլիստները:

«Սևիլիան» ո՛չ խաղային, ո՛չ հոգեբանական, ո՛չ էլ կադրային խնդիր, որպես այդպիսին, չունի: Խուլեն Լոպետեգիի թիմն այս տարի հիանալի է խաղում՝ ներքին ասպարեզում ոտք գցելով սարսափելի «Ռեալի» ու «Բարսելոնայի» հետ: Եթե ամեն ինչ այսպես շարունակվի, իսպանական ֆուտբոլի դրոշակակիրներն առաջնությունը կավարտեն ոչ միայն «Ատլետիկոյի», այլև անդալուսական թիմի հետևում: Լոպետեգին չի կարողանա հույս դնել Լուկաս Օկամպոսի ու Մարկոս Ակունյայի վրա. սարսափելի ոչինչ չկա, բայց նրանք անհատ կատարող են, որոնք պետք կգան ցանկացած բարդ պահի: Վնասվածից ապաքինվել է Խեսուս Նավասը, լավ մարզավիճակում է Յուսեֆ Էն-Նեսերին. թիմը պատրաստ է հերթական բոմբ պերֆոմանսին:

Դորտմունդում դեկտեմբերին որոշեցին հանել Լյուսյեն Ֆավրին՝ մտածելով, որ թիմի անհաջող ելույթների շարքի պատճառը նա է, սակայն նրան փոխարինած Էդին Տերզիչը ոչինչ չփոխեց. Բունդեսլիգայում «Բորուսիան» այս պահին 6-րդն է և թիմն ավելի մոտ է ավելի խորը անդունդում հայտնվելուն, քան լավագույն եռյակին: Առաջատարներից «մեղուները» հետ են 6, իսկ 9-րդ տեղից առաջ են միայն 3 միավորով: Իհարկե, խանգարում են վնասվածքները: Տերզիչը զրկված է ծերուկներ Պիշչեկից ու Շմելցերից (այո, նրանք դեռ խաղում են), Վիտցելից, Զագադուից, Ռոման Բյորկիից ու Տորգան Ազարից: Վնասվածքների համաճարակին գումարած Թոմաս Դիլեյնին թիմի հետ չի մեկնել Իսպանիա. «ծնվելու ճանապարհին» է նրա առաջնեկը: Բայց ֆուտբոլիստը խոստացել է, որ անգամ 1% հնարավորության դեպքում կմիանա թիմին Անդալուսիայում:

Թիվ-թվաբանության մասին

  • «Սևիլիան» վերջին 6 խաղերից 5-ում տարել է վստահ հաղթանակներ և կրել է միայն 1 պարտություն, այն էլ առաջատար «Ատլետիկոյից». ամոթ բան չկա:
  • Յուսեֆ Էն-Նեսերին այս մրցաշրջանում խփել է 13 գնդակ, որոնցից 8-ը՝ 2021 թվականին:
  • «Սևիլիան» սեփական հարկի տակ անցկացրած վերջին 5 խաղում (2 ոչ-ոքի, 3 պարտություն) չի հաղթում ՈւԵՖԱ-ի 80+ գործակից ունեցող թիմերին:
  • Այդ 3 պարտություններից 2-ում առաջինը հաջողության հասել են անդալուսցիները:
  • Վերջին 6 խաղում «Բորուսիան» հաղթել է միայն 1, պարտվել 3 անգամ:
  • «Բորուսիան» եվրոպական թոփ 5 առաջնությունները ներկայացնող թիմերի հետ խաղում Դորտմունդը հաղթանակ չունի՝ 1 ոչ-ոքի, 2 պարտություն:

Գործակիցներ

VivaroBet-ը սահմանել է հետևյալ գործակիցները. «Պորտու»՝ 4,5 ոչ-ոքի՝ 3,27, «Յուվենտուս»՝ 2,03,

«Սևիլիա»՝ 2,39, ոչ-ոքի՝ 3,53, «Բորուսիա» Դ.՝ 3,17

Միացի՛ր հայկական ամենասպորտային Instagram-ին:


Էրիկ Բային, պատասխանելով Մեսի՞, թե՞ Ռոնալդու հարցին, ասել է՝ «Ռամոս»

Մեսին 2021 թվականի լավագույն ռմբարկուն է. նա շրջանցեց Լևանդովսկուն

Աբրամովիչը հսկայական գումար կծախսի. միայն մեկ տրանսֆերի հարցում են բոլոր համաձայն

«Հին դեմքեր, նոր թվեր». Չեմպիոնների լիգայի ռեկորդներ, որոնք կարող են գերազանցվել այս մրցաշրջանում

«Հալանդն ավելի լավ ֆուտբոլիստ է». Վան Բաստենի համարձակ հայտարարությունը

Ռոնալդուն և պատը. Կրիշտիանուի ձախողված տուգանային հարվածների շարքը շարունակվում է

«Յուվենտուսը» հաղթեց հետնապահին, Ռոնալդուն դուբլ ձևակերպեց գլխի հարվածով (տեսանյութ)

«Ռեալը» կծախսի 852 միլիոն եվրո, եթե ձեռք բերի և՛ Մբապեին, և՛ Հալանդին

Մորատան վարակված է տարօրինակ վիրուսով, որն իրեն թույլ չի տալիս խաղալ

4 ակումբ սկսել է բանակցել Ագուերոյի հետ

Հալանդը շատ խոշոր գումար է պահանջում՝ անգլիական գրանդ ակումբ տեղափոխվելու համար

Դորտմունդի «Բորուսիան» ջախջախեց «Շալկեին», Հալանդը՝ չքնաղ գոլի հեղինակ (տեսանյութ)

Էրլինգ Հալանդի գոլացոն (տեսանյութ)

Ե՛վ նորվեգացին, և՛ ֆրանսիացին. տասնամյակի ամենաշոկային ամառը «Ռեալի» համար

Գրանդներից մեկը մեծ առավելություն ունի Հալանդի համար պայքարում

Հայտնի է` որքան գումար է «Չելսին» առաջարկելու Հալանդի տրանսֆերի համար