«Ռոման» փոխարինող է ընտրել Ջեկոյին

«Ռոման» կողմնորոշվել է հարձակվող Էդին Ջեկոյին փոխարինողի հարցում, եթե բոսնիացին հեռանա ակումբից:

Corriere dello Sport-ը գրում է, որ «գայլերի» առաջնային ընտրությունը լինելու է «Չելսիի» հարձակվող Օլիվյե Ժիրուն: Ֆրանսիացին ցանկանում է փոխել թիմը, որպեսզի Եվրոպայի առաջնությունից առաջ շատ խաղաժամանակ ունենա:

Ժիրուն 3 տարի առաջ մոտ է եղել «Ռոմայում» հայտնվելուն, երբ կարող էր ընդգրկվել Էդին Ջեկոյի՝ «Չելսի» տեղափոխության գործարքում: Արդյունքում, այն խափանվեց:

Իտալական ակումբը ցանկանում է բաժանվել Ջեկոյից, քանի որ նա կոնֆլիկտի մեջ է գլխավոր մարզիչ Պաուլու Ֆոնսեկայի հետ և շատ բարձր աշխատավարձ է ստանում: Բոսնիացին պատրաստ է հեռանալ, եթե այնպիսի թիմ գտնի, որտեղ տեղափոխվելիս նրա ընտանիքն իրեն հարմարավետ կզգա:

Միացի՛ր հայկական ամենասպորտային Instagram-ին: