«Սելտայի» հարձակվողը կարանտինը խախտելու համար խոշոր գումարով է տուգանվել

«Սելտայի» ղեկավարությունը թիմի հարձակվող Պիոնե Սիստոյին 60 հազար եվրոյով տուգանելու որոշում է կայացրել կորոնավիրուսի համաճարակի ընթացքում սահմանված կարանտինը խախտելու համար՝ հաղորդում է Mundo Deportivo-ն։

Նշենք, որ կարանտինի ընթացքում Սիստոն սեփական որոշմամբ հեռացել է Իսպանիայից, իսկ ավելի ուշ հայտարարել, որ չի կատարել ակումբի մարզչական շտաբի՝ մարզումների վերաբերյալ հրահանգները։

Սիստոն «Սելտայի» կազմը համալրել է «Միդտյուլանից» 2016 թվականին։ Տրանսֆերի համար իսպանական ակումբը վճարել է 6 միլիոն եվրո։ Լա լիգայի ընթացիկ մրցաշրջանում հարձակվողը մասնակցել է 19 հանդիպման՝ դառնալով 2 գոլի հեղինակ։

Կողմերի պայմանագրի ժամկետը նախատեսված է մինչև 2021 թվականի ամառ։

Պաշտոնական․ Լա լիգան թույլատրել է թիմերին խմբերով մարզումներ անցկացնել

Միացի՛ր հայկական ամենասպորտային Instagram-ին: