Ռայան Գիգզը ձերբակալվել է ընկերուհու վրա հարձակում կատարելու կասկածանքով

«Մանչեսթեր Յունայթեդի» նախկին կիսապաշտպան Ռայան Գիգզը, որը այս պահին գլխավորում է Ուելսի հավաքականը, ձերբակալվել է ընկերուհու վրա հարձակում կատարելու մեղադրանքով, այս մասին հայտնել է The Telegraph-ը։

Աղբյուրի փոխանցմամբ, Գիգզի ընկերուհի Կեյտ Գրեվիլը ոստիկանություն է զանգահարել, որն էլ հենց ձերբակալել է մարզչին։ Աղջիկը բժիշկների օգնությանը չի դիմել։ Իսկ նախկին ֆուտբոլիստը մի քանի ժամ տևած հարցաքննությունից հետո ազատ է արձակվել գրավի դիմաց մինչև հետաքննության ավարտը։

Սա Գիգզի անձնական կյանքի հետ կապված առաջին սկանդալը չէ։ 2018-ին հայտնի էր դարձել, որ ուելսցին դավաճանում էր իր կնոջը իր եղբոր կնոջ ու այլ կանանց հետ։

Միացի՛ր հայկական ամենասպորտային Instagram-ին: