Բաժիններ

ԼՐԱՑՈՒՑԻՉ

Քվենտին Տարանտինոն, Լեոնարդո Դի Կապրիոն, Բրեդ Փիթը՝ “Esquire”-ի հարցազրույցում

esq060119cover005 1558014802 - Քվենտին Տարանտինոն, Լեոնարդո Դի Կապրիոն, Բրեդ Փիթը՝ "Esquire"-ի հարցազրույցում

Երեկ՝ մայիսի 21-ին Կաննում տեղի ունեցավ Քվենտին Տարանտինոյի նոր՝ “Once Upon a Time in Hollywood” ֆիլմի պրեմիերան, որի ավարտն օծվեց 7 րոպեանոց օվացիայով:
Esquire ամսագրի խմբագրության գործադիր տնօրեն Մայքլ Հեյնին զրուցել է երեկոյի մեղավորների հետ:

Հեյնին ժպիտով է հիշում Տարանտինոյի խոսքերը:

«Լսի՛ր, մտքումս մի քանի հարց է ծագել, որոնք քեզ կհետաքրքրեն»,- ասել է Տարանտինոն և հավելել,-«Մի կարևոր բան պետք է խնդրեմ քեզ, Մայքլ: Չեմ ցանկանում, որ տպավորություն ստեղծվի, որ դու հարց ես տալիս»: 

Ինչպես Հեյնին է խստովանել, ստեղծվել էր այնպիսի տպավորություն, թե Տարանտինոն ուղղորդում է վերջինիս և հուշում, թե ինչպես պետք է նա ձևակերպի իր հարցերը:

Հեռախոսով խոսելիս էլ վարպետ Տարանտինոն հավելել է. «Այս ֆիլմը շատ նման է «Քրեական ընթերցվածքին» (“Pulp Fiction”)»: Մայքլը գլխի ընկավ, թե այս խոսքերն ինչ էին նշանակում: Հեղինակը խոսել է ոչ թե զգացմունքների, այլ ֆիլմի կառուցվածքի տեսանկյունից: Սա նշանակում է, որ ինչպես «Ոսկե Արմավենու» դափնեկիր «Քրեական ընթերցվածքը», այս գործը ևս կազմված է մի քանի կերպարներից և պատմություններից, որոնք չեն առնչվում մեկը մյուսի հետ:

«Այս ֆիլմը կարելի է ասել, որ իմ ամենաանձնական ֆիլմն է: Ես մտածում եմ դրա մասին ասես դրա հիմքում իմ հիշողություներն են: Ալֆոնսոն նկարագրում էր 1970 թ. Ռոման և Մեքսիկան, իսկ ես՝ 1969 թ. Լոս Անջելեսը: Այո՛, սա ես եմ, այդ տարին ձևավորեց ինձ, ես 6 տարեկան էի: Սա իմ աշխարհն է, սա իմ սիրային ուղերձն է Լոս Անջելեսին», – ասել է Տարանտինոն:

աաա 1 - Քվենտին Տարանտինոն, Լեոնարդո Դի Կապրիոն, Բրեդ Փիթը՝ "Esquire"-ի հարցազրույցում

Կարճ ներկայացնենք այս պատմությունը: Իրադարձությունները զարգանում են 1969 թ., երբ ոչ միայն Հոլիվուդի, այլև՝ ամբողջ Ամերիկայի համար շրջադարձային ժամանակներ էին: 1969 թ.«Ոսկե շրջանի» ավարտն է: Սիստեմը, որն ավելի քան 50 տարվա կյանք ուներ, փլուզվեց, քանի որ նոր սերունդը մերժում էր ավանդույթները: 1969 թ. ծնվեցին “Easy Rider“, “Midnight Cowboy” և “The Wild Bunch” ֆիլմերը: Գլխավոր հերոսը Ռիկ Դալթոնն է (Դի Կապրիո), որը ժամանակին հայտնի ու սիրված է եղել, սակայն այսօր նրան քչերն են հիշում: Նրա կողքին է նրա անբաժան ու հավատարիմ ընկեր և գործընկեր Քլիֆ Բութը, որին մարմնավորում է Բրեդ Փիթը: Ռիկի գործակալի դերում հանդես է գալիս լեգենդար Ալ Պաչինոն: Մարգո Ռոբին մարմնավարում է Շերոն Թեյթին, որը Ռոման Պոլանսկու կյանքի գլխավոր կինն է եղել: Պոլանսկուն, որը “Rosemary’s Baby” ֆիլմից հետո հանրաճանաչ դարձավ, մարմնավորում է Ռաֆալ Զավերուխան:

Քլիֆի, Դալթոնի և Թեյթի պատմությունները զարգանում են երեք օրվա, կամ ավելի ճիշտ կլինի ասել երեք գործողություններով, որոնցից մեկը տեղի է ունենում փետրվարի 8-ին, մյուսը՝ 9-ին, իսկ 3-րդն օգոստոսի 8-ին:

brad pitt quentin tarantino leonardo dicaprio esquire june 2019 03 960x622 - Քվենտին Տարանտինոն, Լեոնարդո Դի Կապրիոն, Բրեդ Փիթը՝ "Esquire"-ի հարցազրույցում

Ի դեպ Տարանտինոն 5 տարի աշխատել է սցենարի վրա: «Ես թույլ տվեցի, որ այն դառնա այն, ինչ ցանկանում է դառնալ: Երկար ժամանակ ես չէի ցանկանում ընդունել այդ սցենարը, բայց ի վերջո ես հանձնվեցի»,- ասել է Տարանտինոն:

Բրեդը և Լեոնարդոն միակ մարդիկ են, որոնք ծանոթ էին սցենարին:

«Սկզբից մինչև վերջ սցենարին ծանոթանալու համար ստիպված եղա գնալ Քվենթինի տան բակ», – ասել է Փիթը:

«Ես էլ եմ բակում նստել»,– հավելել է Դի Կապրիոն:

Իսկ այս համագործակցության ամենահաճելի կողմը ո՞րն է.

«Լավ, առաջին հերթին այն, որ Տարանտինոյի հետ էի աշխատելու և վստահ էի, որ իր հետ հրաշալի ժամանակ եմ անցկացնելու: Սա Հոլիվուդը պատվելու լավ հնարավորություն էր: Ես չեմ կարծում, որ կա այս տեսակ հոլիվուդյան ֆիլմ, նկատի ունեմ՝ ֆիլմ, որը նկարահանվել  է Հոլիվուդում և պատմում է Հոլիվուդի մասին, այսինքն՝ գործ, որի օգնությամբ խորասուզվում ես Հոլիվուդի առօրյայի մեջ, գլխավոր հերոսի և նրա գործընկերոջ կյանք ես մուտք գործում և ցույց տալիս այն, ինչն այն տարիներին կատարվել է: Թե՛ կինոյի պատմության, և թե՛ ամբողջ աշխարհի համար 1969 թ. շատ առատ էր: Ռիկն ու Քլիֆը հին սերունդի ներկայացուցիչներ են, սակայն միևնույն ժամանակ նրանք փորձում են ղեկավարել նոր աշխարհը: Ինձ դուր եկավ այն միտքը, որ մարմնավորելու էի մի կերպարի, որը փորձում է այս նոր կազմավորված իրականությունում իր համար հենակետ գտնել: Քվենտինին այնքան լավ հաջողվեց նկարագրել այդ տարի Ամերիկայում տիրող փոփոխությունները և իր հերոսների աչքերով պատմել այն մասին, թե ինչ էր կատարվում Հոլիվուդում:Հիշում եմ, երբ կարդացի սցենարը, այն միանգամից գերեց ինձ: Քվենտինի՝ կինեմատոգրաֆի պատմության վերաբերյալ գիտելիքները փոխանցվել էին իր հերոսներին, և դու գիտակցում ես, որ այն, ինչ նկարագրված է սցենարում, այնքան իրական է, այնքան պարզ»,-ասել է Դի Կապրիոն:

«Սա շատ խորը պատմություն է, անգամ չես էլ կարող հասկանալ, թե ինչքան խորն է այն: Նույնիսկ անունը՝ «Մեկ անգամ Հոլիվուդում»՝ Հոլիվուդի հարգանք է Հոլիվուդի հանդեպ», – ասել է Բրեդ Փիթը:

EsquireSummerPhoto2.w1200.h1500 960x1200 - Քվենտին Տարանտինոն, Լեոնարդո Դի Կապրիոն, Բրեդ Փիթը՝ "Esquire"-ի հարցազրույցում

«Իրականում պատմության մեջ հեքիաթի նշույլ կա, և այս տեսանկյունից անունը մաքսիմալ համապաստախանում է դրան:Միևնույն ժամանակ պատմության հիմքում նաև հիշողություններն են: Ես նկարագրում եմ մեր իրականության, մեր օրերի Հոլիվուդը, բայց միևնույն ժամանակ այն Հոլիվուդը, որը մտքումս է, իմ հիշողություններում: Ուրախ էի անվան ընտրության համար, սակայն մտավախություն ունեի, որ չեմ կարողանա այն ճիշտ օգտագործել և ծառայեցնել ֆիլմում տիրող մթնոլորտին: Վախենում էի, քանի որ հիշում եմ 2016 թ. էկրաններ բարձրացավ “Once Upon a Time in Venice”: Դիտեցի այն և ասեմ, որ վախենալու էր»,– անկեղծացել է Տարանտինոն:

Իսկ սցենարում ամենագրավիչն ի՞նչ է :

«Անկասկած հաճույք ստանալու հնարավորությունը, քանի որ Տարանտինոն զիլ գործերի վերջին մատակարարն է: Եթե նկարահանվում ես նրա ֆիլմում, վստահ ես, որ լավ ձեռքերում ես: Քվենտինը քեզ տալիս է այն խոսակցությունները, որոնք դու պտտել ես գլխումդ, և որոնց շուրջ դու մտածել ես օրվա ընթացքում: Այս ֆիլմը Քվենտինի ձայնի, ձեռագրի էվոլյուցիան է: Նկատի ունեմ, որ Քվենտինը ռեժիսոր է, որը մատուցում է ֆիլմեր, որոնք  զարգացման մեկ ուղղվածություն ունեն,  բայց ես այս ֆիլմում այլ բան եմ տեսնեւմ: Այս ֆիլմում նա միավորել է այն, ինչ կար նրա նախորդ 8 գործերում և ինչը մենք այդքան շատ սիրեցինք»,- ասել է Փիթը և հավելել, –«Իրականում զիլ ու բացառիկ հնարավորություն էր ինձ համար խաղալ Լեոյի հետ: Ամենակարևոր բանն այն է, որ մենք աճեցինք գլխավոր հերոսի և նրա ուղեկցի հետ:Այս հարաբերություններն ֆանտաստիկ են: Նկատի ունեմ՝ գործընկերների հարաբերությունները: Օրինակ Բերտ Ռեյնոլդսը և Հել Նիդեմը, Սթիվ Մաքքուինը և Բադ Էքինսը, Կուրթ Ռասելը և իր գործընկերը: Տասնամյակներ շարունակ այս տղաները միասին են աշխատել և դա չես համեմատի մեր սերնդի հետ»:

«Մենք բոլորս էլ 90-ականների երեխաներ ենք»,-ասել է Լեոն:

«Ինձ համար անբացատրելի հաճույք էր Քվենտինի հետ աշխատելը: Մեր մեջ երկխոսություն էր: Այս ոլորտում մենք բոլորս գրեթե միևնույն ժամանակ աճեցինք: Մենք խոսում ենք միևնույն լեզվով, և բոլորս էլ քաջատեղյակ ենք մեր հասարակության մեջ տեղի ունեցող մեծ և փոքր իրադարձություններից»,-ասել է Բրեդը:

Իսկ ի՞նչ փոփոխություններ կրեցին Բրեդի և Լեոյի կերպարները, ինչը գրված չէր սցենարում:

«Ամեն մեկը քիչ քիչ փոփոխություններ մտցրեցին իրենց կերպարներում: Բրեդն իհարկե արդեն տեղյակ էր տարբեր դերասանների և նրանց գործընկերների պատմություններից: Նա միանգամից բացականչեց. «Օ, ինչպես Սթիվ ՄաքՔուինը և Բադ Էքինսը»: Եվ սա նշանակում էր, որ նա տեղյակ է, որ Լեոն նրա ՄաքՔուինն է»,-ասել է Տարանտինոն:

brad pitt quentin tarantino leonardo dicaprio esquire june 2019 04 - Քվենտին Տարանտինոն, Լեոնարդո Դի Կապրիոն, Բրեդ Փիթը՝ "Esquire"-ի հարցազրույցում

Երբ խոսքը գնաց իրենց հերոսների և դերասանների ընդհանրությունների մասին, տղաները պատասխանեցին.

«Ես հետադարձ հայացք էի գցում իմ անցյալին, քանի որ ընդհանրությունները իմ և հերոսիս միջև ակնհայտ են: Օրինակ ֆիլմում Քլիֆն ապրում է մեծ կինոթատրոնի հարևանությամբ: Ես մեծացել եմ Միսսուրիում, և այնտեղ էլ մեր տնից մի քանի փողոց այն կողմ այդ տեսակ կինոթատրոն կար և մենք տղաներով հավաքվում էինք ընկերներիցս մեկի տանը, ու օգտվելով այն առիթից, որ նրա բակից տեսարան էր բացվում դեպի կինոթատրոնը, անդադար ֆիլմեր էինք դիտում:Շատ նմանություններ եմ տեսնում իմ և հերոսիս միջևև դա գալիս է Քվենտինի գրելաոճից: Իհարկե հերոսս տարիքով ավելի մեծ է,-ասել է Բրեդը:

«Ես այս ոլորտում եմ մեծացել և շատ դերասան ընկերներ ունեմ, որոնց 13 տարեկանից եմ ճանաչում: Ես տեսել եմ այն փորձությունները և անհաջողությունները, որոնց միջով նրանք անցել են: Պայքարի որոշ ձևեր կան, որոնք այնքան հարազատ են: Օրինակ, երբ փորձում ես գտնել ինքդ քեզ և փորձում ես հասնել հաջողության մի ոլորտում, որը մերժում է դերասանների 99 տոկոսին: Ես շատ ընկերներ ունեմ, որոնք այս իրավիճակում են հայտնվել: Նրանք բոլորն էլ սիրում են ֆիլմարտադրությունը, բայց նրանցից քչերն են իրենց ակումբի անդամ զգում: Իմ հերոսը՝ Ռիկն իր ողջ կյանքի ընթացքում ցանկացել է այդ ակումբի անդամը լինել, բայց նրան մերժում էին»,-ասել է Դի Կապրիոն:

Ամբողջական հարցազրույցը կարդացեք այստեղ:

Աղբյուր՝ esquire


    • Ընթերցեք նաև

Ի՞նչ դիտել տանը. Ջեյք Ջիլենհոլի մասնակցությամբ «Հոկտեմբերյան երկինք» կենսագրական դրաման

  • 308

Ի՞նչ դիտել տանը. Մեգ Ռայանի և Թոմ Հենքսի «Դուք նամակ ունեք» դրամեդին

  • 339

Օդեսայի միջազգային կինոփառատոն. Հայաստանը՝ ժյուրիի կազմում ու Կաննի մեծ ֆիլմերը

  • 165

Ի՞նչ դիտել տանը․ պատանի Մեթյու ՄքՔոնահիի, Բեն Աֆլեքի և Միլա Յովովիչի մասնակցությամբ «Շփոթմունքի և հաճույքի մեջ»-ը

  • 175

Ի՞նչ դիտել տանը. Աբդելատիֆ Քեշիշի կրքոտ, կիսամերկ ու ծովային «Մեկտուբ, իմ սեր. երգ առաջին»-ը

  • 604

Ի՞նչ դիտել տանը. Վուդի Ալենի կրքոտ, զվարճալի ու հմայիչ կարծրատիպերով լի «Վիքի Քրիսթինա Բարսելոնա»-ն

  • 252

Ի՞նչ դիտել տանը. Ինգմար Բերգմանի ամենաթեթև, ջերմ ու դյութիչ ֆիլմերից՝ «Ամառը Մոնիկայի հետ»

  • 243

Ի՞նչ դիտել տանը. 80-ականների իտալական ամառ տեղափոխող «Կանչիր ինձ քո անունով» մելոդրաման

  • 467

Ի՞նչ դիտել տանը. փայլուն դերասանական կազմով ու բրիտանա-իտալական էսթետիկայով օսկարակիր «Տեսարանով սենյակը»

  • 419

Ի՞նչ դիտել տանը. Բերնարդո Բերտոլուչիի հուզառատ, վայրենի ու կուսական «Խուսանավող գեղեցկությունը»

  • 577

Ի՞նչ դիտել տանը. Ալֆոնսո Կուարոնի «Քո մայրիկին նույնպես» զգացմունքային րոուդ-մուվին

  • 708

Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

  • 323

Ի՞նչ դիտել կինոթատրոններում. Էմմա Սթոունի «Քրուելա»-ն՝ Դիսնեյի ամենանորաձև punk-չարագործի կենսագրականը

  • 242

Հոբելյանական և քովիդյան. Կիևի միջազգային կինոփառատոն «Молодість»-ը՝ կինոքննադատ Դիանա Մարտիրոսյանի աչքերով

  • 215

Սոֆիա Կոպոլայի 10 սիրելի ֆիլմերը

  • 214

10 ամենաթանկ ֆիլմերը

  • 450