«Ռեալը» համաձայնության է հասել՝ իր հարձակվողին վարձավճարով զիջելու հարցում

«Ռեալը» համաձայնության է հասել «Բենֆիկայի» հետ՝ թիմի հարձակվող Մարիանո Դիասին վարձավճարով զիջելու հարցում, տեղեկացնում է Record-ը:

Աղբյուրի փոխանցմամբ՝ ակումբները համաձայնեցրել են մեկ տարվա վարձակալություն, որի ավարտից հետո պորտուգալական ակումբը հարձակվողին գնելու հնարավորություն կունենա: «Բենֆիկան» ոչինչ չի վճարի «Ռեալին», սակայն ամբողջովին կվճարի Մարիանոյի աշխատավարձը, որի հետ դեռ համաձայնության չի հասել:

Մարիանոյի տարեկան աշխատավարձը «Ռեալում» կազմում է մոտ 4.5 միլիոն եվրո: Դոմինիկացին ավարտված մրցաշրջանում քիչ խաղաժամանակ էր ստանում, չնայած՝ հասցրել է գոլ խփել Էլ Կլասիկոյին:

Միացի՛ր հայկական ամենասպորտային Instagram-ին: