Բաժիններ

ԼՐԱՑՈՒՑԻՉ

Արսեն Հարությունյան. «Ինձանից ինչ պահանջվում է արել եմ, որպեսզի այդ օրը ու այդ ժամին ամեն ինչ լավ լինի»

Untitled 1as22asd23sas - Արսեն Հարությունյան. «Ինձանից ինչ պահանջվում է արել եմ, որպեսզի այդ օրը ու այդ ժամին ամեն ինչ լավ լինի»

Ազատ ոճի Հայաստանի հավաքականի անդամ Արսեն Հարությունյանը ստիպեց իր մասին խոսել 2019-ին, երբ մեծահասակների գորգում իր նորամուտի մրցաշարում դարձավ Եվրոպայի չեմպիոն 19 տարեկանում՝ հաղթելով եզրափակիչում 0:8 հաշվով պարտվելուց հետո: Այնուհետև, երիտասարդ ըմբիշը ունեցավ վնասվածքներ ու անհաջող շրջան, սակայն 2020-ին նորից ի ցույց դրեց իր տաղանդը՝ դառնալով Եվրոպայի առաջնության բրոնզե մեդալակիր: Հետո Արսենը դարձավ ավելի լավը, կատարեց սխալների ուղղում, աշխարհի գավաթում նվաճեց արծաթե մեդալ, իսկ եվրոպական վարկանիշային մրցաշարում հավասարը չունեցավ:

Հարությունյանը դեռ 2019-ին մեզ պատմել էր ըմբշամարտում առաջին քայլերի, պատանիների ու երիտասարդների գորգում ունեցած հաջողությունների, մեծահասակների պայքարում սենսացիոն նորամուտի մասին, հիմա VNews.am-ին 21-ամյա ըմբիշը պատմեց, թե ինչ տրամադրվածությամբ է մեկնելու Տոկիոյի Օլիմպիական խաղերին:

Արսեն, վերջին անգամ մեծահասակների գորգում Ձեր նորամուտի մրցաշարում՝ Եվրոպայի առաջնությունում, մեծ սենսացիայի հեղինակ դարձաք՝ դառնալով հաղթող: Առջևում Ձեր առաջին Օլիմպիական խաղերն են, ի՞նչ ակնկալենք Ձեզանից:

Ես հավատում եմ, որ ամեն ինչ լավ է լինելու, քանի որ ինձանից ինչ պահանջվում է, ես կատարել եմ գորգում, որպեսզի այդ օրը ու այդ ժամին ամեն ինչ լավ լինի: Իմ առաջին Օլիմպիական խաղերն են լինելու ու 5 տարի շարունակ ես մտածել եմ այս Օլիմպիական խաղերի մասին: Մտածել եմ ու պատկերացրել, թե ինչպես եմ բարձրանալու գորգ, ինչպես եմ գոտեմարտելու ու հոգեբանորեն պատրաստ եմ:

Ի՞նչ են Ձեզ համար Օլիմպիական խաղերը:

Ինձ համար մեծ նպատակ է, որ դրել եմ ինքս իմ առջև ու պետք է հասնեմ դրան:

Ինչպե՞ս եք նախապատրաստվել:

Շատ լավ եմ նախապատրաստվել, շատ լավ ուսումնամարզական հավաքներ ենք անցկացրել: Կատարել եմ մարզիչների բոլոր առաջադրանքները ու հիմա ինձ լավ եմ զգում: Հավատում եմ, որ լավ է լինելու: Ամենակարևորը՝ հավատքն է:

arsen harutyunyan 21 960x708 - Արսեն Հարությունյան. «Ինձանից ինչ պահանջվում է արել եմ, որպեսզի այդ օրը ու այդ ժամին ամեն ինչ լավ լինի»

Ինչպե՞ս տրվեց Օլիմպիական խաղերի ուղեգիրը: Ի՞նչ ճանապարհ անցաք:

Չեմ կարող ասել, որ հեշտ է տրվել: Բոլոր գոտեմարտերն էլ բարդ են եղել: Հիմա նույն ճանապարհը պետք է անցնեմ Օլիմպիական խաղերում:

Երբ 2019-ին դարձաք Եվրոպայի չեմպիոն, հարցազրույց ունեցանք, որի ժամանակ Օլիմպիական ուղեգիրը շատ մշուշոտ էր կարծես թվում Ձեզ համար: Արդյո՞ք հավատում էիք, որ կստացվի մասնակցել Օլիմպիական խաղերին:

Հիշում եմ, որ առաջին անգամ հանդիպեցինք, մեր մարզադահլիճում էինք (Օլիմպիական հերթափոխի քոլեջ-խմբ): Ես հավատում էի իմ մեջ, որ տացվելու է, գիտեի, որ մասնակցելու եմ այս Օլիմպիական խաղերին: Իմ մեջ էներգիան մեծ է, շատ եմ ցանկանում մասնակցել, ուզում եմ, որ այդ ժամանակը շուտ գա, որպեսզի շուտ գորգ մտնեմ ու գոտեմարտեմ: Կարոտել եմ:

Արսեն, Դուք Ձեր հարցազրույցներում նշում եք, որ մրցման օրը նշանակություն չունեն մրցակցի տիտղոսները: Ի՞նչ չափաբաժնով է մարզական բախտը Ձեր կարիերայում:

Ես չեմ հավատում մարզական բախտ ասվածին: Ես հավատում եմ իմ ուժերին: Եթե ես լավ եմ պատրաստվել ու լավ եմ մարզվել այստեղ, եթե ես շրջվում եմ ու տեսնում իմ անցած ճանապարհը, այսինքն՝ տեսնում եմ հենարան հաջողության համար, դա է ինձ համար մարզական բախտը: Ես ճանապարհ եմ անցել հանուն մարզիչներիս, ընկերներիս ու հայ ազգի, որպեսզի կարողանամ հաղթել: Եթե չլինի ճանապարհ, չեն լինի նաև հաջողություններ:

Այդ 5 տարվա ընթացքում ինչպե՞ս եք բարելավել որպես ըմբիշ: Ի՞նչ սխալների ուղղում եք կատարել:

5 տարվա ընթացքում ավելի ուժեղացել եմ, իմ մեջ շատ բան է փոխվել. գոտեմարտերի վարելու ոճը: Հիմա մեծահասակների գորգում ճիշտ մարտ եմ վարում:

Arsen Harutyunyan European bronze medalist1 960x602 - Արսեն Հարությունյան. «Ինձանից ինչ պահանջվում է արել եմ, որպեսզի այդ օրը ու այդ ժամին ամեն ինչ լավ լինի»

Վստահ եմ, որ Ձեր ավագ ընկերների ու մարզիչների հետ շատ եք զրուցել Օլիմպիական խաղերի մասին: Ո՞րն է եղել լավագույն խորհուրդը, որ ստացել եք:

Շատ խորհուրդներ են տվել ու լավագույն խորհուդներից մեկը եղել է, որ պետք է Օլիմպիական խաղերում շատ հանգիստ լինես: Ամենակարևորը ներքին հանգստությունն է ու ներվերը, որպեսզի կարողանաս կառավարել դրանք գորգում: Օլիմպիական խաղերը տեղի են ունենում 4 տարին մեկ անգամ, ու ամեն մարդ չէ, որ կարող է մասնակցել և հաղթել: Կարող ես լինել աշխարհի եռակի չեմպիոն, բայց չկարողանալ հաղթել, նույնիսկ մեկ գոտեմարտ: Այդ պատճառով Օլիմպիական խաղերում պետք է հանգիստ լինես:

Մեր ընտրանին

Կա՞ն մարզիկներ, որոնց ցանկանում եք հանդիպել Տոկիոյում կամ նրանց եք երկրպագելու Օլիմպիական խաղերում:

Մեր հայ մարզիկներից բոլորի ելույթներին ցանկանում եմ հետևել: Պետք է ամեն ինչ անենք, որպեսզի մեր եռագույնը շատ ծածանվի Տոկիոյում:

Միացի՛ր հայկական ամենասպորտային Instagram-ին:


    • Ընթերցեք նաև

Ըմբշամարտի Հայաստանի հավաքականների՝ տարվա ամենամասշտաբային հավաքը

  • 247

Ըմբշամարտի Հայաստանի հավաքականների՝ տարվա ամենամասշտաբային հավաքը

  • 221

Հունահռոմեական ոճի ըմբշամարտի 2021 թվականի Հայաստանի չեմպիոնները

  • 639

Հունահռոմեական ոճի ըմբշամարտի Հայաստանի առաջնության մրցավայրը փոխվել է

  • 134

Ազատ ոճի ըմբշամարտի Հայաստանի առաջնության հաղթողները

  • 953

Հայաստանի 10 լավագույն մարզիկները 2021 թվականին

  • 3063

Դեկտեմբերի 21-ին հայտնի կդառնան «Տարվա 10 լավագույն մարզիկներ» մրցույթի հաղթողները

  • 238

Կառավարությունը հաստատել է «Տարվա 10 լավագույն մարզիկներ» մրցույթի մրցանակային հիմնադրամը

  • 156

Մալխաս Ամոյանն Ըմբշամարտի միջազգային ֆեդերացիայի 72 կգ քաշային կարգի առաջատարն է

  • 541

Ըմբշամարտի զինվորականների ԱԱ-ում Հայաստանի հավաքականն զբաղեցրեց 3-րդ տեղը

  • 464

Զինվորականների ըմբշամարտի ԱԱ-ում ՀՀ ներկայացուցիչները մեդալներ են նվաճել

  • 481

Արթուր Ալեքսանյանի անվան մանկապատանեկան դպրոցի շինաշխատանքները շարունակվում են

  • 268

Ըմբշամարտի Մ23 ԱԱ. Հայաստանի հավաքականի արդյունքները, թիմային հաշվարկը

  • 1644

Արսեն Հարությունյանը՝ ըմբշամարտի Աշխարհի Մ23 առաջնության հաղթող

  • 1758

Արսեն Հարությունյանը՝ ըմբշամարտի Աշխարհի Մ23 առաջնության հաղթող

  • 1765

Ըմբշամարտի Մ23 ԱԱ. Հայաստանն այսօր կպայքարի 4 մեդալի համար

  • 1076