Ռաֆայել Վահանյանն ամրապնդեց միանձնյա առաջատարի դիրքը

Հայկական շախմատի անվանի վետերան Ռաֆայել Վահանյանը գերազանց է հանդես գալիս Իսպանիայում անցկացվող «Համաշխարհային շախմատի լեգենդներ» մրցաշարում:

6-րդ տուրում հայ գրոսմայստերը հաղթեց Օլեգ Ռոմանիշինին և 8 միավորով ավելի ամրապնդեց միանձնյա առաջատարի իր դիրքը: 6-ական միավորով Վահանյանին հետապնդող Անատոլի Կարպովի և Լյուբոմիր Լյուբոևիչի մրցախաղն ավարտվեց ոչ-ոքի: Ռոմանիշինի օգտին 4 միավոր է գրանցված:

Այժմ համաշխարհային շախմատի լեգենդներն իրենց հարաբերությունները կպարզեն կայծակնային մրցախաղում: Կանցկացվի 12 տուր: Կայծակնային շախմատում հաղթանակի համար շախմատիստը կստանա մեկ միավոր, ոչ-ոքիի դեպքում՝ կես միավոր:

Հաղթողը կորոշվի 2 մրցաշարերում վաստակած միավորների ընդհանուր քանակով:

Միացի՛ր հայկական ամենասպորտային Instagram-ին: