21-րդ դարի ՀՀ առաջնությունների ամենափորձառու ֆուտբոլիստները - VNews
Բաժիններ

21-րդ դարի ՀՀ առաջնությունների ամենափորձառու ֆուտբոլիստները

VNews.am-ը նախորդ հրապարակումներում ներկայացրել էր 21-րդ դարում պաշտոնական մրցումներում, ինչպես նաև ՀՀ առաջնություններում խփած գոլերի քանակով հայկական ֆուտբոլի լավագույն ռմբարկուներին:

Այսօր կանդրադառնանք այն ֆուտբոլիստներին, որոնք 21-րդ դարում անցկացված ՀՀ առաջնություններում առավել շատ հանդիպումներ են անցկացրել: Մինչ այդ նշենք, որ VBET Հայաստանի Պրեմիեր լիգայի ընթացիկ առաջնությունը 21-րդ դարում անցկացվող 20-րդ մրցաշարն է:

Եվ այսպես, 21-րդ դարի ՀՀ առաջնությունների ամենափորձառու ֆուտբոլիստը Գյումրիի «Շիրակի» նախկին ավագ, ներկայումս հարազատ թիմը գլխավորող Տիգրան Դավթյանն է: Ֆուտբոլային երկարակեցությամբ աչքի ընկած Դավթյանը մասնակցել է 21-րդ դարում անցկացված առաջին 14 առաջնություններին, որոնցում ընդհանուր առմամբ 355 խաղ է անցկացրել: Նա իր ելույթներն ավարտել է 37 տարեկանում՝ 2014/15թթ. մրցաշրջանի ավարտից հետո:

Իր նախկին թիմակից, ՀՀ առաջնություններում անցկացրած խաղերի քանակով (461) ռեկորդակիր Հովհաննես Թահմազյանից հետո Տիգրան Դավթյանը Բարձրագույն խմբում 400 խաղի սահմանագիծը հատած միակ ֆուտբոլիստն է, որը մասնակցել է 409 հանդիպման:

Բարձրագույն խմբում Տիգրան Դավթյանը նորամուտը նշել է 20 տարեկանում Գյումրիի համանուն թիմում՝ 1999թ. մարտի 7-ին «Շիրակի» հետ կայացած առաջնության մեկնարկային խաղում (0-6) փոխարինման դուրս գալով ընդմիջումից անմիջապես հետո: Նա թիմի հիմնական խաղացողներից մեկն էր՝ մասնակցելով կայացած 33 հանդիպումներից 30-ին:

Հաջորդ տարի Դավթյանին հրավիրեցին «Շիրակ», որի կազմում որոշ ընդմիջումներով նա հանդես է եկել 11 մրցաշրջան՝ հարազատ թիմում անցկացնելով 285 խաղ, խփելով 43 գոլ:

Առաջնության «ամենահայկական» թիմը թարմացրեց իր հակառեկորդը․ «Շիրակի» ելույթների ամփոփումը՝ 10 փաստով

2004թ. մրցաշրջանի ավարտից հետո նա հեռացավ հարազատ թիմից՝ բախտ որոնելով «Միկայում»: 2005-2007թթ. միկացիների կազմում անցկացրած 3 մրցաշրջանները բավական հաջող էին Տիգրան Դավթյանի համար: Նա թիմի կազմում դարձավ կրկնակի գավաթակիր, սուպերգավաթակիր, 2 անգամ արժանացավ բրոնզե մեդալի: 3 տարում Տիգրանը ՀՀ առաջնություններում «Միկայում» անցկացրեց 79 խաղ, խփեց 9 գնդակ: 2008թ. նա հանդես եկավ «Ուլիսում»՝ 15 խաղում խփելով մեկ գոլ, որից հետո վերադարձավ հարազատ կոլեկտիվ:

21-րդ դարի ՀՀ առաջնությունների ամենափորձառու ֆուտբոլիստների ցանկում 2-րդ հորիզոնականում Նորայր Գրիգորյանն է, որն իր 319 հանդիպումներն էլ անցկացրել է այս հարյուրամյակում՝ 15 մրցաշրջան հանդես գալով Բարձրագույն խմբում: Ֆուտբոլային կարիերան նա սկսել է 2001թ. Աբովյանի «Կոտայքում», որտեղ հանդես է եկել մինչև 2005թ.՝ անցկացնելով 89 խաղ:

«Կոտայքի» լուծարումից հետո Նորայր Գրիգորյանը 2006թ. նորամուտը նշեց Կապանի «Գանձասարում», որից հետո 3 մրցաշրջան (2008-2010թթ.) անցկացրեց «Ուլիսում»: 2011թ. փորձառու պաշտպանը վերադարձավ «Գանձասար»: 2012/13թթ. մրցաշրջանը Գրիգորյանը դիմավորեց «Ուլիսում», իսկ ավարտեց «Արարատում»:

Նորայր Գրիգորյանի համար «Արարատում» անցկացրած խաղերից անշուշտ հիշարժան է 2013թ. օգոստոսի 31-ին «Գանձասարի» հետ կայացած հանդիպումը: Այդ խաղում նա ոչ միայն բացեց գոլերի հաշիվն արարատցիների կազմում, այլև դարձավ Բարձրագույն խմբում «Արարատի» խփած հոբելյանական՝ 1000-րդ գոլի հեղինակը:

2014/15թթ. մրցաշրջանում Գրիգորյանը հանդես եկավ «Բանանցում», որից հետո վերադարձավ «Արարատ», որի կազմում էլ 2016/17թթ. առաջնությունում ավարտեց ելույթները Բարձրագույն խմբում:

21-րդ դարի ՀՀ առաջնությունների ամենափորձառու ֆուտբոլիստների եռյակը 306 խաղով եզրափակում է Գևորգ Կասպարովը: Բարձրագույն խմբում ռեկորդային թվով՝ 22 մրցաշրջան անցկացրած, ՀՀ առաջնությունների պատմության ամենատարեց դարպասապահը կարող էր դառնալ 21-րդ դարում կայացած Հայաստանի բոլոր 20 առաջնությունների միակ մասնակիցն ու ամենաշատ հանդիպումներ անցկացրած ֆուտբոլիստը:

Գևորգ Կասպարովի պատմական նվաճումը. Նա Հայաստանի առաջնությունների ամենատարեց դարպասապահն է

Սակայն Կասպարովը չմասնակցեց 2003 և 2007թթ. առաջնություններին՝ հանդես գալով Իրանում, հետագա մի քանի տարիներին էլ ընդամենը կես մրցաշրջան անցկացնելով Հայաստանում՝ համատեղելով իրանյան մրցելույթները Բարձրագույն խմբում հանդիպումների հետ:

Գևորգ Կասպարովը պրոֆեսիոնալ ֆուտբոլում է արդեն 24 տարի: Նա ֆուտբոլային կարիերան սկսել է դարպասապահի համար բավական վաղ տարիքում՝ 1997թ. 17 տարեկանում պաշտպանելով Բարձրագույն խմբում հանդես եկող Արտաշատի «Դվինի» դարպասը: Հետագա տարիներին Կասպարովը կրել է «Ղարաբաղի» (1999թ.), «Զվարթնոցի» (2000-2002թթ.), «Միկայի» (2004, 2010-2014/15թթ.), «Փյունիկի» (2005-2006թթ.), «Ուլիսի» (2008-2009թթ.), «Ալաշկերտի» (2015/16-2016/17թթ.) և «Գանձասար-Կապանի» (2017/18-2019/20թթ.) մարզաշապիկները, իսկ ընթացիկ առաջնության աշնանային հատվածում ստանձնել էր Բարձրագույն խմբում իր 9-րդ ակումբի՝ «Շիրակի» դարպասի պաշտպանությունը:

Ֆուտբոլային հարուստ կարիերայում Գևորգ Կասպարովն արժանացել է 9 տիտղոսի: Նա Հայաստանի քառակի չեմպիոն է, կրկնակի գավաթակիր ու եռակի սուպերգավաթակիր:

21-րդ դարի ՀՀ առաջնությունների ամենափորձառու ֆուտբոլիստներից 6-ն ընթացիկ առաջնության մասնակիցներ են: Բացի Կասպարովից, մնացած 5-ը ֆուտբոլային կարիերան սկսել են 21-րդ դարում: Նրանցից առավել շատ խաղեր է անցկացրել «Ալաշկերտի» ավագ Արտակ Գրիգորյանը (299): Եթե նա հաջորդ տարի էլ շարունակի ելույթները, ապա տարեվերջին կարող է գերազանցել Տիգրան Դավթյանի ցուցանիշն ու դառնալ 21-րդ դարի ՀՀ առաջնությունների ամենափորձառու ֆուտբոլիստը:

Հետաքրքիր է, որ ստորև ներկայացվող ցանկում է նաև ՀՀ առաջնություններում անցկացրած խաղերի քանակով ռեկորդակիր Հովհաննես Թահմազյանը: Հայաստանի առաջին 20 առաջնությունների (1992-2011թթ.) միակ անփոփոխ մասնակիցը 461 հանդիպումներից 213-ն անցկացրել է 20-րդ դարում: Թահմազյանն ընդամենը մեկ խաղով է զիջում 20-րդ դարի ՀՀ առաջնությունների ամենափորձառու ֆուտբոլիստ, իր նախկին թիմակից Արթուր Պետրոսյանին: 212 խաղով եռյակը եզրափակում է Գրիգոր Մկրտչյանը:

Հավաքականում նորամուտի թանկ գինը․ Ինչպես «կյանքի խաղը» վերափոխեց հայ դարպասապահի կարիերան

VNews.am-ը ներկայացնում է 21-րդ դարի ՀՀ առաջնությունների ամենափորձառու ֆուտբոլիստների ցանկը:

Ֆուտբոլիստներ Խաղ
1. Տիգրան Դավթյան 355
2. Նորայր Գրիգորյան 319
3. Գևորգ Կասպարով 306
4. Արամ Բարեղամյան 304
5. Արտակ Գրիգորյան 299
6. Արտյոմ Ադամյան 295
7. Գևորգ Նռանյան 292
8. Արմեն Պետրոսյան 289
9. Սամվել Մելքոնյան 282
10. Կարեն Ալեքսանյան 275
11. Անդրանիկ Բարիկյան 274
12. Արա Խաչատրյան 271
13. Գագիկ Դաղբաշյան 271
14. Վահագն Մինասյան 270
15. Արսեն Բալաբեկյան 267
16. Դավիթ Գրիգորյան 266
17. Արթուր Յուսպաշյան 264
18. Հրայր Մկոյան 260
19. Գևորգ Պողոսյան 253
20. Արարատ Առաքելյան 252
21. Գևորգ Հովհաննիսյան 252
22. Հովհաննես Թահմազյան 248
23. Արտակ Եդիգարյան 247
24. Աղվան Մկրտչյան 238
25. Հրաչյա Միքայելյան 238
26. Արմեն Տատինցյան 238

Միացի՛ր հայկական ամենասպորտային Instagram-ին:


Գոլառատ և դրամատիկ խաղ «Շիրակի» ու «Արարատ-Արմենիայի» միջև (տեսանյութ)

«Շիրակ» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

Ալեքսանդր Գրիգորյան. «Տանտեր թիմի մարտավարությունն աշխատեց» (տեսանյութ)

Արթուր Ասոյան. «Երկար սպասված հաղթանակ էր» (տեսանյութ)

Ֆիլիպ Կուկուլիչիչը՝ «Լոռիի» ֆուտբոլիստ

Վահագն Այվազյան․ «Գոլս նվիրում եմ հանուն հայրենիքի իր կյանքը զոհած Սիմոն Իսրայելյանի հիշատակին» (տեսանյութ)

«Վանը» նոյեմբերից ի վեր առաջին հաղթանակը տոնեց VBET Պրեմիեր լիգայում (տեսանյութ)

«Վան» – «Ուրարտու»․ Մեկնարկային կազմեր, ուղիղ հեռարձակում (տեսանյութ)

Աբրահամ Խաշմանյան. «Այսօր մի քիչ ավելի ծանր էինք, ինչը տրամաբանական է» (տեսանյութ)

Եղիշե Մելիքյան. «Ոչ-ոքի արդյունքը երբեք չի կարող ինձ գոհացնել» (տեսանյութ)

Համառ և անզիջում պայքար, բայց խաղաղ ելք․ VNews-ի ֆոտոշարքը «Փյունիկ» – «Ալաշկերտ» հանդիպումից

«Արարատ-Արմենիան» նոր գլխավոր մարզիչ նշանակեց

«Արարատ-Արմենիայից» նշեցին Կամպանյայից բաժանվելու պատճառները

«Ալաշկերտը» ոչ-ոքի խաղաց «Փյունիկի» հետ և միավորներով հավասարվեց առաջատար «Արարատին» (տեսանյութ)

Բացառիկ. Ով է դառնալու «Արարատ-Արմենիայի» նոր գլխավոր մարզիչը

Դավիդ Կամպանյան հեռացավ «Արարատ-Արմենիայից»