Սետյենի նախկին օգնականը գլխավորել է Պիկեի ակումբը՝ «Անդորրան»

«Անդորրան» նոր գլխավոր մարզիչ ունի:

Նա Էդեր Սարաբիան է՝ «Բարսելոնայի» նախկին գլխավոր մարզիչ Կիկե Սետյենի նախկին օգնականը: Պայմանագրի շուրջ մանրամասներ չեն հաղորդվում:

Ավելի վաղ տեղեկություններ էին տարածվել, որ Սարաբիան կոնֆլիկտ է ունեցել «Բարսելոնայի» ֆուտբոլիստների հետ Սետյենի շտաբում աշխատանքի ժամանակաշրջանում: Նա հատկապես վատ հարաբերությունների մեջ է եղել թիմի ավագ Լիոնել Մեսիի հետ:

«Անդորրայի» սեփականատերը «Բարսելոնայի» պաշտպան Ժերար Պիկեն է: Թիմը հանդես է գալիս Սեգունդա Բ-ում, ինչը երկրի հեղինակությամբ 3-րդ առաջնությունն է: «Անդորրան» 3-րդ խմբի A ենթախմբում 11 թիմի պայքարում զբաղեցնում է 2-րդ հորիզոնականը, «Բարսելոնա Բ»-ն նույն մրցաշարում 3-րդ տեղում է:

Պիկեն ասել է՝ որ ակումբում է ավարտելու մարզական կարիերան

Միացի՛ր հայկական ամենասպորտային Instagram-ին: