fbpx

«Սիրելի Ձմեռ պապ…». Ինչ սպասել հայկական ֆուտբոլից 2019 թվականին

Նախորդ տարին մենք սկսեցինք Ձմեռ Պապին ուղղված 7 խնդրանքներով: Նրանց մի մասը ճշտությամբ կատարվեցին: Օրինակ․

Ներքին զգացողություն, բայց գուցե և հասարակ ամանորյա խաբկանք կա մոտս, որ 2018-ին մեր թիմերը վերջապես մեկ քայլ առաջ կկատարեն, կսկսվի հող նախապատրաստվել առաջիկա 2-3 տարում առաջին հայկական ակումբի՝ Եվրոպա լիգա մուտքի համար։ Ձմեռ պապ, ես վստահ եմ որ դու կարդում ես այս ամենը։

Ձմեռ պապը ի կատար ածեց նաև Բարձրագույն խմբի ընդլայնման ու մակարդակի աճի հետ կապված խնդրանքները: Սակայն, տապալեցինք, 7-րդ, տոնածառի գագաթին դրված ամենափայլուն երազանքը՝ Ազգերի լիգան:

Այնուամենայնիվ, հայկական ֆուտբոլում եղան այնպիսի հսկայածավալ կառուցվածքային փոփոխություններ, որոնց մասին նույնիսկ անհնար էր երազել: Իսկ դրանք 2019-ի համար բերում են նոր փոփոխություններ:

1․Հենրիխ Մխիթարյանն ու հայկական կոնյակը

Նորից սկսում ենք մեր գլխավոր ֆուտբոլային հերոսի հետ կապված ցանկությունով: Նախորդ տարին Հենոյի համար մեծ հաշվով լավը չէր, մանր խնդիրները նրան միշտ շեղում էին գլխավոր գործից: Բայց «Արսենալ» տեղափոխութունը երևի թե ավելի շատ դրական պետք է համարել, քանի որ «ՄՅՈՒ»-ում այլևս անելիք չկար: Երբ կարծես նա սկսել էր տեմպ հավաքել դեկտեմբերին, վնասվածքը նորից նրան դուրս գցեց ռելսերի վրայից, ու նա մեկ ամիս անց, արդեն 30-ամյակը նշած, սկսելու է թափ հավաքել նորից:

Այս տարիքում արդեն պետք է մոռանանք «Շախտյորից» ու «Բորուսիայից» հիշվող երիտասարդական ավյունի մասին, Հենոն արդեն շեշտը պետք է դնի փորձի, ինտելեկտի, այնպիսի որակների վրա, որոնք տարիքի հետ ավելանում են, ոչ թե պակասում: Անգլիայում դեռ Չերչիլի ժամանակներից գիտեին գնահատել հայկական կոնյակը․ հիմա Մխիթարյանը պետք է դաշտում «բուրի», ինչպես հայկական կոնյակը՝ տարիներից ավելի ու ավելի թունդ ու արժեքավոր դարձած: Տիտղոսը նրա համար պարտադիր պայման չէ, պարտադիրը կայունությունն է, որը նրան թույլ կտա 2-3 տարի էլ բարձր մակարդակում խաղալ: Իսկ հավաքականում նրա ցուցադրած խաղի հարցը Գյուլբուդաղյանցը կարծես լուծեց:

Միկին կլքի՞ «Արսենալը». 3 պատճառ, թե ինչու է հնարավոր, ու ևս 3-ը, թե ինչու՝ ոչ

2․Նոր սերունդը․ կա՞ այն իրականում

Հավաքականի սերնդափոխության մասին խոսում ենք արդեն մի քանի տարի: 2018թ․ արդեն սկսեցին շատ ավելի կոնկրետ անուններ տալ՝ Պետրոս Ավետիսյան, Ալիկ Առաքելյան, Էրիկ Վարդանյան, Արթուր Քարտաշյան, էլ ավելի վաղուց շրջանառված Վահան Բիչախչյան և այլոք: Բայց, կրկին տարբեր հանգամանքների պատճառով, նրանցից և ոչ մեկը նախորդ տարվա ընթացքում վերջնական պատասխան չտվեց մեզ իր ապագայի հարցում:

Ժամանակին, մոտ 4-5 տարի առաջ ևս ունեինք նման խնդիր, երբ երիտասարդականի մի ամբողջ սերունդ նույնիսկ արդեն խաղում էր ազգային հավաքականում, բայց դեռ չունեինք հստակություն՝ արդյո՞ք նրանք ապահովագրեցին իրենց պրոֆեսիոնալ ապագան, թե ոչ: Ի վերջո, այդ սերնդից միայն Վարազդատ Հարոյանն ու Տիգրան Բարսեղյանը կարողացան անցնել այդ արգելքը ու արտերկրում ևս ապացուցել իրենց որակները, դառնալով հավաքականի համար պիտանի խաղացողներ:

Հիմա այս տղաները ևս այդ սպասման ցուցակի մեջ են: Նրանց պետք են մի քանի խաղ հավաքականի մարզաշապիկով ու լավ ելույթներ ակումբային մակարդակով, մասնավորապես եվրագավաթներում: Սա՝ առայժմ Հայաստանում մնացած խաղացողների մասով, իսկ ահա Վահան Բիչախչյանին էլ անհրաժեշտ է փայլել «Ժիլինայի» գլխավոր թիմում, որտեղ նա մինչև վնասվածքն արդեն հասցրել էր դառնալ գոնե մշտապես փոխարինման մտնող ֆուտբոլիստ:

Թռիչք՝ սա այն է, ինչ խնդրում ենք Ձմեռ պապից այս տղաների համար: Խոստումնալից լինելու ժամանակը սպառվել է տղերք, կամ դառնում եք «թույն» ֆուտբոլիստներ, կամ էլ ձեր անունները մեր մյուս տարվա նամակում էլ չեն լինի:

Ինչ կազմ կունենա Հայաստանի հավաքականը 5 տարի անց՝ ըստ Vivaro News-ի

3․Ակումբներ, ակումբներ

Նախորդ տարի ցանկությունն այն էր, որ շատանա Բարձրագույն խմբի ակումբների քանակը: Իրականացավ: Այս անգամ նույն ցանկությունը ունեմ, բայց՝ Առաջին խմբի համար: 10-ից ավելի թիմ Բարձրագույն խմբում գոնե այս պահին անիմաստ է թվում, ու հաշվի առնելով նաև մեր գլխավոր դիվիզիոնում հանդես եկող թիմերի համեմատական մակարդակը, դա կազդի նաև որակի վրա:

Իսկ ահա առաջին խմբում ընդամենը 12 թիմ է, որից 8-ը՝ դուստր թիմեր, ընդ որում՝ «Բանանցը» այստեղ ունի 2 դուստր թիմ: Մինչդեռ, երկրում պրոֆեսիոնալ ֆուտբոլի համակարգ ապահովելու համար անհրաժեշտ է առնվազն 2 մակարդակի որակյալ լիգաներ: Բարձրագույն խմբի ակումբներից մեկի «փակումը» երբեք գլխացավանք չպիտի դառնա երկրում ֆուտբոլի համար, քանի որ միշտ պետք է լինեն նրան փոխարինելու պատրաստ թիմեր: Բացի այդ, ֆուտբոլիստներն էլ պետք է ապահովագրված լինեն աշխատանքի լիակատար կորստից․ԲԽ թիմերից մեկից հեռանալու դեպքում նրանք գոնե կկարողանան ժամանակավորապես հանգրվանել Առաջին խմբի ակումբներում, իսկ երկրում ֆուտբոլիստների թիվն այս պարագայում կավելանա:

Առաջին խմբում հանդես եկող «Լոկոմոտիվ» ակումբը

Ընդհանուր առմամբ, այս խնդրի հիմքում ֆինանսներն են: Ենթակառուցվածքների բացակայութան, ինչպես նաև համակարգային այլ խնդիրների արդյունքում Հայաստանում ակումբ «պահելը» արժե բավականին թանկ, որպես կանոն ոչ պակաս, քան տարեկան 500-800 հազար դոլարը: Պետք է խթանել շուկան ու հնարավորություն տալ ստեղծելու ու պահելու ավելի բյուջետային, 100-200 հազար դոլարանոց ակումբներ, որոնք չեն հավակնի եվրագավաթներում խաղալու, բայց կլուծեն լոկալ խնդիրներ՝ կուրախացնեն իրենց մարզի, քաղաքի երկրպագուներին, 3 տարին մեկ անգամ էլ Բարձրագույն խմբի ուղեգիր կնվաճեն ու դա կլինի նրանց պատմական նվաճումը: ՀՖՖ-ի կողմից վերջին շրջանում ձեռնարկված ենթակառուցվածքային ծրագրերը կարծես նման հնարավորություններ ստեղծելու տարրեր են պարունակում, մնում է որ դա կյանքի կոչվի ու ունենանք ավելի շատ ֆուտբոլ:

Ձմեռ պապ, ավելի հստակ, 2019/20 մրցաշրջանի համար խնդրում եմ 16 թիմ առաջին խմբում:

4․Մ-19 Եվրոպայի առաջնություն

Մինչև 19 տարեկանների Եվրոպայի առաջնության եզրափակիչ փուլը 2019թ․կայանալու է Հայաստանում ․սա երևի թե ամենահաճելի ժառանգությունն էր՝ ՀՖՖ հին ղեկավարությունից նորին: Եվրոպական 8 գիգանտներ /ներողություն, 7 + Հայաստանը/ 2 խմբերում պարզելու են կիսաեզրափակչի մասնակիցներին, հետո էլ ամեն ինչ ըստ բոլորիս հայտնի սխեմայի, ու այդ ամենը՝ հուլիսի 14-27-ը:

Պետք է անպայման հիշել, որ սա երկրորդ անգամն է, ինչ Հայաստանը մասնակցում է այս տարիքային խմբի Եվրոպայի առաջնությանը: Բայց ի տարբերություն մեր այսօրվա 19-երի, որ զուտ ՀՖՖ ջանքերով են հայտնվել այդ մրցաշարում, Էդգար Մանուչարյանենք ոչ միայն ինքնուրույն էին նվաճել այդ իրավունքը, այլև խմբային փուլում 1 միավոր վաստակել, խփելով 1 ու բաց թողնելով ընդամենը 4 գնդակ: Իսկ մեր այսօրվա Մ19 հավաքականը դեռ նոյեմբերին տեղի ունեցած ընկերական մրցաշարի ժամանակ 3 խաղում նույն խփած 1 գնդակի փոխարեն ընդունեց 16-ը:

Ինչևէ, այս պահին դա գուցե և անուղղելի է, բայց առանձին ֆուտբոլիստներ դեռ ունակ են փայլելու մեր թիմի կազմում: Այսպիսի մրցաշարերին սովորաբար ներկա են լինում մեծ քանակությամբ սկաուտներ աշխարհի առաջատար ակումբներից, ովքեր անկախ իրենց ցանկությունից հետևելու են նաև մեր տղաների խաղին: Մնում է միայն լուրջ տրամադրվել ու պատրաստվել այս առաջնությանը և լավ տպավորություն թողնել այդ խաղերում, որպեսզի այդ սկաուտները Հայաստանից հեռանան ձեր թղթերով:

Հստակ ցանկություն՝ Մ19 հավաքականի 2 ֆուտբոլիստ տեղափոխվեն արտասահմանյան ակումբներ՝ երիտասարդական թիմերում խաղալու:

Հետևե՛ք VNews.am-ին նաև Youtube-ում և Instagram-ում:

1 2

Խինես Մելենդեսի մամուլի ասուլիսն ամբողջությամբ (տեսանյութ)

Խինես Մելենդեսը բերում է Ինիեստայի, Սուսոյի և Խուանմիի օրինակները, որոնք հայ ֆուտբոլիստները պետք է ընդօրինակեն

Դիեգո Ռոսի Մարաշլյան․ «Իմ նպատակն Ուրուգվայի հավաքականում խաղալն է»

«Հայաստան վերադառնալու ցանկություն չունեմ»․ Ո՞ւր է «անհետացել» Աղվան Պապիկյանը

Արթուր Վանեցյան․ «Ֆուտբոլի ասպարեզում շատ հայտնի մարդիկ են այցելելու Հայաստան»

Լեգեոներների լիմիտ. Արհեստական ու հապճեպ լուծում մի խնդրի համար, որը իրականում գոյություն չունի

ՀՖՖ-ն արձագանքել է լեգեոներների լիմիտի և առաջնության ձևաչափի մասին քննարկումներին

Գոռ Մալաքյանը նույնպես արձագանքեց․ «Հայկական թիմում չպետք է լինեն 7-8-ից ավել լեգեոներներ»

Ապրիլին Հայաստանում պատրաստ կլինեն արհեստական խոտածածկով 10 փոքր խաղադաշտեր (տեսանյութ)

Էդգար Մանուչարյան․ «Հայկական ֆուտբոլն անդունդի եզրին է․ կողմ եմ, որ լինի լեգեոներների լիմիտ»

Գևորգ Ղազարյանը բերում է իր, Մխիթարյանի և Եդիգարյանի օրինակը՝ հիմնավորելով լեգեոներների մասին դիրքորոշումը

Ալեքսանդր Կարապետյանը՝ Յուրա Մովսիսյանի հետ մրցակցության մասին․ «Կարող ենք 2 հարձակվողով խաղալ»

Գևորգ Ղազարյանը հումորային լուսանկարով է շնորհավորել Հենրիխ Մխիթարյանին

Ալեքսանդր Կարապետյան․ «Զարմացած էի տարվա լավագույն ֆուտբոլիստների թվում հայտնվելու կապակցությամբ»

Happy Birthday, Heno! 30 փաստ Հենրիխ Մխիթարյանի կարիերայի մասին

Հայաստանի հավաքականի մարզիչները հետևել են «Լեգանեսի» մարզմանը և ներկա կգտնվեն «Ռեալ Մ.» – «Սևիլիա» հանդիպմանը