Ռայոլան՝ Հալանդի «Բարսելոնա» հավանական տեղափոխության մասին

Նախօրեին մամուլում տեղեկություններ էին հայտնվել, որ եթե «Բարսելոնայի» առաջիկա նախագահական ընտրություններում հաղթի Էմիլի Ռուսոն, ապա «Բորուսիայի» հարձակվող Էրլինգ Հալանդը կտեղափոխվի կատալոնական ակումբ։ Նշվում էր, որ նա նախնական համաձայնություն ունի նորվեգացի ֆուտբոլիստի հետ։ Սակայն Հալանդի գործակալ Մինո Ռայոլան անհեթեթություն է որակել այս տեղեկատվությունը։

«Կեղծ լուրեր։ Երբեք չեմ խոսել «Բարսելոնայի» որևէ նախագահի թեկնածուի հետ Հալանդի հարցով ու չեմ էլ խոսի։ Երբ «Բարսելոնան» հունվարին նոր նախագահ ունենա, նա կարող է ինձ զանգել»,-հայտարարել է Ռայոլան Sport1-ի հետ զրույցում։

Միացի՛ր հայկական ամենասպորտային Instagram-ին: