21-րդ դարում հայկական ֆուտբոլի 20 ամենաարդյունավետ ֆուտբոլիստները - VNews
Բաժիններ

21-րդ դարում հայկական ֆուտբոլի 20 ամենաարդյունավետ ֆուտբոլիստները

Ո՞վ է 21-րդ դարում՝ 2001թ. հունվարի 1-ից մինչ օրս պաշտոնական մրցումներում խփած գոլերի քանակով հայկական ֆուտբոլի լավագույն ռմբարկուն: Կարծում եմ, որ ֆուտբոլասերներից շատերն առանց երկմտելու կնշեն Հենրիխ Մխիթարյանին: Եվ նրանք իրավացի կլինեն:

Անկախության շրջանի հայկական ֆուտբոլի աստղ Հենրիխ Մխիթարյանը, որն օրերս նշեց ծննդյան 32-ամյակը, կարծես ֆուտբոլային իր երկրորդ երիտասարդությունն է ապրում՝ հիանալի մրցաշրջան անցկացնելով իտալական «Ռոմայում»:

2006թ. պրոֆեսիոնալ ֆուտբոլում իր առաջին քայլերը «Փյունիկում» կատարած Մխիթարյանը 15 մրցաշրջանների ընթացքում պաշտոնական մրցումներում 218 գոլի հեղինակ է դարձել: Անկախության շրջանի հայկական ֆուտբոլի լավագույն ռմբարկուի տիտղոսին արժանանալու համար Մխիթարյանին անհրաժեշտ է ևս 19 գոլ խփել: Այդ դեպքում նա կգերազանցի Արսեն Ավետիսյանի արդյունավետության բացարձակ ռեկորդը: Ի դեպ, վերջինս իր գոլերի մեծամասնությունը խփել է 20-րդ դարում՝ ՀՀ առաջնություններում նորամուտը նշելով 1992թ:

«Հայաստանի հավաքականի լեգենդը». Մխիթարյանի կարիերան՝ 32 կետով

2009թ. հուլիսից Մխիթարյանի ֆուտբոլային կարիերան շարունակվեց արտերկրում: Այդ պահին Մխիթարյանի հաշվին «Փյունիկում» անցկացրած պաշտոնական 93 հանդիպումներում ընդամենը 36 գոլ էր գրանցված, որից 30-ը նա խփել էր ՀՀ առաջնություններում, 6-ը՝ Հայաստանի գավաթի մրցաշարում:

Արտերկրի 6 ակումբներում անցկացրած պաշտոնական 464 հանդիպումներում Մխիթարյանը 143 անգամ խոցել է մրցակիցների դարպասները: Հիշեցնենք նաև, որ Հենրիխը Հայաստանի ազգային (30 գոլ) և երիտասարդական (9 գոլ) հավաքականների լավագույն ռմբարկուն է:

2-րդ ցուցանիշն ունի ՀՀ հավաքականի բրազիլացի նախկին կիսապաշտպան Մարկոս Պիզելին, որը ևս ֆուտբոլային իր ողջ կարիերան անցկացրել է 21-րդ դարում: Նրա հաշվին 157 գոլ է գրանցված: Այդ գոլերից 86-ը Մարկոսը խփել է «Արարատում» և «Փյունիկում»  անցկացրած պաշտոնական մրցումներում: Արտերկրի ակումբներում էլ բրազիլացի ֆուտբոլիստն իրեն վատ չի դրսևորել՝ դառնալով 60 գոլի հեղինակ: 11 գնդակ էլ Մարկոսը խփել է ՀՀ ազգային հավաքականում:

Ովքեր են հայկական ֆուտբոլի ամենատիտղոսակիր ֆուտբոլիստները

21-րդ դարի լավագույն ռմբարկուների եռյակը 125 գնդակով եզրափակում է Արամ Հակոբյանը: Ի տարբերություն Մխիթարյանի և Մարկոսի, Արամը ֆուտբոլային կարիերան սկսել է 20-րդ դարի վերջին՝ դառնալով 21 գոլի հեղինակ:

Բացի Արամից, 21-րդ դարի ամենաարդյունավետ 20 ֆուտբոլիստներից ևս 8-ը՝ Արա Հակոբյանը, Արման Քարամյանը, Արտյոմ Ադամյանը, Արամ Ոսկանյանը, Արթուր Քոչարյանը, Անդրանիկ Բարիկյանը, Նշան Էրզրումյանը և Գալուստ Պետրոսյանը գոլերի հաշիվը բացել են 20-րդ դարի վերջին:

21-րդ դարի հայկական ֆուտբոլի լավագույն ռմբարկուների ցանկի գործող 4 ֆուտբոլիստներից միայն Միհրան Մանասյանն է ներկայումս հանդես գալիս Հայաստանում: Վերջերս նա իր մի խումբ խաղընկերների հետ հեռացել է «Վանից» և առայժմ տեղեկություն չկա, թե որտեղ է շարունակելու ֆուտբոլային կարիերան:

Գևորգ Ղազարյանն ընդգրկվեց 100 գոլի սահմանագիծը հատած ռմբարկուների ցանկում

Ընթացիկ առաջնության մասնակիցներից Բարձրագույն խմբում առավել շատ գոլ (82) խփած Մանասյանի հաշվին պաշտոնական մրցումներում 94 գոլ է գրանցված: Ցավալի կլինի, եթե 3 անգամ ՀՀ առաջնությունների լավագույն ռմբարկու ճանաչված Միհրան Մանասյանը չկարողանա հատել 100 գոլի սահմանագիծը, ինչը հաջողվել է 21-րդ դարի հայկական ֆուտբոլի լավագույն ռմբարկուներից 9-ին: Նրանցից վերջինը Գևորգ Ղազարյանն է, որը երանելի բարձունքը հաղթահարեց անցյալ տարվա նոյեմբերի 15-ին Վրաստանի հավաքականի հետ կայացած Ազգերի լիգայի մրցախաղում:

VNews.am-ը ներկայացնում է 21-րդ դարի հայկական ֆուտբոլի 20 լավագույն ռմբարկուների ցանկը: Հաշվի են առնված ՀՀ առաջնություններում (Ա), ՀՀ գավաթի մրցաշարերում (Գ), Հայաստանի Սուպերգավաթի հանդիպումներում (Ս), հայկական ակումբներում եվրագավաթների մրցաշարերում (Ե), ՀՀ ազգային (ԱՀ) և երիտասարդական (ԵՀ) հավաքականներում, «Համագործակցության գավաթի» խաղարկություններում (ԱՊՀ) և արտերկրի Բարձրագույն խմբի թիմերում (ԱԵ) պաշտոնական մրցումներում խփած գոլերը:

Ֆուտբոլիստներ Ա Գ Ս Ե ԱՀ ԵՀ ԱՊՀ ԱԵ ԸՆԴ
1.Հենրիխ Մխիթարյան 30 6 30 9 143 218
2.Մարկոս Պիզելի 75 8 1 2 11 60 157
3.Արամ Հակոբյան 93 24 4 1 1 2 125
4.Յուրա Մովսիսյան 14 109 123
5.Արա Հակոբյան 83 6 7 3 2 21 122
6.Ալեքսանդր Կարապետյան 6 104 110
7.Արման Քարամյան 57 15 3 4 1 21 101
8.Արտյոմ Ադամյան 85 14 1 1 101
9.Գևորգ Ղազարյան 49 7 1 2 14 5 22 100
10. Արամ Ոսկանյան 32 11 1 2 50 96
11. Արթուր Քոչարյան 67 8 19 94
12.Միհրան Մանասյան 82 10 1 1 94
13.Էդգար Մանուչարյան 56 4 3 9 1 2 15 90
14.Սամվել Մելքոնյան 67 17 1 2 87
15.Լևոն Պաչաջյան 61 5 1 2 2 1 1 13 86
16.Նարեկ Բեգլարյան 62 16 1 1 2 82
17.Անդրանիկ Բարիկյան 72 9 81
18.Նշան Էրզրումյան 66 8 2 1 1 78
19.Գալուստ Պետրոսյան 48 5 1 21 75
20.Նորայր Գյոզալյան 60 8 3 71

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Ֆոնսեկան պատասխանել է Մխիթարյանի ու Իբրահիմովիչի վերաբերյալ հարցին

Ինչպես էր Հենրիխը խաղում «Շախտյորում». ՈՒԵՖԱ-ի անդրադարձը (տեսանյութ)

Երկրպագուների վերադարձը և հերթական կարևոր խաղերը․ Ինչ է պետք իմանալ VBET ՀՊԼ 16-րդ տուրից առաջ

VBET Հայաստանի Պրեմիեր Լիգայի 18-րդ տուրի և VBET Հայաստանի գավաթի 1/4 եզրափակիչի առաջին խաղերի ժամանակացույցը

Պետրոս Ավետիսյանը՝ «Նոայի» ֆուտբոլիստ

«Լոռին» «Ալաշկերտին» տեխնիկական պարտություն գրանցելու կոչ է արել

Պետրոս Ավետիսյանը վերադառնում է Հայաստան. պայմանագիրն արդեն ստորագրված է

«Արարատը» կրկնեց «Արարատ-Արմենիայի» ռեկորդային շարքը, Խաշմանյանի հոբելյանական հաղթանակը

Աղվան Պապիկյան․ ով համոզեց վերադառնալ Հայաստան և ինչ ծրագրեր ունի Կապառոսի գլխավորությամբ

Հայտնի է «Ռոմայի» մրցակիցը ԵԼ 1/8 եզրափակիչում

«Ռոմայի» հավանական մրցակիցները՝ Եվրոպա լիգայի 1/8 եզրափակիչում

«Ռոմայի» պատմության նոր ռմբարկու՝ եվրագավաթներում. Տոտիի ռեկորդը գերազանցվեց

ԵԼ. «Ռոման», «Ման. Յունայթեդն» ու «Միլանը» 1/8 եզրափակիչում են, մյուս արդյունքները (տեսանյութ)

«Ռոմայի» մեկնարկային կազմը «Բրագայի» դեմ խաղում

«Գործի կեսը կամ պայքար հանուն հաջորդ փուլի». Եվրոպա լիգայի պատասխան խաղերն ու ֆավորիտների մարզավիճակը

«Արարատ» – «Արարատ-Արմենիա». Մեկնարկային կազմեր, ուղիղ եթեր