«Ռոմայի» ֆուտբոլիստներն ընդվզել են գլխավոր մարզիչ Ֆոնսեկայի դեմ

«Ռոմայում» լարվածություն է հասունացել՝ գրում է Football Italia-ն: Պատճառն այն է, որ ֆուտբոլիստները դժգոհ են ակումբի աշխատակից Ջանլուկա Գոմբերին պաշտոնից ազատելու որոշումից:

Հաղորդման համաձայն՝ Էդին Ջեկոն ու Լորենցո Պելեգրինին հանդիպել են գլխավոր մարզիչ Պաուլու Ֆոնսեկայի հետ ու թիմի ֆուտբոլիստների անունից արտահայտել իրենց դժգոհությունը:

Իրավիճակը սրվել է գավաթային խաղում «Սպեցիայից» կրած պարտությունից հետո: Հիշեցնենք, որ այդ խաղում «Ռոման» թույլատրելի 5 փոփոխության փոխարեն կատարել էր 6 փոփոխություն, և հռոմեական ակումբի հաղթանակի դեպքում թիմին գրանցվելու էր տեխնիկական պարտություն:

6-րդ փոփոխության շուրջ մեծ աղմուկ բարձրացավ, որի պատճառով աշխատանքից ազատվել են թիմի մի քանի աշխատակիցներ, այդ թվում՝ Գոմբերը:

Corriere dello Sport-ը և Gazzetta dello Sport-ը ևս հաստատում են, որ «Ռոմայի» մարզումն անցել է լարված մթնոլորտում: Այս աղբյուրները պնդում են, որ Ջեկոն ու Պելեգրինին ելույթ են ունեցել թիմի անունից՝ պահանջելով վերադարձնել Գոմբերին:

Միացի՛ր հայկական ամենասպորտային Instagram-ին: