«Ռեալն» այդ ցուցանիշով առաջինը կդառնա Չեմպիոնների լիգայի պատմության մեջ

Խաղի մանրամասները

Եվրոպա, ՈւԵՖԱ Չեմպիոնների Լիգա, Փլեյ-օֆֆ

24 Փետրվար 2021 - 00:00

0

Ատալանտա

1

Ռեալ Մադրիդ

0 - 1 Ֆերլան Մենդի - 86`

Կարմիր Քարտ Ռեմո Ֆրոյլեր - 17`

Բերգամոյում փետրվարի 24-ին տեղի կունենա Չեմպիոնների լիգայի գավաթի խաղարկության 1/8 եզրափակիչ փուլում «Ատալանտայի» և Մադրիդի «Ռեալի» միջև առաջին հանդիպումը:

Ինչպես հաղորդում է Marca-ն, մադրիդյան ակումբի համար առաջիկա մրցավեճը կլինի հոբելյանական՝ 100-րդը եվրոպական ակումբային ամենահեղինակավոր մրցաշարի փլեյ-օֆֆում: «Ռեալը» կդառնա այդպիսի ցուցանիշի հասած առաջին ակումբը:

Մադրիդցիները 6 անգամ դարձել են Եվրոպական չեմպիոնների գավաթի հաղթող (ներկայիս Չեմպիոնների լիգա), ևս 7 անգամ նվաճել Չեմպիոնների լիգայի գավաթը: «Ռեալը» վերոնշյալ 13 տիտղոսով բացարձակ առաջատար է Եվրոպայի ակումբային չեմպիոն դառնալու ցուցանիշով: Մոտակա հետապնդողն իտալական «Միլանն» է, որը 7 այդպիսի հաղթանակ ունի (4՝ Եվրոպական չեմպիոնների գավաթում, 3՝ Չեմպիոնների լիգայում):

Զինեդին Զիդանի գլխավորած թիմը Չեմպիոնների լիգայի գավաթի ընթացիկ խաղարկության խմբային փուլի B խմբում զբաղեցրել է 1-ին հորիզոնականը (10 միավոր)՝ իրենից հետ թողնելով Մյոնխենգլադբախի «Բորուսիային», Դոնեցկի «Շախտյորին» (8-ական միավոր) ու «Ինտերին» (6 միավոր):

Առանց Բենզեմայի. «Ռեալի» հայտացուցակը՝ «Ատալանտայի» դեմ խաղի համար

Միացի՛ր հայկական ամենասպորտային Instagram-ին: