Բաժիններ

ԼՐԱՑՈՒՑԻՉ

    • ՍՊՈՐՏ

3 տարօրինակ գեղանկար բաց կրծքերով…

eccde96b0a275fe59571d1278ba8e338 1 - 3 տարօրինակ գեղանկար բաց կրծքերով...

Կանացի կրծքերը բազմիցս իրենց տեղն են գտել գեղանկարչության մեջ, սակայն նկարիչներից ոմանք այն պատկերել են՝  ներկայացնելով տարօրինակ ու անսովոր տեսանկյունից: Vnews-ն առանձնացրել է կանացի կրծքեր պատկերող ամենաանհավանական գեղանկարները:

«Տիրամայրը մանկան հետ»

Ժան Ֆուքե

39124603 536501956784114 6141134506872012800 n - 3 տարօրինակ գեղանկար բաց կրծքերով...

Կտավը պատկանում է ֆրանսիական Վաղ Վերածննդի հիմնադիրներից մեկի՝ Ժան ֆուքեի վրձնին: Գեղանկարը նայելիս տպավորություն է ստեղծվում, թե այն կադր է ինչ-որ սարսափ  ֆիլմից կամ Մերլին Մենսոնի հերթական ձայնասկավառականերից մեկի նկարն է: Կտավում Աստվածամոր աջ կուրծքն ամբողջովին մերկ է, իսկ նորածինը կարծես ինչ-որ բան է մատնացույց անում:

Դժվար է պատկերացնել, որ կնոջ նախատիպը հանդիսացել է Ագնեսա Սորելը, որը ֆրանսիական Կարլ 7-րդ թագավորի ֆավորիտն էր, բացի այդ իր ժամանակների ամենահամարձակ և նորաձև կինն էր: Պալատում կինն իրեն դրսևորում էր որպես իսկական դեմոկրատ ու բարեփոխող: Նրան հաջողվեց չեղարկել այն օրենքը, որն արգելում էր հասարակ տիկնանց ադամանդներ կրել: Նրա շնորհիվ տարածում գտան մի կուրծքը բաց զգեստները, ինչն էլ պատկերված է կտավում:

Ագնեսան մեծ ազդեցություն ուներ նաև թագավորի քաղաքական որոշումների վրա: Տարօրինակ չէ, որ կինը մահացավ ընդամենը 28 տարեկան հասակում, շատերը կարծում են, որ նրան թունավորել են սնդիկով, մեկ այլ վարկած էլ վկայում է, որ կնոջ մահվան պատճառ է դարձել մեծաքական կոսմետիկ միջոցների կիրառությունը. բանն այն է, որ այդ տարրիներին կոսմետիկան այնքան էլ անվտանգ չէր և որոշակի քանակությամբ սնդիկ էր պարունակում:

«Մակ Սենեթի հիշատակին»

Ռենե Մագրիտ

94 4075.thumb  - 3 տարօրինակ գեղանկար բաց կրծքերով...

Բելգիացի սյուրռեալիստ նկարիչ Ռենե Մագրիտն հայտնի է իր վառ երևակայությամբ, սրամիտ և միաժամանակ խորհրդավոր նկարներով: Հենց նրա վրձնին է պատկանում այս մռայլ կտավը, որը միայնության ու տխրության զգացողություն է առաջացնում: Թեև հեղինակը նշել է, որ կտավը նվիրված է Մակ Սենեթի հիշատակին, այնուամենայնիվ, արվեստաբանները պնդում են, որ իրականում նկարը նվիրված է Ռենեի մահացած մորը: Ռեգինա Մագրիտն իր կյանքին վերջ է տվել ինքնասպանության միջոցով, նա նետվել է գետը, երբ Ռենեն ընդամենը 14 տարեկան էր: Նկարիչը հազվադեպ է խոսել մոր մասին, միշտ շրջանցել է այդ թեման, իսկ երբ չի հաջողվել խուսափել հարցերից պնդել է, որ մոր մահը ոչ մի ազդեցություն չի թողել իր հոգեբանության վրա: Սակայն նրա կտավներից շատերն են վկայում, որ նա չի ներել մոր այդ արարքն ու Ռեգինայի պատկերը բազմիցս իր արտացոլումն է գտել նկարչի գործերում:

Կտավում պատկերված գիշերազգեստը կարծես «հիշել է» Րեգինայի կրծքերի ձևն ու արտացոլել այն:

«Գաբրիել դ՛Էստրեն քրոջ հետ»

Անհայտ հեղինակ

1560959381 64757614 338561650148309 7027669667195912192 n 1 960x710 - 3 տարօրինակ գեղանկար բաց կրծքերով...

Անհայտ հեղինակի այս կտավում երիտասարդ կանայք լոգանք են ընդունում, նրանցից մեկը բռնել է մյուսի կրծքից: Հաշվի առնելով կանանց դեմքի արտահայտությունը, այդ փաստը նրանցից որևէ մեկին անակնկալի չի բերել: Ընդունված է համարել, որ կտավում պատկերաված է Հենրի IV-ի ֆավորիտը՝ Գաբրիել դ՛Էստրեն և նրա քույրը:

Կտավի պատմության մասին ամենահավանական վարկածը հետևյալն է. լեսբիական տեսարանները գեղանկարչության մեջ չափազանց պահանջված էին այդ տարիներին մասնավորապես հարուստ հետերոսեքսուալների կողմից: Այս բնույթի գեղանկար կարող էր պատվիրել ինչ-որ միջնադարյան իշխանավոր: Այսօր այս գեղանկարը ոչ մի էրոտիկ ասոցիացիաներ չի առաջացնում, սակայն ամեն ինչ այլ էր 14-րդ դարի փարիզյան իրականության մեջ. «Գաբրիել դ՛Էստրեն քրոջ հետ» կտավը հեշտությամբ կարող էր ծառայել, որպես ժամանակի պորնոգրաֆիա:

Ըստ որոշ տվյալների, Գաբրիել դ՛Էստրենին վաճառել էր իր սեփական մայրը, երբ աղջիկն ընդամենը 16 տարեկան էր: Գաբրիելն անասելի գեղեցիկ էր և Հենրի 3-ը նրան պաշտոնապես դարձրեց իր ֆավորիտը, սակայն աղջիկն այնքան էլ թագավորի սրտով չէր, քանի որ հիշեցնում էր Հենրիին իր կնոջը: Այդ իսկ պատճառով թագավորը աղջկան վարձակալությամբ հանձնում էր տարբեր պաշտոնատար տղամարդկանց: Այդպես էր ընթանում աղջկա կյանքը մինչև նրան չհանդիպեց ապագա թագավորը՝ Հենրի 4-ը, որը սիրահարվեց Գաբրիելին. նրանք 3 երեխա ունեցան:

Հենրին ամուսնացած էր, սակայն չէր սիրում կնոջն ու նրա հետ համատեղ երեխաներ չուներ: Մի շարք հետազոտողներ պնդում են, որ նկարում լավ լուր է թաքնված և այն վկայում է Հենրիի ամուսնալուծության և  հետագայում Գաբրիելի հետ ամուսնանալու մասին, հավանաբար հենց այդպես էլ կլիներ եթե 1599 թվականին կինը չմահանար ծննդաբերության ընթացքում:

 


Մեզ կարող եք հետևել նաև Telegram-ում
    • Ընթերցեք նաև

Թշվառ մարդկանց պատկերողը. Հակոբ Հակոբյանն այսօր կդառնար 99 տարեկան

  • 189

«Ներսումս ինչ կա, փորձում եմ արտահայտել լուսանկարներումս». Կարեն Խաչատուրով

  • 193

Թանգարանների միջազգային օր. վիրտուալ ճամփորդություն աշխարհի ամենագրավիչ թանգարաններով

  • 166

Պիկասոյի «Մերկ պառկած» կտավը Sotheby's-ում վաճառվել է 67.5 միլիոն դոլարով

  • 146

Մոնրոյի դիմանկարը 195 մլն դոլարով գնել է հայտնի արտ-դիլեր Լարի Գագոսյանը

  • 158

Սարյանին սպասում էր մի տխուր հաղորդագրություն. «Բոլոր կտավներն այրվել են շոգենավի նավամբարում»...

  • 198

Գերիրական. Տիգրան Ձիթողցյանը հրապարակել է իր նոր աշխատանքը

  • 193

3D վիրտուալ շրջայց թանգարաններով՝ Մետրոպոլիտենից մինչև Դալի ու Վան Գոգ

  • 199

Մութ երկնքի կարևորությունն ու գեղեցկությունը՝ Յան Շայվի օբյեկտիվում

  • 168

Ֆանտաստիկ զգեստներ, որոնք միաձուլում են նորաձևության, արվեստի և քանդակի սահմանները . Guo Pei

  • 240

15 մլն ֆունտ․ Շոն Քոներիին պատկանած Պիկասոյի կտավը հանվել է աճուրդի

  • 169

Մահացել է «Աստղային պատերազմներ» ֆիլմի վիզուալ էֆեկտների նկարիչ Դեյվիդ Ջոնսը

  • 115

Ազնվական կանանց վերարտադրողը՝ Ֆրանց Քսավեր Վինտերհալտեր

  • 186

Ապրիլքսանյան բացահայտումը յուղանկարի տեսքով

  • 185

«Կյանքս նման է անհանգիստ ծովի, որն ալեկոծվում է տխրությունից ու վշտից»… Արշիլ Գորկու ծննդյան օրն է

  • 284

Ռուսական պետական թանգարանը կվերականգնի Այվազովսկու կտավը

  • 145