«Ռոմային» տեխնիկական պարտություն էր գրանցվելու, եթե քամբեք կատարեին

Իտալիայի գավաթի 1/8 եզրափակչում «Ռոման» 2։4 (լ․ժ․) հաշվով պարտվել է «Սպեցիային» և դուրս մնացել հետագա պայքարից։

Այդուհանդերձ, եթե «գայլերը» կարողանային 9 ֆուտբոլիստով քամբեք կատարել, միևնույն է նրանց տեխնիկական պարտություն էր գրանցվելու, քանի որ գլխավոր մարզիչ Պաուլու Ֆոնսեկան սխալմամբ 6 փոխարինում է կատարել թույլատրելի 5-ի փոխարեն։

Romapress.net-ից տեղեկանում ենք, որ հանդիպումից հետո պորտուգալացին ընդունել է սխալը և ասել․

«Ժամանակ կունենանք ակումբի ներսում քննարկել նման սխալները»։

«Ռոման» 92-րդ րոպեին երկու կարմիր քարտ է ստացել։ Ֆոնսեկան անմիջապես երկու փոփոխություն է կատարել՝ խաղադաշտ դուրս բերելով դարպասապահ Դանիել Ֆուսուատոյին և պաշտպան Ռոխեր Իբանյեսին, սակայն մինչև այդ արդեն 4 փոխարինում կատարած է եղել։

Ըստ կանոնադրության՝ 5 փոխարինում կարելի է կատարել 3 անգամից, չհաշված ընդմիջումը։ Սակայն այդ ժամանակահատվածը չի նախատեսված 6-րդ փոխարինման համար։ Մրցավարն էլ նման դեպքերում իրավունք չունի թույլ չտալ փոխարինում կատարել։

Այդ խաղում Հայաստանի հավաքականի կիսապաշտպան Հենրիխ Մխիթարյանը խփել է հռոմեացիների 2-րդ գոլը։

Միացի՛ր հայկական ամենասպորտային Instagram-ին: