Ռոնալդուն և պատը. Կրիշտիանուի ձախողված տուգանային հարվածների շարքը շարունակվում է

«Յուվենտուսի» հարձակվող Կրիշտիանու Ռոնալդուն երկու անհաջող տուգանային հարվածներ է իրացրել «Յուվենտուս» – «Կրոտոնե» խաղում (3:0): 26-րդ րոպեին պորտուգալացին հարվածել է պատ կազմած ֆուտբոլիստների վրա, իսկ 88-րդ րոպեին գնդակը դարպասից բարձր է ընթացել:

2018 թվականին Թուրին տեղափոխվելուց հետո Ռոնալդուն 64 հարված է կատարել, որոնցից 42-ն ընթացել են պատի վրա: Դա կազմում է ընդհանուր հարվածների մոտ 2/3-ը:

«Յուվենտուսի» կազմում 36-ամյա ֆուտբոլիստն ընդամենը 1 գոլ է խփել տուգանային հարվածով: 2020 թվականի հուլիսին նա գրավել է «Տորինոյի» դարպասը:

Միացի՛ր հայկական ամենասպորտային Instagram-ին: