fbpx

Սկանդալներ, մահ, թեժ պայքար. Կատալոնական դերբիին ընդառաջ

Դեկտեմբերի 8-ին, «Կոռնելիա Էլ Պրատ» մարզադաշտում տեղի կունենա 155-րդ կատալոնական դերբին. «Էսպանյոլը» սեփական հարկի տակ կընդունի «Բարսելոնային»: Ըստ վիճակագրության՝ «կապտանռնագույնները» զգալի առավելություն ունեն հարևանների նկատմամբ. 86 հաղթանակ՝ ընդդեմ 34-ի: 34 անգամ էլ գրանցվել է ոչ-ոքի:

Դերբիի պատմությունը

«Բարսելոնան» հիմնադրվել է 1899 թվականին և որպես տեղի առաջին ակումբ` վերցրել է քաղաքի անվանումը: Հիմնականում այդպես են վարվում այն թիմերը, որոնք ցանկանում են իրենց առաջինը ասոցացնել տվյալ տարածաշրջանի հետ: 1 տարի հետո մարզում ապրող իսպանացիների կողմից հիմնադրվեց «Էսպանյոլը», որի անվանումը մեղմ ասած` միանշանակ չընդունվեց Կատալոնիայի մայրաքաղաքում, քանի որ այն թարգմանաբար նշանակում է`«իսպանական»:

Եթե «Բարսելոնան» քաղաքի և մարզի խորհրդանիշն էր և մեծ համակրանք ուներ տեղաբնիկների կողմից, ապա «Էսպանյոլին» աջակցում և երկրպագում էին Իսպանիայի այլ տարածաշրջաններից Կատալոնիա ժամանած միգրանտները: Այդպիսով, ի սկզբանե, այս երկու ակումբների միջև գոյացավ թշնամանք և ատելություն:

Հատկանշականն այն է, որ այս 2 թիմերի մրցավեճը իրականում չի անվանվում կատալոնական դերբի, քանի որ Էսպանյոլը չի ասոցացվում Կատալոնիայի հետ: Այս խաղն Իսպանիայում ավելի շատ հայտնի է «բարսելոնյան դերբի» (Derbi barcelonés) անվանումով:

Առաջին դերբին տեղի է ունեցել Կատալոնիայի գավաթի շրջանակներում և ավարտվել գոլազուրկ ոչ-ոքիով:

Թեժ հակամարտություն

Ինչպես և ֆուտբոլային աշխարհի գրեթե բոլոր դերբինեում, այստեղ ևս քիչ չեն եղել սկանդալները: 1924 թվականին «կապտանռնագույնների» նախկին մարզադաշտում` «Լես Կորտսում» տեղի ունեցավ առաջին միջադեպը: Փոխադարձ թշնամական վերաբերմունքը տարածվում էր և´ խաղադաշտում, և խաղադաշտից դուրս: Տրիբունաներում տեղ գտած յուրաքանչյուր երկրպագու իր պարտքն էր համարում մետաղադրամ նետել հակառակորդ թիմի խաղացողների ուղղությամբ: Փորձ կատարվեց նաև հարձակվել ֆուտբոլիստների վրա, որից հետո որոշում կայացվեց հանդիպումը տեղափոխել և անցկացնել առանց հանդիսատեսի:

1991 թվականին «թութակների» (այդպես են կոչում «Էսպանյոլին») մարզադաշտի մերձակայքում «Brigadas Blanquiazules» (կապտասպիտակ բրիգադ) կոչվող Էսպանյոլի ֆան-շարժման վրա հարձակում են գործում հանրահայտ բարսելոնյան նացիստական ֆան-խմբավորման «Boixos Nois»-ի (թարգմ.` խելագար տղաներ) անդամները: Բարսելոնայի երկրպագուները դանակահարում և սպանում են «Էսպանյոլի» մեկ երկրպագուի՝ մի քանիսին հասցնելով ծանր վնասվածքներ:

Կրքերը չեն հանդարտվում նաև թաղման արարողության ժամանակ: Հանկարծ հայտնվում են Boixos Nois-ի ծայրահեղականները և շրջում են սպանված երկրպագուի դագաղը: Դատը տեղի է ունենում միայն 3 տարի հետո: Մեղավոր է ճանաչվում 19-ամյա Ֆրանսիսկո Աբադալը: Վերջինս հայտարարում է, որ նա պաշտպանել է իր թիմի գույները և չի զղջում իր արարքի համար: Բարսելոնայում պնդում են, որ իրականում այդ միջադեպը տեղի է ունեցել վրեժխնդրության հողի վրա, քանի որ դրանից որոշ ժամանակ առաջ «Էսպանյոլի» տասնյակ երկրպագուներ հարձակվել էին «Բարսայի» ֆան-ակումբի փոքրաթիվ անդամների վրա:

Հետևե՛ք VNews.am-ին նաև Youtube-ում և Instagram-ում:

1 2

«Այաքսի» աստղերից մեկն ընտրություն է կատարում «Արսենալի» ու «Բարսելոնայի» միջև

Անգլիական գրանդը «ներխուժում» է դե Լիգտի տրանսֆերային մրցավազք

Իսպանական Լա լիգա 2018/19. լավագույն քառյակը, հաղթողներն ու պարտվողները

Մբապեն՝ Մեսիի հետ «Ոսկե խաղակոշիկի» մրցավազքի մասին. «Նրա դուբլից հետո գնացի քնելու»

Մեսին Իսպանիայի առաջնության պատմության «ամենահամոզիչ» ռմբարկուն է

«Բարսելոնան» «Ռեալի» նկատմամբ ռեկորդային առավելությամբ ավարտեց առաջնությունը

Մեսին շարունակում է «փորփրել» պատմության էջերը

Մեսիի դուբլը բավարար չեղավ «Բարսելոնային» «Էյբարին» հաղթելու համար (տեսանյութ)

«Էյբար» – «Բարսելոնա»․ Առաջին խաղակեսում 4 գոլ գրանցվեց (տեսանյութ)

«Բարսայի» մեկնարկային կազմը «Էյբարի» դեմ խաղում

20 ակումբ ապահովել է իր տեղը Չեմպիոնների լիգայի գավաթի հաջորդ խաղարկության խմբային փուլում

Վալվերդեն հաստատել է, որ «Բարսելոնան» բանակցում է «Ատլետիկոյի» հետ Գրիզմանի հարցի շուրջ

Իսպանական թիմերից որոնք նվաճեցին Չեմպիոնների լիգայի ու Եվրոպա լիգայի ուղեգիր

«Չեմպիոնների լիգայում ձախողվելը փչացրեց մեր մրցաշրջանը». Վալվերդե

«Բարսելոնայի» ֆուտբոլիստները դեմ են Գրիզմանի տրանսֆերին

Դե Յոնգին ու դե Լիգտին «բռնացրել» են Բարսելոնայում