Ռայոլան բացատրել է՝ ինչու չի կայացել Հալանդի՝ «Յուվենտուս» տեղափոխությունը

Դորտմունդի «Բորուսիայի» հարձակվող Էրլինգ Հալանդի գործակալ Մինո Ռայոլան անդրադարձել է նորվեգացու՝ Թուրինի «Յուվենտուս» չկայացած տրանսֆերի թեմային։

Պատասխանելով այն հարցին, թե ինչու Հալանդը «Յուվենտուսի» կազմը համալրելու փոխարեն տեղափոխվել է դորտմունդյան ակումբ, Ռայոլան ասել է․ «Նրան կուղարկեին պատանեկան թիմ»։

Հիշեցնենք, որ Հալանդը «Բորուսիայի» կազմը համալրել է դեկտեմբերին։ Թիմը ֆուտբոլիստի տրանսֆերի համար 20 միլիոն եվրո է հատկացրել։

19-ամյա հարձակվողը Բունդեսլիգայի ընթացիկ մրցաշրջանում անցկացրած 9 խաղում դարձել է 10 գոլի հեղինակ։

Կարանտինի հետևանքները. Բունդեսլիգայի վերսկսումից հետո արդեն 8 վնասվածք կա

Միացի՛ր հայկական ամենասպորտային Instagram-ին: