Ռիվալդո. «Տխուր է տեսնել, թե ինչ կատարվեց Բրազիլիայի հավաքականի 10 համարի հետ»

Բրազիլիայի հավաքականի նախկին հարձակվող Ռիվալդոն Արգենտինայի դեմ ընկերական խաղից հետո քննադատել է իր ընտրանու գլխավոր մարզիչ Տիտեին՝ 10 համարի մարզաշապիկը «Միլանի» կիսապաշտպան Լուկաս Պակետային հանձնելու համար:

«Դիտեցի Արգենտինայի դեմ խաղը, ու ինձ համար շատ տխուր էր տեսնել՝ ինչ կատարվեց 10 համարի հետ, որը տվել էին Լուկաս Պակետային: Այդ մարզաշապիկը մեծ հարգանք է վայելում ամբողջ աշխարհում: Բրազիլիայի 10 համարը չի կարող լինել պահեստային ֆուտբոլիստ, քանի որ այն ժամանակին կրել են Պելեն, Ռիվելինոն, Զիկոն, Ռիվալդոն, Կական, Ռոնալդինյոն, Նեյմարը:

Ֆուտբոլիստն այստեղ մեղք չունի, բայց մարզիչն ունի: Մարզիչն իր այս քայլով ու ճնշումով կարող է սպանել 22-ամյա տաղանդավոր ֆուտբոլիստին, որը կարող է մեծ ապագա ունենալ հավաքականում», – գրել է Ռիվալդոն սոցիալական ցանցում:

Միացի՛ր հայկական ամենասպորտային Instagram-ին: