Պրեմիեր լիգայի 50 վատագույն տրանսֆերները՝ ըստ FourFourTwo-ի

FourFourTwo ամսագիրը ներկայացնել է անգլիական Պրեմիեր Լիգայի պատմության 50 վատագույն տրանսֆերները։ Հանդեսը դիտարկել է բոլոր այն ֆուտբոլիստների թեկնածությունը, որոնք առնվազն մեկ հանդիպում են անցկացրել ԱՊԼ-ում։

Ցուցակում տեղ են գտել այնպիսի հայտնի ֆուտբոլիստներ, ինչպիսիք են կոլումբացի հարձակվող Ռադամել Ֆալկաոն, դանիացի կիսապաշտպան Քրիստիան Պոուլսենը և աշխարհի չեմպիոն, բրազիլացի պաշտպան Ռոկե Ժունիորը։ Ցանկը ներկայացնելուց առաջ ամսագրի խմբագրությունը պարզաբանել է, որ նման հոդվածով չի ցանկացել վիրավորել ֆուտբոլիստներից որևէ մեկին։

«Սա ամենևին էլ չի նշանակում, որ նրանք եղել են վատ ֆուտբոլիստներ։ Պարզապես նրանք իրենց կարիերայի ինչ-որ անկումային ժամանակահատված են ունեցել, որը համընկել է ԱՊԼ-ում հանդես գալու տարիների հետ։ Ցուցակում կան լավ ֆուտբոլիստներ՝ կարիերայի անհաջող հատվածով հանդերձ, կամ էլ խաղացողներ, որոնք այդ ժամանակ իրենց լավագույն մարզավիճակում չէին տարիքի կամ վնասվածքների պատճառով», – ասված է ամսագրի խմբագրության հայտարարության մեջ։

Ցանկին ամբողջությամբ ծանոթանալու համար կարող եք անցնել այս հղմամբ։

Միացի՛ր հայկական ամենասպորտային Instagram-ին: